ಬೆಂಗಳೂರು: ಸ್ಯಾಂಡಲ್ವುಡ್ ಡ್ರಗ್ ಡೀಲ್ ಲಿಂಕ್ ಆರೋಪ ಪ್ರಕರಣದ ಎರಡನೇ ನೋಟಿಸ್ಗಾದ್ರೂ ಪ್ರಿಯಾಂಕ ಆಳ್ವಾ ಕೇರ್ ಮಾಡ್ತಾರಾ ಅನ್ನೋದು ಕುತೂಹಲ ಕೆರಳಿಸಿದೆ.
ಪ್ರಿಯಾಂಕ ಆಳ್ವಾ ಡ್ರಗ್ ಪ್ರಕರಣದ 6ನೇ ಆರೋಪಿಯಾಗಿದ್ದು ಇವರು ಆದಿತ್ಯ ಆಳ್ವಾ ಸೋದರಿಯಾಗಿದ್ದಾರೆ. ಇವರಿಗೆ ಸಿಸಿಬಿ ಕಚೇರಿಗೆ ಇಂದು ವಿಚಾರಣೆಗೆ ಹಾಜರಾಗುವಂತೆ ರಿಜಿಸ್ಟರ್ಡ್‌ ಪೋಸ್ಟ್ ಹಾಗೂ ವಾಟ್ಸ್‌ ಆ್ಯಪ್ ಮೂಲಕ ನೋಟಿಸ್ ನೀಡಲಾಗಿದೆ.
ಪ್ರಿಯಾಂಕ ಆಳ್ವಾ ಆರೋಪಿ ಆದಿತ್ಯಾ ಆಳ್ವಾಗೆ ಆಸರೆ ನೀಡಿರುವ ಆರೋಪ ಎದುರಿಸುತ್ತಿದ್ದಾರೆ. ಹೀಗಾಗಿ ಸಿಸಿಬಿ ತನಿಖೆ ವೇಳೆ ಇವರು ಸರಿಯಾದ ಉತ್ತರ ನೀಡಿರಲಿಲ್ಲ. ಸದ್ಯ ಈ ಕೇಸ್ನ 6ನೇ ಆರೋಪಿ ಆದಿತ್ಯಾ ಆಳ್ವಾ ನಾಪತ್ತೆಯಾಗಿದ್ದಾನೆ.
ಇದೇ ತಿಂಗಳ 15 ರಂದು ಮುಂಬೈನ ನಿವಾಸದಲ್ಲಿ ತನಿಖೆ ನಡೆಸಿದ್ದ ಸಿಸಿಬಿ ಅಧಿಕಾರಿಗಳು ವಿಚಾರಣೆಗೆ ಹಾಜರಾಗುವಂತೆ ಪ್ರಿಯಾಂಕ ಆಳ್ವಾಗೆ ಮೊದಲ ನೋಟಿಸ್ ನೀಡಿದ್ರೂ ಸಹ ಕ್ಯಾರೆ ಎನ್ನಲಿಲ್ಲ. ಹೀಗಾಗಿ ಸಿಸಿಬಿ ಮತ್ತೊಂದು ನೋಟಿಸ್ ರವಾನಿಸಿ ಇಂದು ವಿಚಾರಣೆಗೆ ಹಾಜರಾಗುವಂತೆ ಸೂಚನೆ ನೀಡಿದೆ. ಈ ವಿಚಾರಣೆಗೆ ಹಾಜರಾಗದೆ ಹೋದ್ರೆ ಪೊಲೀಸರು ಮತ್ತಷ್ಟು ಖಡಕ್ ಎಚ್ಚರಿಕೆ ನೀಡಲಿದ್ದಾರೆ.
