ಬೆಂಗಳೂರು: ಪುನೀತ್ ರಾಜ್ಕುಮಾರ್ ಅಂತ್ಯಕ್ರಿಯೆ ಸಂದರ್ಭದಲ್ಲಿ ಕಂಠೀರವ ಸ್ಟುಡಿಯೋ ಒಳಗಡೆ ಅಭಿಮಾನಿಗಳಿಗೆ ಪ್ರವೇಶ ನಿರ್ಬಂಧಿಸಿದ್ದ ಹಿನ್ನೆಲೆಯಲ್ಲಿ ಬೃಹತ್ ಎಲ್ಇಡಿ ಪರದೆ ಮೇಲೆ ನೇರಪ್ರಸಾರ ವೀಕ್ಷಣೆಗೆ ಅವಕಾಶವಿತ್ತು. ಆದರೆ ತಾಂತ್ರಿಕ ತೊಂದರೆಯಿಂದ ಎಲ್ಇಡಿ ಕೈಕೊಟ್ಟು ಆಫ್ ಆಗುತ್ತಿದ್ದಂತೆ ಬೇಸರಗೊಂಡ ಅಭಿಮಾನಿಗಳು ಸರ್ವೀಸ್ ರಸ್ತೆ, ಕಟ್ಟಡಗಳ ಮೇಲಿಂದ ರಸ್ತೆಗಿಳಿಯಲು ಯತ್ನಿಸಿದರು.
ಆದರೆ ಈ ವೇಳೆ ಸ್ಥಳದಲ್ಲಿದ್ದ ಪೊಲೀಸರು ಅಭಿಮಾನಿಗಳನ್ನು ರಸ್ತೆಗಿಳಿಯದಂತೆ ನೋಡಿಕೊಂಡರು. ಬಳಿಕ ಹಿರಿಯ ಅಧಿಕಾರಿಗಳ ಕ್ಷಿಪ್ರ ಕಾರ್ಯಪಡೆ ಬಳಸಿ ಅಭಿಮಾನಿಗಳ ಮನವೊಲಿಸಿ ನಿಯಂತ್ರಿಸಿದರು. ಅಷ್ಟರಲ್ಲಿ ಎಲ್ಇಡಿ ಪರದೆ ಮತ್ತೆ ಆನ್ ಆಯಿತು. ಅಪ್ಪು ಅಭಿಮಾನಿಗಳು ಗಲಾಟೆ ಬಿಟ್ಟು ಅಂತ್ಯ ಸಂಸ್ಕಾರದ ದೃಶ್ಯ ನೋಡುವುದರಲ್ಲಿ ಮಗ್ನರಾದರು. ತಾಳ್ಮೆ ಕಳೆದುಕೊಳ್ಳದ ಅಪ್ಪು ಅಭಿಮಾನಿಗಳು ಪೊಲೀಸರಿಗೆ ಸಹಕಾರ ನೀಡಿದರು.
ಎಲ್ಇಡಿ ಪರದೆ ಮೇಲೆಯೇ ಪವರ್ ಸ್ಟಾರ್ ಅಂತ್ಯಕ್ರಿಯೆ ವೀಕ್ಷಿಸಿದ ಫ್ಯಾನ್ಸ್
