ಬಿಬಿಎಂಪಿಯಿಂದ ಪಾದಾಚಾರಿ ರಸ್ತೆ ಒತ್ತುವರಿ ತೆರವು ಕಾರ್ಯಾಚರಣೆ

ಹೊರಮಾವು, ಕೆಆರ್ಪುರಂ, ಹೆಚ್‌ಎಎಲ್, ಹೂಡಿ, ವೈಟ್‌ಫೀಲ್ಡ್, ಮಹದೇವಪುರ ಉಪ ವಿಭಾಗ ಸೇರಿ ಇನ್ನಿತರೆ ವಾರ್ಡ್​ಗಳಲ್ಲಿ ಅಧಿಕಾರಿಗಳ ನೇತೃತ್ವದಲ್ಲಿ ಕಾರ್ಯಾಚರಣೆ ನಡೆಸಲಾಗಿದೆ..

ಬೆಂಗಳೂರು : ಬಿಬಿಎಂಪಿ ಮಹದೇವಪುರ ವಲಯದ ವಾರ್ಡ್ 82ರ ಇಪಿಐಪಿ ಪ್ರದೇಶದ ರಸ್ತೆಯ ಎರಡು ಬದಿಗಳಲ್ಲಿ ಪಾದಚಾರಿ ರಸ್ತೆ ಒತ್ತುವರಿ ಮಾಡಿಕೊಂಡು ವ್ಯಾಪಾರ ಮಾಡುತ್ತಿದ್ದ ಅಂಗಡಿಗಳನ್ನು ತೆರವುಗೊಳಿಸಲಾಗಿದೆ.

ಆಯುಕ್ತರ ಸೂಚನೆ ಹಿನ್ನೆಲೆ ಮಹದೇವಪುರ ವಲಯದಲ್ಲಿ ಬರುವ ವಿವಿಧ ವಾರ್ಡ್​ಗಳಲ್ಲಿ ಒಟ್ಟು 48 ಕಿ.ಮೀ ಅನಧಿಕೃತವಾಗಿ ಅಳವಡಿಸಲಾಗಿದ್ದ ಒಎಫ್‌ಸಿ ಕೇಬಲ್‌ಗಳನ್ನು ಕೆಆರ್ಪುರಂ ಮತ್ತು ಮಹದೇವಪುರ ಉಪ ವಿಭಾಗದ ಸಹಾಯಕ ಕಾರ್ಯಪಾಲಕ ಅಭಿಯಂತರರ ನೇತೃತ್ವದಲ್ಲಿ ತೆರವುಗೊಳಿಸಲಾಗಿದೆ.

ಹೊರಮಾವು, ಕೆಆರ್ಪುರಂ, ಹೆಚ್‌ಎಎಲ್, ಹೂಡಿ, ವೈಟ್‌ಫೀಲ್ಡ್, ಮಹದೇವಪುರ ಉಪ ವಿಭಾಗ ಸೇರಿ ಇನ್ನಿತರೆ ವಾರ್ಡ್​ಗಳಲ್ಲಿ ಅಧಿಕಾರಿಗಳ ನೇತೃತ್ವದಲ್ಲಿ ಕಾರ್ಯಾಚರಣೆ ನಡೆಸಲಾಗಿದೆ.