ಬೆಂಗಳೂರಲ್ಲಿ ತಾರತಮ್ಯದ ಬಗ್ಗೆ ಬಿಹಾರ ಯುವಕನ ಆರೋಪ: ಪೊಲೀಸರಿಂದ ತನಿಖೆ

ಸಾಮಾಜಿಕ ಜಾಲತಾಣದಲ್ಲಿ ಬಿಹಾರ ಮೂಲದ ಯುವಕನ ಸೆಲ್ಫಿ ವಿಡಿಯೋ ವೈರಲ್​ ಕುರಿತಂತೆ ತನಿಖೆ ನಡೆಸಲಾಗುತ್ತಿದೆ ಎಂದು ಬೆಂಗಳೂರು ನಗರ ಪೊಲೀಸ್ ಆಯುಕ್ತ ಪ್ರತಾಪ್ ರೆಡ್ಡಿ ತಿಳಿಸಿದ್ದಾರೆ.

ಬೆಂಗಳೂರು: ತಾರತಮ್ಯ ಮಾಡಲಾಗುತ್ತಿದೆ ಎಂದು ಆರೋಪಿಸಿ ಫಾಸ್ಟ್ ಪುಡ್ ಸೆಂಟರ್​​ನಲ್ಲಿ ಕೆಲಸ ಮಾಡುತ್ತಿದ್ದ ಬಿಹಾರ ಮೂಲದ ಯುವಕ ಸೆಲ್ಫಿ ವಿಡಿಯೋ ಮಾಡಿ ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಟ್ಟಿದ್ದು, ವೈರಲ್​ ಆಗಿದೆ. ಏಪ್ರಿಲ್ 7ರಂದು ಈ ಘಟನೆ ನಡೆದಿದೆ. ಕೆಲ ವಿಚಾರ ಕುರಿತಂತೆ ಮಾಲೀಕ ಹಾಗೂ ಯುವಕ ನಡುವೆ ವಾಗ್ವಾದ ನಡೆದಿದೆ ಎನ್ನಲಾಗುತ್ತಿದೆ. ತನಗೆ ನ್ಯಾಯ ಕೊಡಿಸಿ ಎಂದು ಯುವಕ ವಿಡಿಯೋದಲ್ಲಿ ಕೇಳಿಕೊಂಡಿದ್ದಾನೆ.

ಈ ಬಗ್ಗೆ ನಗರ ಪೊಲೀಸ್ ಆಯುಕ್ತ ಪ್ರತಾಪ್ ರೆಡ್ಡಿ ಪ್ರತಿಕ್ರಿಯಿಸಿದ್ದು, ''ಟ್ವಿಟರ್​​ನಲ್ಲಿ ವಿಡಿಯೋ ಅಪ್​ಲೋಡ್​​ ಮಾಡಿರುವ ಯುವಕ ಫಾಸ್ಟ್ ಫುಡ್ ಸೆಂಟರ್​​ನಲ್ಲಿ ಕೆಲಸ ಮಾಡುತ್ತಿದ್ದ. ಗ್ರಾಹಕರ ಜೊತೆ ಗಲಾಟೆಯಾದ ಬಗ್ಗೆ ಆತ ಹೇಳಿಕೊಂಡಿದ್ದಾನೆ. ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಇದರ ಹಿನ್ನೆಲೆ ಕುರಿತಂತೆ ಬೆಂಗಳೂರು ಉತ್ತರ ವಿಭಾಗದ ಪೊಲೀಸರು ತನಿಖೆ ಆರಂಭಿಸಿದ್ದಾರೆ. ಆ ವ್ಯಕ್ತಿಯು ಬಿಹಾರ ಮೂಲದವ ಎಂಬುದನ್ನು ಪೊಲೀಸರು ಪತ್ತೆ ಹಚ್ಚಿದ್ದಾರೆ. ಗ್ರಾಹಕರ‌ ಜೊತೆ ವಾಗ್ವಾದ ಮಾಡಿರುವುದು ಮೇಲ್ನೋಟಕ್ಕೆ ಗೊತ್ತಾಗಿದೆ. ಸದ್ಯ ಆತ ಬೆಂಗಳೂರು ಬಿಟ್ಟು ಬಿಹಾರಕ್ಕೆ ತೆರಳಿದ್ದಾನೆ. ಹೀಗಾಗಿ ಹೆಚ್ಚಿನ ಮಾಹಿತಿ ಕಲೆಹಾಕಲಾಗುತ್ತಿದೆ'' ಎಂದು ಆಯುಕ್ತರು ತಿಳಿಸಿದ್ದಾರೆ.

• #WATCH | The incident allegedly happened around April 7, when he was working at a restaurant, where he had an altercation with a customer who only knew Kannada. He has returned to Bihar: CP Bengaluru Pratap Reddy on man from Bihar allegedly harassed for not knowing Kannada pic.twitter.com/Owa8XqjIrZ

  — ANI (@ANI) April 13, 2023 " class="align-text-top noRightClick twitterSection" data="

  #WATCH | The incident allegedly happened around April 7, when he was working at a restaurant, where he had an altercation with a customer who only knew Kannada. He has returned to Bihar: CP Bengaluru Pratap Reddy on man from Bihar allegedly harassed for not knowing Kannada pic.twitter.com/Owa8XqjIrZ

  — ANI (@ANI) April 13, 2023

  ">

  #WATCH | The incident allegedly happened around April 7, when he was working at a restaurant, where he had an altercation with a customer who only knew Kannada. He has returned to Bihar: CP Bengaluru Pratap Reddy on man from Bihar allegedly harassed for not knowing Kannada pic.twitter.com/Owa8XqjIrZ

  — ANI (@ANI) April 13, 2023

ಇದೇ ವೇಳೆ ಜನರಲ್ಲಿ ಮನವಿ ಮಾಡಿರುವ ಆಯುಕ್ತರು, 'ಯಾವುದೇ ಸಂದರ್ಭದಲ್ಲಿ ತೊಂದರೆ ಆದರೂ ಸಹ 112 ನಂಬರ್​ಗೆ ಕರೆ ಮಾಡಿದರೆ ಪೊಲೀಸರು ತುರ್ತು ಕ್ರಮ ಕೈಗೊಳ್ಳುತ್ತಾರೆ. ಈ ರೀತಿ ಸಾಮಾಜಿಕ ಜಾಲತಾಣಗಳಲ್ಲಿ ವಿಡಿಯೋ ಮೂಲಕ ಸಮಸ್ಯೆ ಹೇಳಿಕೊಳ್ಳುವುದರಿಂದ ಕ್ರಮ ಕೈಗೊಳ್ಳುವುದು ತಡವಾಗುತ್ತದೆ. ಈ ಪ್ರಕರಣವೂ ಏ. 7ರಂದು ನಡೆದರೂ ಸಹ ಇದೀಗ ವಿಡಿಯೋ ಮೂಲಕ ಗೊತ್ತಾಗಿ, ಪತ್ತೆ ಹಚ್ಚುವಾಗ ಸಮಯ ಬೇಕಾಗುತ್ತದೆ. ಹೀಗಾಗಿ ಏನೆ ತುರ್ತು ಪರಿಸ್ಥಿತಿಯಲ್ಲಿ 112ಗೆ ಸಂಪರ್ಕಿಸಿದರೆ ಹೊಯ್ಸಳ ಪೊಲೀಸ್​ ಸಿಬ್ಬಂದಿ 30 ನಿಮಿಷದಲ್ಲೇ ಸ್ಥಳಕ್ಕೆ ತಲುಪುತ್ತಾರೆ. ಇದರಿಂದ ಶೀಘ್ರ ಕ್ರಮ ಸಾಧ್ಯವಾಗುತ್ತದೆ' ಎಂದು ಹೇಳಿದ್ದಾರೆ.

ಇದನ್ನೂ ಓದಿ: ಚುನಾವಣಾ ಆಯೋಗದಿಂದ ಜಪ್ತಿಯಾಗಿರುವ ನಗದು, ಮದ್ಯ, ವಸ್ತುಗಳ ಮಾಹಿತಿ