ಬೆಂಗಳೂರು : ರಾಜ್ಯದಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ 144ಕ್ಕೆ ಏರಿಕೆಯಾಗಿದೆ. ವೈರಸ್ಗೆ ಈವರೆಗೂ ನಾಲ್ವರು ಬಲಿಯಾಗಿದ್ದಾರೆ. ಕೊರೊನಾದಿಂದ 11 ಮಂದಿ ಗುಣಮುಖರಾಗಿ ಬಿಡುಗಡೆಯಾಗಿದ್ದಾರೆ. ಒಂದೇ ದಿನ ಮೈಸೂರಿನಲ್ಲಿ 7 ಕೊರೊನಾ ಪ್ರಕರಣ ಪತ್ತೆಯಾಗಿವೆ. ಇದರಲ್ಲಿ 6 ಸೋಂಕಿತರು ದೆಹಲಿಗೆ ಪ್ರಯಾಣ ಮಾಡಿದ್ದರು. ಮತ್ತೊಬ್ಬರಿಗೆ ಸೋಂಕಿತರ ಸಂಪರ್ಕದಿಂದ ಕೊರೊನಾ ಪಾಸಿಟಿವ್ ಬಂದಿದೆ.
ನಾಳೆಯಿಂದ ಖಾಸಗಿ ಕ್ಲಿನಿಕ್ ತೆರೆಯಲು ಅವಕಾಶ : ನಾಳೆಯಿಂದ ರಾಜ್ಯದ ಎಲ್ಲಾ ಖಾಸಗಿ ಕ್ಲಿನಿಕ್ಗಳನ್ನು ತೆರೆಯಲು ಅವಕಾಶ ಕಲ್ಪಿಸಲಾಗಿದೆ. ಕೊರೊನಾ ಅಲ್ಲದೇ ನಾನಾ ಆರೋಗ್ಯ ಸಮಸ್ಯೆಗಳನ್ನು ಜನ ಎದುರಿಸುತ್ತಿರಬಹುದು. ಹಾಗಾಗಿ ಖಾಸಗಿ ಕ್ಲಿನಿಕ್ಗಳನ್ನು ತೆರೆಯಲು ಅನುಮತಿ ನೀಡಲಾಗಿದೆ. ಕರ್ನಾಟಕದಲ್ಲಿ N95 18.33 ಲಕ್ಷ ಮಾಸ್ಕ್‌ಗಳನ್ನು ಕೊಳ್ಳಲು ಆದೇಶ ಹೊರಡಿಸಲಾಗಿದೆ. 4.13 ಲಕ್ಷ ಮಾಸ್ಕ್ಗಳನ್ನ ಈಗ ಪಡೆಯಲಾಗಿದೆ. ಈವರಗೆ ಕೋವಿಡ್-19 ಮುಖ್ಯಮಂತ್ರಿಗಳ ಪರಿಹಾರ ನಿಧಿಗೆ 106 ಕೋಟಿ ರೂಪಾಯಿ ನೆರವು ಬಂದಿದೆ. ಇವತ್ತು ಒಂದೇ ದಿನ 19,04,76,000 ರೂ. ದೇಣಿಗೆ ಸಂಗ್ರಹವಾಗಿದೆ. ಕೆಪಿಟಿಸಿಎಲ್ ನೌಕರರ ಎರಡು ದಿನದ ಸಂಬಳ ಒಟ್ಟು 18 ಕೋಟಿ ರೂ. ನೀಡಿದ್ದಾರೆ.
ಸೋಂಕಿತರ ಟ್ರಾವೆಲ್ ಹಿಸ್ಟರಿ ಹೀಗಿದೆ :
*ರೋಗಿ-129*: ಬೆಂಗಳೂರಿನ 21 ವರ್ಷದ ಯುವಕನಲ್ಲಿ ಸೋಂಕು ಪತ್ತೆ.. ಕೇಸ್ 58ರ ಮನೆಯಲ್ಲಿ ಕೆಲಸ ಮಾಡುತ್ತಿದ್ದ ಯುವಕ. ಕೇಸ್ 58ರಿಂದ ಯುವಕನಿಗೆ ಕೊರೊನಾ ಸೋಂಕು
*ರೋಗಿ-130*: ಬೆಂಗಳೂರಿನ 57 ವರ್ಷದ ವ್ಯಕ್ತಿಗೆ ಸೋಂಕು ಪತ್ತೆ.. ಕೇಸ್ 58ರ ತಂದೆಯಾಗಿರುವ ವ್ಯಕ್ತಿ. ಕೇಸ್ 58ರಿಂದ ಅವರ ತಂದೆಗೂ ಸೋಂಕು. ಸದ್ಯ ಸೋಂಕಿತ ತಂದೆಗೆ ಬೆಂಗಳೂರಿನ ಆಸ್ಪತ್ರೆಯಲ್ಲಿ ಚಿಕಿತ್ಸೆ.
*ರೋಗಿ- 132*: ಬೆಂಗಳೂರಿನ 78 ವರ್ಷದ ವೃದ್ಧನಿಗೆ ಸೋಂಕು.. ಮಾರ್ಚ್ 17ರಂದು ದುಬೈನಿಂದ ಭಾರತಕ್ಕೆ ಬಂದಿದ್ದ. ಸೋಂಕಿತನಿಗೆ ಬೆಂಗಳೂರಿನ ಆಸ್ಪತ್ರೆಯಲ್ಲಿ ಚಿಕಿತ್ಸೆ
*ರೋಗಿ-131*: ಬೆಂಗಳೂರಿನ 43 ವರ್ಷದ ವ್ಯಕ್ತಿಗೆ ಸೋಂಕು, ಕೇಸ್ 101ರ ಮಗನಲ್ಲಿ ಕೊರೊನಾ ಸೋಂಕು ಪತ್ತೆ. ಮಗನಿಗೆ ಬೆಂಗಳೂರಿನ ಆಸ್ಪತ್ರೆಯಲ್ಲಿ ಚಿಕಿತ್ಸೆ.
*ರೋಗಿ- 133*: ಕೇರಳ ಮೂಲದ 60 ವರ್ಷದ ವ್ಯಕ್ತಿಯಲ್ಲಿ ಸೋಂಕು ಪತ್ತೆ.. ಜರ್ಮನಿಗೆ ತೆರಳಿದ್ದ ವ್ಯಕ್ತಿ, ಸದ್ಯ ಈತನಿಗೆ ಬೆಂಗಳೂರು ಗ್ರಾಮಾಂತರ ಆಸ್ಪತ್ರೆಯಲ್ಲಿ ಚಿಕಿತ್ಸೆ.
*ರೋಗಿ-134*: ಮೈಸೂರಿನ 38 ವರ್ಷದ ವ್ಯಕ್ತಿಯಲ್ಲಿ ಸೋಂಕು ಪತ್ತೆ. ದೆಹಲಿಗೆ ತೆರಳಿದ್ದ ವ್ಯಕ್ತಿ, ದೆಹಲಿಯಿಂದ ಬಂದ ಬಳಿಕ ವ್ಯಕ್ತಿಯಲ್ಲಿ ಕೊರೊನಾ ಸೋಂಕು ಪಾಸಿಟಿವ್.. ವ್ಯಕ್ತಿಗೆ ಮೈಸೂರಿನಲ್ಲಿ ಚಿಕಿತ್ಸೆ..
*ರೋಗಿ- 135*: ಮೈಸೂರಿನ 19 ವರ್ಷದ ಯುವಕನಿಗೆ ಕೊರೊನಾ ಪಾಸಿಟಿವ್. ದೆಹಲಿಗೆ ಪ್ರಯಾಣ ಮಾಡಿದ್ದ ಯುವಕ, ಸೋಂಕಿತನಿಗೆ ಮೈಸೂರಿನಲ್ಲಿ ಚಿಕಿತ್ಸೆ.
*ರೋಗಿ- 136* : ಮೈಸೂರು ನಿವಾಸಿಯಲ್ಲಿ ಕೊರೊನಾ ಸೋಂಕು ಪತ್ತೆ. 39 ವರ್ಷದ ವ್ಯಕ್ತಿಗೆ ತಗುಲಿರುವ ಕೊರೊನಾ ಸೋಂಕು ಮೈಸೂರಿನಲ್ಲಿ ಚಿಕಿತ್ಸೆ..
*ರೋಗಿ- 137* : 39 ವರ್ಷದ ಮೈಸೂರಿನ ವ್ಯಕ್ತಿಗೆ ಕೊರೊನಾ ಸೋಂಕು ಧೃಡ. ಈ ಸೋಂಕಿತನಿಗೆ ಯಾವುದೇ ಟ್ರಾವೆಲ್ ಹಿಸ್ಟರಿ ಇಲ್ಲ. ಯಾವ ಕೊರೊನಾ ಸೋಂಕಿತನ ಜೊತೆಗೂ ಸಂಪರ್ಕ ಇಲ್ಲ. ವ್ಯಕ್ತಿಗೆ ಸೋಂಕು ತಗುಲಿರುವ ಬಗ್ಗೆ ಮಾಹಿತಿ ಕಲೆ ಹಾಕುತ್ತಿರುವ ಆರೋಗ್ಯ ಅಧಿಕಾರಿಗಳು , ಸದ್ಯ ವ್ಯಕ್ತಿಗೆ ಮೈಸೂರಿನಲ್ಲಿ ಚಿಕಿತ್ಸೆ.
*ರೋಗಿ- 139* : ಮೈಸೂರಿನಲ್ಲಿ ಟ್ರಾವೆಲ್ ಹಿಸ್ಟರಿ ಇರದ ಮತ್ತೋರ್ವನಿಗೆ ಸೋಂಕು. 40 ವರ್ಷದ ವ್ಯಕ್ತಿಗೆ ತಗುಲಿರುವ ಕೊರೊನಾ ಸೋಂಕು. ಈ ವ್ಯಕ್ತಿ ಯಾವುದೇ ಸೋಂಕಿತನ ಜೊತೆ ಸಂಪರ್ಕ ಹೊಂದಿಲ್ಲ.. ವ್ಯಕ್ತಿಯ ವಿವರ ಕಲೆ ಹಾಕುತ್ತಿರುವ ವೈದ್ಯರು, ಸೋಂಕಿತನಿಗೆ ಮೈಸೂರು ಆಸ್ಪತ್ರೆಯಲ್ಲಿ ಚಿಕಿತ್ಸೆ.
*ರೋಗಿ- 138*: ದೆಹಲಿಗೆ ಪ್ರಯಾಣ ಮಾಡಿದ್ದ ವ್ಯಕ್ತಿಗೆ ಸೋಂಕು ಪತ್ತೆ. ಮೈಸೂರಿನ ನಿವಾಸಿಯಾದ 54 ವರ್ಷದ ವ್ಯಕ್ತಿಯಲ್ಲಿ ಸೋಂಕು. ವ್ಯಕ್ತಿಗೆ ಮೈಸೂರಿನಲ್ಲಿ ಚಿಕಿತ್ಸೆ
*ರೋಗಿ-140*: ಮೈಸೂರಿನ 34 ವರ್ಷದ ಪುರುಷನಲ್ಲಿ ಸೋಂಕು ಪತ್ತೆ. ಕೇಸ್ 109ರ ಜೊತೆ ಸಂಪರ್ಕದಲ್ಲಿದ್ದ ಸೋಂಕಿತ.. ವ್ಯಕ್ತಿಗೆ ಮೈಸೂರಿನ ಆಸ್ಪತ್ರೆಯಲ್ಲಿ ಚಿಕಿತ್ಸೆ
*ರೋಗಿ- 141* : ಬಳ್ಳಾರಿಯಲ್ಲಿ 47 ವರ್ಷದ ಮಹಿಳೆಗೆ ಸೋಂಕು ಪತ್ತೆ.. ಮಹಿಳೆಗೆ ಯಾವುದೇ ಟ್ರಾವೆಲ್ ಹಿಸ್ಟರಿ ಇಲ್ಲ.. ಯಾವ ಸೋಂಕಿತರ ಜೊತೆಗೂ ಸಂಪರ್ಕ ಹೊಂದಿರದ ಮಹಿಳೆ. ಆಕೆಯ ಮಾಹಿತಿ ಪಡೆಯುತ್ತಿರುವ ವೈದ್ಯರು, ಸೋಂಕಿತೆಗೆ ಬಳ್ಳಾರಿಯ ಜಿಲ್ಲಾಸ್ಪತ್ರೆಯಲ್ಲಿ ಚಿಕಿತ್ಸೆ.
*ರೋಗಿ-142*: ಉಡುಪಿಯ 63 ವರ್ಷದ ಮಹಿಳೆಗೆ ಕೊರೊನಾ ಸೋಂಕು. ದುಬೈಗೆ ತೆರಳಿದ್ದ ಮಹಿಳೆ ಮಾರ್ಚ್ 22ರಂದು ಭಾರತಕ್ಕೆ ಮರಳಿದ್ದರು. ಸದ್ಯ ಮಹಿಳೆಗೆ ಮಂಗಳೂರು ಆಸ್ಪತ್ರೆಯಲ್ಲಿ ಚಿಕಿತ್ಸೆ.
*ರೋಗಿ-143*: ದಕ್ಷಿಣ ಕನ್ನಡದ 43 ವರ್ಷದ ಪುರುಷನಿಗೆ ಸೋಂಕು,ದೆಹಲಿಯ ಪ್ರಾರ್ಥನೆಯಲ್ಲಿ ಭಾಗಿಯಾಗಿದ್ದ ವ್ಯಕ್ತಿ. ಮಾರ್ಚ್ 13 ರಿಂದ 18ರವರೆಗೂ ದೆಹಲಿಯಲ್ಲಿದ್ದ ವ್ಯಕ್ತಿ, ಸದ್ಯ ಸೋಂಕಿತನಿಗೆ ಮಂಗಳೂರು ಆಸ್ಪತ್ರೆಯಲ್ಲಿ ಚಿಕಿತ್ಸೆ
*ರೋಗಿ-144* : ದಕ್ಷಿಣ ಕನ್ನಡದ 52 ವರ್ಷದ ಪುರುಷನಿಗೆ ಸೋಂಕು.. ದೆಹಲಿಯ ಪ್ರಾರ್ಥನೆಗೆ ತೆರಳಿದ್ದ ಸೋಂಕಿತ, ಮಾರ್ಚ್ 13-18 ರವೆಗೂ ದೆಹಲಿಯಲ್ಲಿದ್ದ ವ್ಯಕ್ತಿ.. ವ್ಯಕ್ತಿ ಬಂದ ಬಳಿಕ ಕೊರೋನಾ ಸೋಂಕು ಪತ್ತೆ. ಈತನಿಗೆ ಮಂಗಳೂರು ಆಸ್ಪತ್ರೆಯಲ್ಲಿ ಚಿಕಿತ್ಸೆ
ರಾಜ್ಯದಲ್ಲಿ ಈವರೆಗೂ 144 ಪ್ರಕರಣ ಪತ್ತೆ :
ಬೆಂಗಳೂರು - 55 ಪ್ರಕರಣ
ಬೆಂಗಳೂರು ಗ್ರಾಮಾಂತರ - 01 ಪ್ರಕರಣ
ಮೈಸೂರು - 28 ಪ್ರಕರಣ
ಬೀದರ್ - 10 ಪ್ರಕರಣ
ಚಿಕ್ಕಬಳ್ಳಾಪುರ - 7 ಪ್ರಕರಣ
ದಕ್ಷಿಣ ಕನ್ನಡ - 12 ಪ್ರಕರಣ
ಉತ್ತರ ಕನ್ನಡ - 8 ಪ್ರಕರಣ
ಕಲಬುರಗಿ - 5 ಪ್ರಕರಣ
ದಾವಣಗೆರೆ - 3 ಪ್ರಕರಣ
ಉಡುಪಿ - 3 ಪ್ರಕರಣ
ಬೆಳಗಾವಿ - 3 ಪ್ರಕರಣ
ಬಳ್ಳಾರಿ - 5 ಪ್ರಕರಣ
ಕೊಡಗು - 1 ಪ್ರಕರಣ
ಧಾರವಾಡ - 1 ಪ್ರಕರಣ
ತುಮಕೂರು - 1 ಪ್ರಕರಣ
ಬಾಗಲಕೋಟೆ - 1 ಪ್ರಕರಣ
