ಸ್ಯಾಂಡಲ್ವುಡ್ನಲ್ಲಿ 'ಶ್ರೀನಿವಾಸ ಕಲ್ಯಾಣ', 'ಬೀರ್ಬಲ್' ಅಂತಹ ವಿಶಿಷ್ಟ ಸಿನಿಮಾಗಳನ್ನ ನಿರ್ದೇಶನ ಮಾಡಿ, ನಾಯಕನಾಗಿ ಗಮನ ಸೆಳೆದ ನಟ ಶ್ರೀನಿವಾಸ್ 'ಶ್ರೀನಿ' ಸದ್ಯ 'ಓಲ್ಡ್ ಮಾಂಕ್' ವಿಶಿಷ್ಟ ಟೈಟಲ್ ಇಟ್ಕೊಂಡು ಸಿನಿಮಾ ಮಾಡ್ತೀರುವ ವಿಚಾರ ಎಲ್ಲರಿಗೂ ಗೊತ್ತಿದೆ. ಸದ್ಯ ಒಲ್ಡ್ ಮಾಂಕ್ ಸಿನಿಮಾಗೆ ಪವರ್ ಸ್ಟಾರ್ ಪುನೀತ್ ರಾಜ್ಕುಮಾರ ಸಾಥ್ ನೀಡಿದ್ದು, ಚಿತ್ರದ ಟ್ರೈಲರ್ ಬಿಡುಗಡೆ ಮಾಡಿದ್ದಾರೆ. ಇದರ ವೀಕ್ಷಣೆ ಮಾಡಿರುವ ಪವರ್ ಸ್ಟಾರ್ ಮೆಚ್ಚುಗೆ ಸಹ ವ್ಯಕ್ತಪಡಿಸಿದ್ದಾರೆ.
ಚಿತ್ರದಲ್ಲಿ ಬ್ರಹ್ಮಚಾರಿಯಾಗಿ ಕಾಣಿಸಿಕೊಂಡಿರುವ ಶ್ರೀನಿ ಜೋಡಿಯಾಗಿ ಅದಿತಿ ಪ್ರಭುದೇವ್ ಆಕ್ಟ್ ಮಾಡಿದ್ದಾರೆ. ಇದರ ಜೊತೆಗೆ ಎಸ್. ನಾರಾಯಣ್, ಅರುಣಾ ಬಾಲರಾಜ್ , ಸಿಹಿಕಹಿ ಚಂದ್ರು, ಸುಜಯ್ ಶಾಸ್ತ್ರಿ, ಎಕ್ಸ್ಕ್ಯೂಜ್ ಮಿ ಖ್ಯಾತಿಯ ಸುನೀಲ್ ಸೇರಿದಂತೆ ಸಾಕಷ್ಟು ಕಲಾವಿದರು ನಟನೆ ಮಾಡಿದ್ದಾರೆ.
ಪುರಾಣಗಳಲ್ಲಿ ಕೇಳಿ ಬರುವ ಬಾಲ ಬ್ರಹ್ಮಚಾರಿ ಕಥೆಯೆ ಚಿತ್ರದ ಮೂಲ. ಸದ್ಯ ಅದಕ್ಕೆ ಮಾಡರ್ನ್ ಲುಕ್ ನೀಡಲಾಗಿದೆ. ಸಮಾಜದಲ್ಲಿ ಸನ್ಯಾಸಿಯೊಬ್ಬರ ಬಗ್ಗೆ ಉಂಟಾಗುವ ಗಾಸಿಪ್ ಜೊತೆಗೆ ಆತ ಹೇಗೆ ಪ್ರೀತಿಯಲ್ಲಿ ಬೀಳುತ್ತಾನೆ ಎಂಬುದೇ ಚಿತ್ರದ ಸ್ವಾರಸ್ಯಕರ ಮ್ಯಾಟರ್.
ಭರತ್ ಪರಶುರಾಮ್ ಈ ಸಿನಿಮಾಗೆ ಕ್ಯಾಮರಾ ವರ್ಕ್ ಮಾಡಿದ್ದು, ಯುವ ಸಂಗೀತಗಾರದ ಸೌರಬ್, ವೈಭವ್ ಸಂಗೀತ ನೀಡಿದ್ದಾರೆ. 'ಓಲ್ಡ್ ಮಾಂಕ್' ಸಿನಿಮಾದ ಕಥೆಯನ್ನ ಶೃತಿ, ನಂದಕುಮಾರ್ ಹಾಗೂ ಪ್ರಸನ್ನ ಜೊತೆಗೆ ಶ್ರೀನಿ ಬರೆದು ನಿರ್ದೇಶನ ಮಾಡಿದ್ದಾರೆ. 'ಶ್ರೀನಿವಾಸ ಕಲ್ಯಾಣ', 'ಬೀರ್ಬಲ್' ಸಿನಿಮಾಗಳಿಗೆ ಸಂಭಾಷಣೆ ಬರೆದಿದ್ದ ಪ್ರಸನ್ನ, ಈ ಓಲ್ಡ್ ಮಾಂಕ್ ಸಿನಿಮಾಗೆ ಡೈಲಾಗ್ ಬರೆದಿದ್ದಾರೆ. ಸದ್ಯ ಓಲ್ಡ್ ಮಾಂಕ್ ಸಿನಿಮಾದ ಟ್ರೈಲರ್ ಬಿಡುಗಡೆ ಆಗಿದ್ದು, ಕೊರೊನಾ ಕಡಿಮೆ ಆದ್ಮಲೇ ಸಿನಿಮಾವನ್ನ ಬಿಡುಗಡೆ ಮಾಡುವ ಪ್ಲಾನ್ ಚಿತ್ರತಂಡ ಮಾಡಿದೆ.
