ಬೆಂಗಳೂರು: ಸಾಂಕ್ರಾಮಿಕ ಕೊರೊನಾ ಮಹಾಮಾರಿ ಇಡೀ ಜಗತ್ತನ್ನೇ ಆವರಿಸಿದೆ. ಇದರ ಪರಿಣಾಮ ತಿಂಗಳು ಗಟ್ಟಲೆ ಜನರು ಮನೆಯಲ್ಲಿಯೇ ಬಂಧಿಯಾಗುವಂತೆ ಮಾಡಿದೆ. ಅಷ್ಟೇ ಅಲ್ಲದೇ ಎಲ್ಲ ಕ್ಷೇತ್ರಗಳ ಮೇಲೆ ಕರಿಛಾಯೆ ಬೀರಿದೆ.
ದೇಶವ್ಯಾಪಿ ಕೋವಿಡ್ ಎರಡನೇ ಅಲೆ ಹಿನ್ನೆಲೆಯಲ್ಲಿ 7 ನೇ ಅಂತಾರಾಷ್ಟ್ರೀಯ ಯೋಗ ದಿನಕ್ಕೆ ಸಾಮಾಜಿಕ ಜಾಲತಾಣವೇ ವೇದಿಕೆಯಾಗಲಿದ್ದು, ಬಹಿರಂಗ ಕಾರ್ಯಕ್ರಮಕ್ಕೆ ಅವಕಾಶವಿಲ್ಲ. ಹಾಗಾಗಿ, ಈ ಬಾರಿ ‘ಮನೆಯಲ್ಲಿಯೇ ಇದ್ದು ಯೋಗ ಆಚರಿಸಿ’ ಎಂದು ಕೇಂದ್ರ ಆಯುಷ್ ಇಲಾಖೆ ಮನವಿ ಮಾಡಿದೆ.
ನಾಳೆ ಬೆಳಿಗ್ಗೆ 7 ಗಂಟೆಗೆ ಆನ್ಲೈನ್ ಮೂಲಕ ಯೋಗ ದಿನಾಚರಣೆಯಲ್ಲಿ ಭಾಗವಹಿಸಲು ಅವಕಾಶ ಕೋರಿದೆ. http://main.ayush.gov.in ಅಥವಾ http://yoga.ayush.gov.in/yoga ಮೂಲಕ ಭಾಗಿಯಾಗಬಹುದು. #BeWithYogaBeAtHome #YogaForAll #IDY2021 #YogaForHealth ಹ್ಯಾಶ್ ಟ್ಯಾಗ್ ಮೂಲಕ ಯೋಗ ದಿನಾಚರಣೆಯಲ್ಲಿ ಪಾಲ್ಗೊಳ್ಳಲು ಆಯುಷ್ ಇಲಾಖೆ ಮನವಿ ಮಾಡಿದೆ.
ರಾಜ್ಯದಲ್ಲಿ ಲಸಿಕಾ ಮೇಳ:
ರಾಜ್ಯದಲ್ಲಿ ಯೋಗ ದಿನದ ಅಂಗವಾಗಿ ಕೋವಿಡ್ ಲಸಿಕಾ ಮೇಳವನ್ನು ಆಯೋಜಿಸಲಾಗಿದೆ. ನಾಳೆ 5-7 ಲಕ್ಷದಷ್ಟು ಮಂದಿಗೆ ಲಸಿಕೆ ಹಾಕುವ ಗುರಿ ಹೊಂದಿದೆ. ಈ ಮೂಲಕ ಕೊರೊನಾ ವಿರುದ್ಧ ಹೋರಾಡಲು ಸಹಕರಿಸುವಂತೆ ಮನವಿ ಮಾಡಲಾಗಿದೆ. ರೋಗದ ವಿರುದ್ಧ ಯೋಗವೂ ಸಹಕಾರಿಯಾಗಲಿದ್ದು, ಮನೆಯಲ್ಲಿಯೇ ಯೋಗಾಸನನ ಮಾಡಿ ಸೋಷಿಯಲ್ ಮೀಡಿಯಾದಲ್ಲಿ ಹಾಕುವಂತೆ ಆರೋಗ್ಯ ಇಲಾಖೆ ಕೋರಿದೆ.
