ಬೆಂಗಳೂರು: ಪ್ರತಿಭಟನೆಗಳನ್ನು ಕೈ ಬಿಡಿ. ಏನೇ ಇದ್ದರೂ ಬಂದು ಚರ್ಚೆ ಮಾಡಿ. ಬಿಜೆಪಿ ಸದಾ ರೈತಪರವಾಗಿ ಇರುತ್ತದೆ ಎಂದು ಸಿಎಂ ಬಿ.ಎಸ್.ಯಡಿಯೂರಪ್ಪ ರೈತ ಮುಖಂಡರಲ್ಲಿ ಮನವಿ ಮಾಡಿದರು.
ರೈತರಲ್ಲಿ ಸಿಎಂ ಮನವಿ
ದಿನ‌ನಿತ್ಯ ಬಂದ್ ಮಾಡುವುದಕ್ಕೆ ಅವಕಾಶಗಳಿಲ್ಲ. ಪ್ರಧಾನಿಯವರೇ ಆಸಕ್ತಿಯಿಂದ ಎಲ್ಲವನ್ನೂ ಮಾಡುತ್ತಿದ್ದಾರೆ. ಪ್ರತೀ ಬಾರಿ ರ‍್ಯಾಲಿ, ಪಾದಯಾತ್ರೆ ಮಾಡುವುದು ಸರಿಯಲ್ಲ ಎಂದರು.
ಹೀಗೆ ಪ್ರತಿಭಟನೆ ಮಾಡಿದರೆ ಜನರಿಗೆ ಸಮಸ್ಯೆಯಾಗುತ್ತದೆ. ಪ್ರಧಾನಿ ಮೋದಿ ರೈತರ ಆದಾಯ ದ್ವಿಗುಣಗೊಳಿಸಲು ಪ್ರಯತ್ನಿಸುತ್ತಿದ್ದಾರೆ. ರೈತರು ಸರ್ಕಾರದ ಜೊತೆ ಸಹಕರಿಸಬೇಕು, ಪ್ರತಿಭಟನೆಗಳನ್ನು ಕೈ ಬಿಡಿ ಎಂದು ಸಿಎಂ ಮನವಿ ಮಾಡಿಕೊಂಡರು.
