ರೋಷನ್ ಬೇಗ್ ನಿವಾಸದ ಮೇಲಿನ ಸಿಬಿಐ ರೇಡ್​ ಅಂತ್ಯ

ಇಂದು ಬೆಳಗ್ಗೆ 7 ಗಂಟೆಗೆ ವೇಳೆ‌ 13 ಮಂದಿ ಅಧಿಕಾರಿಗಳ ಸಿಬಿಐ ತಂಡ ಕೋಲ್ಸ್ ಪಾರ್ಕ್ ರಸ್ತೆ ಬಳಿಯಿರುವ ರೋಷನ್ ಬೇಗ್ ನಿವಾಸದ ಮೇಲೆ ದಾಳಿ ಮಾಡಿ ಸುಮಾರು 8 ಗಂಟೆಗಳ ಕಾಲ ಮನೆಯಲ್ಲಿದ್ದ ದಾಖಲಾತಿ ಪತ್ರ ಪರಿಶೀಲಿಸಿತು‌.

ಬೆಂಗಳೂರು: ಐಎಂಎ ಬಹುಕೋಟಿ ಹಗರಣ ಸಂಬಂಧ ಮಾಜಿ ಶಾಸಕ ರೋಷನ್ ಬೇಗ್ ನಿವಾಸದ ಮೇಲೆ ನಡೆಸಿದ್ದ ಸಿಬಿಐ ದಾಳಿ ಮುಕ್ತಾಯಗೊಂಡಿದೆ.

ಇಂದು ಬೆಳಗ್ಗೆ 7 ಗಂಟೆಗೆ ವೇಳೆ‌ 13 ಮಂದಿ ಅಧಿಕಾರಿಗಳ ಸಿಬಿಐ ತಂಡ ಕೋಲ್ಸ್ ಪಾರ್ಕ್ ರಸ್ತೆ ಬಳಿಯಿರುವ ರೋಷನ್ ಬೇಗ್ ನಿವಾಸದ ಮೇಲೆ ದಾಳಿ ಮಾಡಿ ಸುಮಾರು 8 ಗಂಟೆಗಳ ಕಾಲ ಮನೆಯಲ್ಲಿದ್ದ ದಾಖಲಾತಿ ಪತ್ರ ಪರಿಶೀಲಿಸಿತು‌. ಈಗಾಗಲೇ ರೋಷನ್ ಬೇಗ್ ನ್ಯಾಯಾಂಗ ಬಂಧನದಲ್ಲಿದ್ದು, ಅವರ​ ಪತ್ನಿ ಸಬೀಹ ಫಾತಿಮಾರ ಹೇಳಿಕೆ ಪಡೆದುಕೊಳ್ಳಲಾಗಿದೆ.

ಇನ್ನೂ ಕೆಲವೊಂದು ಮಹತ್ವದ ದಾಖಲಾತಿಗಳನ್ನು ಅಧಿಕಾರಿಗಳು ಪಡೆದುಕೊಂಡಿದ್ದಾರೆ. ಐಎಂಎ ಪ್ರಕರಣದ ಮಾಲೀಕ ಮೊಹಮ್ಮದ್ ಮನ್ಸೂರ್ ಖಾನ್​ನಿಂದ ಕಿಕ್ ಬ್ಯಾಕ್ ಪಡೆದ ಆರೋಪದಡಿ ನಿನ್ನೆ ರೋಷನ್ ಬೇಗ್​ರನ್ನು ಸಿಬಿಐ ಬಂಧಿಸಿತ್ತು.