ಬೆಳಗಾವಿ: ಕೊರೊನಾ ಸೋಂಕು ಹರಡುವ ಭೀತಿ ಹಿನ್ನೆಲೆಯಲ್ಲಿ ದೇಶಾದ್ಯಂತ ಸಾರಿಗೆ ಸಂಚಾರ ಸ್ತಬ್ಧವಾಗಿದೆ. ಮಹಾರಾಷ್ಟ್ರದ ಪುಣೆಯ ವಿವಿಧ ಕೈಗಾರಿಕೆಗಳಲ್ಲಿ ಕೆಲಸ ಮಾಡುತ್ತಿರುವ ಯುವಕರು ತಮ್ಮ ಊರಿಗೆ ಆಗಮಿಸಲು ಹೊಸ ಸಾಹಸ ಮಾಡಿದ್ದಾರೆ.
ಲಾರಿ ಹಿಂಬದಿಗೆ ಜೋತುಬಿದ್ದು ಊರು ತಲುಪಿದ ಯುವಕರು
ಕರ್ನಾಟಕ ಪಾಸಿಂಗ್ ಇರುವ ಗೂಡ್ಸ್ ಲಾರಿಯ ಹಿಂಬದಿಗೆ ಜೋತು ಬಿದ್ದು ಯುವಕರಿಬ್ಬರು ತಮ್ಮ ಊರಿಗೆ ಆಗಮಿಸಿದ್ದಾರೆ. ಊರಿಗೆ ಆಗಮಿಸಲು ಯುವಕರು ಮಾಡಿರುವ ಸಾಹಸವನ್ನು ಕಾರಲ್ಲಿ ಪ್ರಯಾಣಿಸುವ ವ್ಯಕ್ತಿಯೋರ್ವ ಮೊಬೈಲ್ನಲ್ಲಿ ಸೆರೆಹಿಡಿದಿದ್ದಾರೆ.
ಆ ವಿಡಿಯೋ ಈಟಿವಿ ಭಾರತಕ್ಕೆ ಲಭ್ಯವಾಗಿದೆ. ಈ ಇಬ್ಬರು ಯುವಕರು ಮಹಾರಾಷ್ಟ್ರದ ಗಡಿಭಾಗದವರು ಎಂದು ತಿಳಿದುಬಂದಿದೆ. ಪುಣೆಯಿಂದ ಸುಮಾರು ಇನ್ನೂರು ಕಿಮೀಗೂ ಅಧಿಕ ದೂರ ಲಾರಿಗೆ ಜೋತು ಬಿದ್ದು ಪ್ರಯಾಣಿಸಿದ್ದಾರೆ.
