ಬೆಂಗಳೂರು: ಫುಡ್ ಡೆಲಿವರಿ ಬಾಯ್ವೊಬ್ಬನ ಅನುಮಾನಾಸ್ಪದ ನಡೆ ಸಾರ್ವಜನಿಕರನ್ನು ಆತಂಕಕ್ಕೀಡು ಮಾಡಿದ ಘಟನೆ ನಗರದಲ್ಲಿ ನಡೆದಿದೆ.
ಫುಡ್ ಡೆಲಿವರಿ ಬಾಯ್ ರಿಯಾಝ್ ಶಿವಾಜಿನಗರದಿಂದ ಫುಡ್ ಡೆಲಿವರಿಗೆ ಶ್ರೀರಾಂಪುರದ ಓಕಳಿಪುರಂಗೆ ಬಂದಿದ್ದ. ಇದೇ ವೇಳೆ ಶ್ರೀರಾಂಪುರದ ಬಳಿ ಇಂದು ಮಾಜಿ ಪ್ರಧಾನಿ ದೇವೇಗೌಡರು ನಿರ್ಗತಿಕರಿಗೆ, ಬಡವರಿಗೆ, ಕಾರ್ಮಿಕರಿಗೆ ಆಹಾರದ ಕಿಟ್ ಹಂಚುತ್ತಿದ್ದರು. ಈ ದೃಶ್ಯವನ್ನು ಫುಡ್ ಡೆಲಿವರಿ ಬಾಯ್ ಅನುಮಾನಾಸ್ಪದವಾಗಿ ವಿಡಿಯೋ ಮಾಡಿದ್ದಾನೆ.
ಅನುಮಾನಾಸ್ಪದವಾಗಿ ದೇವೇಗೌಡರ ವಿಡಿಯೋ ಸೆರೆಹಿಡಿದ ಫುಡ್ ಡೆಲಿವರಿ ಬಾಯ್
ಈ ಕುರಿತು ಭದ್ರತೆಯಲ್ಲಿದ್ದ ಪೊಲೀಸರು ಆತನನ್ನು ಪ್ರಶ್ನಿಸಿದಾಗ ಸಮಂಜಸ ಉತ್ತರ ನೀಡದ ಹಿನ್ನೆಲೆ ಪೊಲೀಸರು ಆತನನ್ನು ಠಾಣೆಗೆ ಕರೆದೊಯ್ದು ಫುಡ್ ಬಾಕ್ಸ್ ಚೆಕ್ ಮಾಡಿ ವಿಚಾರಣೆ ನಡೆಸಿದ್ದಾರೆ. ಫುಡ್ ಡೆಲಿವರಿಗೆ ಬಂದಿದ್ದು, ಮಾಜಿ ಪ್ರಧಾನಿ ದೇವೇಗೌಡರನ್ನ ನೋಡಿ ವಿಡಿಯೋ ಮಾಡಿದ್ದಾಗಿ ವಿಚಾರಣೆಯಲ್ಲಿ ಆತ ಒಪ್ಪಿಕೊಂಡಿದ್ದಾನೆ. ವಿಚಾರಣೆ ನಂತರ ಫುಡ್ ಡೆಲಿವರಿ ಬಾಯ್ನನ್ನು ಶ್ರೀರಾಂಪುರ ಪೊಲೀಸರು ಬಿಟ್ಟು ಕಳುಹಿಸಿದ್ದಾರೆ.
