ನಿರ್ದೇಶಕ ಯೋಗರಾಜ್ ಭಟ್‌ ಅವ್ರ ಮಾರ್ಗದರ್ಶನದಲ್ಲಿ, ಅವರದ್ದೇ ನಿರ್ಮಾಣ ಸಂಸ್ಥೆ ಯೋಗರಾಜ್ ಭಟ್‌ ಮೂವೀಸ್‌ ಹಾಗೂ ರವಿ ಶ್ಯಾಮನೂರ್‌ ಫಿಲಮ್ಸ್ ಬ್ಯಾನರ್‌ ದಲ್ಲಿ ರೆಡಿಯಾಗಿರುವ ʻಪದವಿ ಪೂರ್ವʼ ಸಿನಿಮಾ ಈ ವರ್ಷದ ಕೊನೆಯ ವಾರ ಡಿಸೆಂಬರ್ 30ಕ್ಕೆ ಬಿಡುಗಡೆಗೆ ಸಜ್ಜಾಗಿದೆ.
ಯೋಗರಾಜ್ ಭಟ್‌ ಅವರ ಗರಡಿಯಲ್ಲಿ ಪಳಗಿರೋ ಹರಿಪ್ರಸಾದ್‌ ಜಯಣ್ಣ ಮೊದಲ ಬಾರಿಗೆ ನಿರ್ದೇಶಕರ ಕ್ಯಾಪ್‌ ತೊಟ್ಟು ಆ್ಯಕ್ಷನ್‌ ಕಟ್‌ ಹೇಳ್ತಾ ಇರೋ ಹದಿಹರೆಯದ ಲವ್‌ ಸ್ಟೋರಿ ಬಗ್ಗೆ ಇಂಡಸ್ಟ್ರಿಯಲ್ಲಿ ಈಗಾಗ್ಲೆ ಟಾಕ್‌ ಶುರುವಾಗಿದೆ. ಪದವಿ ಪೂರ್ವ ಸಿನಿಮಾ ಮೂಲಕ ಕನ್ನಡ ಸಿನಿಮಾ ಇಂಡಸ್ಟ್ರಿಗೆ ಕನ್ನಡದ ಹುಡುಗ ಪೃಥ್ವಿ ಶ್ಯಾಮನೂರ್‌ ಎಂಟ್ರಿಕೊಡ್ತಾ ಇದ್ದಾರೆ.
ಚಾಕ್ಲೆಟ್‌ ಹೀರೋ ಥರಾ ಇರೋ ಪೃಥ್ವಿಗೆ ಅಂಜಲಿ ಅನೀಶ್‌ ನಾಯಕಿಯಾಗಿ ನಟಿಸಿದ್ದಾರೆ. ಇವರ ಜತೆಗೆ ಈಗಾಗ್ಲೆ ಮಾನ್ಸೂನ್‌ ರಾಗ ಹಾಗೂ ಭೈರಾಗಿ ಸಿನಿಮಾಗಳಲ್ಲಿ ಮಿಂಚಿ, ಸ್ಯಾಂಡಲ್‌ವುಡ್‌ನಲ್ಲಿ ಬೇಡಿಕೆಯ ನಟಿಯಾಗಿ ಮಿಂಚ್ತಾ ಇರೋ ಯಶ ಶಿವಕುಮಾರ್‌ ಮತ್ತೊಂದು ಲೀಡ್‌ ಪಾತ್ರದಲ್ಲಿ ನಟಿಸ್ತಾ ಇದ್ದಾರೆ.
ಮ್ಯುಜಿಕಲ್‌ ಕಂಪೋಸರ್‌ ಅರ್ಜುನ್‌ ಜನ್ಯಾ ಈ ಯೂಥ್‌ಫುಲ್‌ ಲವ್‌ ಸ್ಟೋರಿಗೆ ಮ್ಯೂಸಿಕ್ ಕಂಪೋಸ್‌ ಮಾಡ್ತಾ ಇದ್ದು, ಟೀನೇಜ್‌ ಲವ್‌ ಸ್ಟೋರಿ ಬ್ಯೂಟಿಫುಲ್ಲಾಗಿ ಕಟ್ಟಿಕೊಡುವ ಕ್ಯಾಮೆರಾಮನ್‌ ಸಂತೋಷ್‌ ರೈ ಪಾತಾಜೇ ಈ ಸಿನಿಮಾದಲ್ಲಿ ತಮ್ಮ ಕ್ಯಾಮೆರಾ ಕೈ ಚಳಕ ತೋರಿಸಿದ್ದಾರೆ. ಯೋಗರಾಜ್ ಭಟ್‌ ಲಿರಿಕ್ಸ್‌ ಬರೆದು, ವಿಜಯ್‌ ಪ್ರಕಾಶ್‌ ಹಾಡಿರೋ ಫ್ರೆಂಡ್‌ಶಿಪ್‌ ಹಾಡು ಈಗಾಗ್ಲೆ ರಿಲೀಸ್ ಆಗಿ ಪಾಪ್ಯುಲರ್‌ ಆಗಿದೆ. ಈ ಸಿನಿಮಾದ ಹಾಡುಗಳ ಬಗ್ಗೆ ದೊಡ್ಡ ನಿರೀಕ್ಷೆ ಇದೆ.
ಫ್ರೆಶ್‌ ಪ್ರತಿಭೆಗಳಿಂದ ಕೂಡಿರೋ ಈ ಫ್ರೆಶ್‌ ಪ್ರೇಮಕಥೆಯಲ್ಲಿ ಯುವಕರ ಜತೆಗೆ ಶರತ್‌ ಲೋಹಿತಾಶ್ವ, ರಂಗಾಯಣ ರಘು, ಗೆಸ್ಟ್‌ ಅಪಿಯರೆನ್ಸ್‌ ನಲ್ಲಿ ಅದಿತಿ ಪ್ರಭುದೇವ, ಪ್ರಭು ಮುಂದ್ಕರ್‌, ಶ್ವೇತಾ ಪ್ರಸಾದ್‌, ಕಾಮಿಡಿ ಕಿಲಾಡಿ ನಯನ, ಮಹಂತೇಶ್‌ ಸಜ್ಜನ್‌, ಸುಶ್ಮಿತಾ ಸೇರಿದಂತೆ ದೊಡ್ಡ ತಾರಾಬಳಗ ಇದೆ.
ವರ್ಷದ ಕೊನೆಯಲ್ಲಿ ತೆರೆಗೆ ಬರ್ತಾ ಇರೋ ಪದವಿ ಪೂರ್ವ ಕಾಲೇಜ್‌ ಸ್ಟೂಡೆಂಟ್ಸ್‌ ಜತೆಗೆ ಪೋಷಕರಿಗೂ ಮೆಸೇಜ್‌ ಇದೆ. ಡಿಸೆಂಬರ್ 30ಕ್ಕೆ ರಿಲೀಸ್ ಆಗ್ತಾ ಇದೆ. ಕನ್ನಡದಲ್ಲಿ ಬಂದಿರೋ ಕಾಲೇಜ್‌ ಲವ್‌ ಸ್ಟೋರಿಗಳು ಬಹುತೇಕ ಬ್ಲಾಕ್‌ಬಸ್ಟರ್‌ ಲಿಸ್ಟ್‌ ಸೇರಿದ್ದು, ಪದವಿ ಪೂರ್ವ ಸಿನಿಮಾ ಕೂಡ ಜನರನ್ನು ಎಂಟರ್‌ಟೈನ್‌ ಮಾಡೋದಂತೂ ಕನ್‌ಫರ್ಮ್‌ ಆಗಿದೆ.
ಇದನ್ನೂ ಓದಿ:ತ್ರಿಬಲ್ ರೈಡಿಂಗ್ ರಿಲೀಸ್: ಲವರ್ ಬಾಯ್ ಆಗಿ ಮಿಂಚಿದ ಗೋಲ್ಡನ್ ಸ್ಟಾರ್
