ಬೆಂಗಳೂರು: ಹೆಬ್ಬಾಳದ ಹೇಮಂತ್ ಕುಮಾರ್ ಎನ್ನುವವರು ತಮ್ಮ ಫೇಸ್ಬುಕ್ನಲ್ಲಿ ಹೆಬ್ಬಾಳ ಬಳಿಯ ರಸ್ತೆಯ ಫೋಟೋ ತೆಗೆದು ರಸ್ತೆ ಗುಂಡಿ ಬಗ್ಗೆ ಪ್ರಶ್ನಿಸಿ ಪೋಸ್ಟ್ ಹಾಕಿದ್ದರು.
ಇನ್ನು ಈ ಪೋಸ್ಟ್ ನೋಡಿ ವಾರ್ಡ್ ನಂಬರ್ 21ರ ಕಾಂಗ್ರೆಸ್ ಕಾರ್ಪೋರೇಟರ್ ಆನಂದ್ ಕುಮಾರ್ ಎಂಬುವವರು, ಹೇಮಂತ್ ಕುಮಾರ್ಗೆ ಕಾಲ್ ಮಾಡಿ ಅವಾಚ್ಯ ಶಬ್ದಗಳಿಂದ ನಿಂದಿಸಿ ಧಮ್ಕಿ ಹಾಕಿದ್ದಾರೆ ಎಂಬ ಆರೋಪ ಕೇಳಿಬಂದಿದೆ. ಕೆಟ್ಟ ಪದಗಳನ್ನು ಬಳಸಿ ನಿಂದನೆ ಮಾಡಿದ್ದಾರೆಂದು ಹೇಮಂತ್ ಕುಮಾರ್ ದೂರಿದ್ದಾರೆ.
ಭಾಷೆ ಮೇಲೆ ಹಿಡಿತ ಇರಲಿ ಎಂದ ಮೇಯರ್
ಆದರೆ ಈ ಸಂಬಂಧ ಪ್ರತಿಕ್ರಿಯಿಸಿರುವ ಮೇಯರ್ ಗಂಗಾಂಬಿಕೆ, ಈಗಾಗಲೇ ಹರಿದಾಡುತ್ತಿರುವ ಆಡಿಯೋ ಕ್ಲಿಪ್ಅನ್ನು ಕೇಳಿದ್ದೇನೆ. ಮೊದಲು ಆ ಧ್ವನಿ ಕಾರ್ಪೋರೇಟರ್ ಆನಂದ್ ಅವರದ್ದ ಎಂಬುದನ್ನು ಖಚಿತ ಪಡಿಸಿಕೊಳ್ಳಬೇಕಾಗಿದೆ. ಆದರೆ ಯಾರೇ ಕಾರ್ಪೋರೇಟರ್ಗಳೇ ಆಗಲಿ. ಸಾರ್ವಜನಿಕ ವಲಯದಲ್ಲಿ ಮಾತಾನಾಡುವಾಗ ಭಾಷೆ ಮೇಲೆ ಹಿಡಿತ ಇರಬೇಕು. ವಾರ್ಡ್ನಲ್ಲಿ ಸಮಸ್ಯೆ ಇದ್ದರೆ ಅಧಿಕಾರಿಗಳ ಮಟ್ಟದಲ್ಲಿ ಮಾತಾನಾಡಿ ಸಮಸ್ಯೆ ಬಗೆಹರಿಸಿಕೊಳ್ಳಬೇಕು ಎಂದಿದ್ದಾರೆ.
