ಬೆಂಗಳೂರು : ಅಂತಾರಾಷ್ಟ್ರೀಯ ಪೊಲೀಸ್ & ಫೈರ್ ಗೇಮ್ಸ್ ನಲ್ಲಿ ಭಾರತದ ಪರ ಕರ್ನಾಟಕ ಕ್ಯಾಡರ್ ನ ನಿವೃತ್ತ ಐಪಿಎಸ್ ಅಧಿಕಾರಿ ಬಿಎನ್ಎಸ್ ರೆಡ್ಡಿ ಸತತ ನಾಲ್ಕನೇ ಬಾರಿ ಪದಕಗಳನ್ನು ಬೇಟೆಯಾಡಿದ್ದಾರೆ.
ನೆದರ್ಲೆಂಡ್ಸ್‌ ನ ರೋಟರ್ ಡ್ಯಾಂನಲ್ಲಿ ನಡೆದ ವರ್ಲ್ಡ್ ಪೊಲೀಸ್ & ಫೈರ್ ಗೇಮ್ಸ್ ನ ಅರವತ್ತು ವರ್ಷ ಮೇಲ್ಪಟ್ಟ ವಯೋಮಾನದವರ ಟೆನ್ನಿಸ್ ಡಬಲ್ಸ್ ನಲ್ಲಿ ಪಂಜಾಬ್‌ನ ಸುರಿಂದರ್ ಮೋಹನ್ ಶರ್ಮಾ ಜೊತೆಗೂಡಿ ಚಿನ್ನದ ಪದಕ ಗೆದ್ದರೆ, ಸಿಂಗಲ್ಸ್‌ನಲ್ಲಿ ಬೆಳ್ಳಿಯ ಪದಕ ಗೆಲ್ಲುವ ಮೂಲಕ ನಾಲ್ಕನೇ ಬಾರಿ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಕರ್ನಾಟಕ ಪೊಲೀಸ್ ಇಲಾಖೆಯ ಹೆಸರು ರಾರಾಜಿಸುವಂತೆ ಮಾಡಿದ್ದಾರೆ.
ಪ್ರಸ್ತುತ ಬಿಸಿಸಿಐನ ಭ್ರಷ್ಟಾಚಾರ ನಿಗ್ರಹ ದಳದ ಸದಸ್ಯರೂ ಆಗಿರುವ ಬಿಎನ್ಎಸ್ ರೆಡ್ಡಿಯವರು 2015ರಲ್ಲಿ ವರ್ಜೀನಿಯಾ 2017ರಲ್ಲಿ ಲಾಸ್ ಏಂಜಲೀಸ್ ಹಾಗೂ 2019ರಲ್ಲಿ ಚೆಂಗ್ಡುವಿನಲ್ಲಿ ನಡೆದ ವರ್ಲ್ಡ್ ಪೊಲೀಸ್ & ಫೈರ್ ಗೇಮ್ಸ್ ನಲ್ಲಿಯೂ ಪದಕ ಗೆದ್ದಿದ್ದರು.
ಓದಿ : ಬ್ಯಾಡ್ಮಿಂಟನ್ ಫೈನಲ್: ಸೋತ ಭಾರತಕ್ಕೆ ಬೆಳ್ಳಿ, ಚಿನ್ನಕ್ಕೆ ಕೊರಳೊಡ್ಡಿದ ಮಲೇಷ್ಯಾ
