ಬೆಂಗಳೂರು: ಸಾರಿಗೆ ನೌಕರರ ಮುಷ್ಕರ ಹಿನ್ನೆಲೆ ಇಂದೂ ಕೂಡ ಡಿಪೋಗಳಿಂದ ಸರ್ಕಾರಿ ಬಸ್ಸುಗಳು ಹೊರಬಂದಿಲ್ಲ. ಖಾಸಗಿ ಬಸ್ಗಳಿಂದಲೇ ಬಿಎಂಟಿಸಿ, ಕೆಎಸ್ಆರ್ಟಿಸಿ ಬಸ್ ನಿಲ್ದಾಣ ತುಂಬಿ ಹೋಗಿದೆ.
ಸಾಲು ಸಾಲು ರಜೆ ಹಿನ್ನೆಲೆ ಊರುಗಳಿಗೆ ಹೋಗಿದ್ದವರೀಗ ವಾಪಸ್ ಬಂದಿದ್ದಾರೆ. ಬಸ್ಸುಗಳಿಗಾಗಿ ಪ್ರಯಾಣಿಕರು ಕಾದು ಕುಳಿತಿರುವ ದೃಶ್ಯ ಕಂಡು ಬರುತ್ತಿದೆ. ಅನಿವಾರ್ಯವಾಗಿ ಖಾಸಗಿ ಬಸ್ಗಳಲ್ಲೇ ಜನರು ಸಂಚಾರ ಮುಂದುವರೆಸಿದ್ದಾರೆ.
ಮೆಜೆಸ್ಟಿಕ್ನ ಬಿಎಂಟಿಸಿ ನಿಲ್ದಾಣದಲ್ಲಿ ಖಾಸಗಿ ವಾಹನಗಳ ಯಥಾಸ್ಥಿತಿ ಸಂಚಾರ ಮುಂದುವರೆದಿದ್ದು, ಜತೆಗೆ ಟಿಟಿ, ಆಟೋ, ಟ್ಯಾಕ್ಸಿಗಳು ಕೂಡ ಹೆಚ್ಚಾಗಿ ಕಂಡುಬರುತ್ತಿವೆ. ಹೆಚ್ಚಿನ ಸಂಖ್ಯೆಯಲ್ಲಿ ಅಕ್ಕಪಕ್ಕದ ರಾಜ್ಯ ಮತ್ತು ಜಿಲ್ಲೆಗಳಿಂದ ಆಗಮಿಸುತ್ತಿರುವ ಪ್ರಯಾಣಿಕರು ಬಸ್ಗಳಿಗಾಗಿ ಕಾದು ಕುಳಿತಿದ್ದಾರೆ. ಖಾಸಗಿ ಬಸ್ಸುಗಳು ಎಲ್ಲಾ ಮಾರ್ಗದಲ್ಲಿ ಸಂಚಾರ ಮಾಡುತ್ತಿಲ್ಲದಿರುವುದು ಕೂಡ ಕಾಯುವಿಕೆಗೆ ಒಂದು ಕಾರಣವಾಗಿದೆ.
ಇದನ್ನೂ ಓದಿ: ಸಾರಿಗೆ ಮುಷ್ಕರ: ಸರ್ಕಾರದ ವಿರುದ್ಧ ಇಂದಿನಿಂದ ಮೇಣದ ಬತ್ತಿ ಪ್ರತಿಭಟನೆ
ಪರದಾಡುತ್ತಿರುವ ಕೆಲವು ಪ್ರಯಾಣಿಕರು ಕ್ಯಾಬ್, ಆಟೋ ಮೂಲಕ ತಮ್ಮ ಸ್ಥಳ ತಲುಪುತ್ತಿದ್ದಾರೆ.
