ಯೋಧರ ಹೆಸರಲ್ಲಿ ಮಹಾವಂಚನೆ: 300 ಕ್ಕೂ ಹೆಚ್ಚು ಮಂದಿಗೆ ಉಂಡೆನಾಮೆ!

ಸಾಹಿಲ್ ಎಂಬಾತ ಫೇಸ್​ಬುಕ್​​​ನಲ್ಲಿ ರಾಯಲ್ ಎನ್​ಫೀಲ್ಡ್ ಮಾರಾಟಕ್ಕಿದೆ ಎಂದು ಜಾಹೀರಾತು ಹಾಕಿದ್ದ. ಅದರಲ್ಲಿ ತಾನು ಜಮ್ಮು ಕಾಶ್ಮೀರದ ಪುಲ್ವಾಮಾ ಕೆಲಸ ಮಾಡುತ್ತಿದ್ದು, ಈ ನನಗೆ ಬೈಕ್ ಅವಶ್ಯಕತೆ ಇಲ್ಲಾ. ಹೀಗಾಗಿ ಮಾರಾಟ ಮಾಡ್ತಿದಿನಿ ಎಂದು ಆ್ಯಡ್ ನೀಡಿ ಮಂಜುಗೌಡ ಎಂಬುವರಿಗೆ ಉಂಡನಾಮೆ ಹಾಕಿದ್ದಾನೆ ಎಂಬ ಆರೋಪ ಕೇಳಿಬಂದಿದೆ.

ಬೆಂಗಳೂರು: ಫೇಸ್ ಬುಕ್​​ನ ಮಾರ್ಕೆಟ್ ಪ್ಲೇಸ್​​ನಲ್ಲಿ ‌ಇಂಡಿಯನ್ ಆರ್ಮಿ ಹೆಸರು ಹೇಳಿಕೊಂಡು ಮೋಸ ಮಾಡಿರುವ ಆರೋಪ ಪ್ರಕರಣ ಬೆಳಕಿಗೆ ಬಂದಿದೆ.

ಸಾಹಿಲ್ ಎಂಬಾತ ಫೇಸ್ ಬುಕ್​​​ನಲ್ಲಿ ರಾಯಲ್ ಎನ್​ಫೀಲ್ಡ್ ಮಾರಾಟಕ್ಕಿದೆ ಎಂದು ಜಾಹೀರಾತು ಹಾಕಿದ್ದ. ಅದರಲ್ಲಿ ತಾನು ಜಮ್ಮು ಕಾಶ್ಮೀರ ಪುಲ್ವಾಮಾದಲ್ಲಿ ಕೆಲಸ ಮಾಡುತ್ತಿದ್ದೇನೆ, ಹೀಗಾಗಿ ತನಗೆ ಈ ಬೈಕ್ ಅವಶ್ಯಕತೆ ಇಲ್ಲಾ. ಇದಕ್ಕಾಗಿ ಮಾರಾಟ ಮಾಡ್ತಿದಿನಿ ಎಂದು ಉಲ್ಲೇಖಿಸಿದ್ದ ಎನ್ನಲಾಗ್ತಿದೆ.

ಇಂಡಿಯನ್ ಆರ್ಮಿ ಹೆಸರಲ್ಲಿ ವಂಚನೆ

ಇದನ್ನ ನೋಡಿದ್ದ ಮಂಜುಗೌಡ ಎಂಬುವರು ಸಾಹಿಲ್ ಜೊತೆ ಮಾತುಕತೆ ನಡೆಸಿ‌, ಮೊದಲಿಗೆ 5 ಸಾವಿರ ನಂತರ 25 ಸಾವಿರ ಸೇರಿ ಒಟ್ಟು 1 ಲಕ್ಷದವರೆಗೆ ಹಣ ವರ್ಗಾವಣೆ ಮಾಡಿದ್ದರಂತೆ. ಆದರೆ ಸಾಹಿಲ್ ಬೈಕ್​ನ್ನು ಕೊಡದೆ ಯಾಮಾರಿಸಿದ್ದಾನೆ.

ಸದ್ಯ ಮಂಜುಗೌಡ ಸೈಬರ್ ಠಾಣೆಯಲ್ಲಿ ದೂರು ನೀಡಿದ್ದು, ಸಾಹಿಲ್ ಯೋಧ ಎಂದು 300ಕ್ಕೂ ಹೆಚ್ಚು ಮಂದಿಯನ್ನ ಯಾಮಾರಿಸಿರುವುದು ತನಿಖೆಯಲ್ಲಿ ಬಯಲಾಗಿದೆ ಎಂದು ತಿಳಿದುಬಂದಿದೆ.