ದೇವನಹಳ್ಳಿ (ಬೆಂಗಳೂರು ಗ್ರಾಮಾಂತರ): ಕುವೈತ್ ಮತ್ತು ಬೆಂಗಳೂರು ನಡುವೆ ನೇರ ವಿಮಾನ ಹಾರಾಟವನ್ನು ಕುವೈತ್ ಮೂಲದ ಜಜೀರಾ ಏರ್ ಲೈನ್ಸ್ ಆರಂಭಿಸಿದೆ. ಮೊದಲ ವಿಮಾನ ನವೆಂಬರ್ 3ರ ಗುರುವಾರ ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಲ್ಯಾಂಡ್ ಆಗಲಿದೆ.
ಕುವೈತ್ ಮೂಲದ ಕಡಿಮೆ ದರದ ಜಜೀರಾ ಏರ್ಲೈನ್ಸ್ ಕುವೈತ್ ಮತ್ತು ಬೆಂಗಳೂರು ನಡುವೆ ನೇರ ವಿಮಾನಯಾನ ಆರಂಭಿಸಿದೆ. ವಾರದಲ್ಲಿ ಎರಡು ವಿಮಾನಗಳು ಕುವೈತ್ ಮತ್ತು ಬೆಂಗಳೂರು ನಡುವೆ ಹಾರಾಟ ನಡೆಸಲಿವೆ. ಶುಕ್ರವಾರ ಮತ್ತು ಭಾನುವಾರ ಬೆಂಗಳೂರಿನಿಂದ ಕುವೈತ್ಗೆ ವಿಮಾನ ಪ್ರಯಾಣಿಸಲಿದೆ.
ಇದನ್ನೂ ಓದಿ: ವಿಜಯನಗರ ಏರ್ಪೋರ್ಟ್ನಿಂದ ಬೆಂಗಳೂರು ಹೈದರಾಬಾದ್ಗೆ ವಿಮಾನಸೇವೆ ಆರಂಭ
ಗುರುವಾರ ಮತ್ತು ಶನಿವಾರ ಕುವೈತ್ನಿಂದ ಬೆಂಗಳೂರಿನ ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ವಿಮಾನಯಾನವಿದೆ. 2017 ರಲ್ಲಿ ಹೈದರಾಬಾದ್ನಲ್ಲಿ ಜಜೀರಾ ಏರ್ಲೈನ್ಸ್ ವಿಮಾನಯಾನ ನಡೆಸಿದ್ದು, ಸದ್ಯ ಭಾರತದಲ್ಲಿ 8 ಸ್ಥಳಗಳಲ್ಲಿ ವಿಮಾನ ಕಾರ್ಯಾಚರಣೆ ನಡೆಸುತ್ತಿದೆ.
