ಬೆಂಗಳೂರು : ವಿಧಾನಸಭೆಯಿಂದ ವಿಧಾನ ಪರಿಷತ್ ಗೆ ನಡೆಯಲಿರುವ ಚುನಾವಣೆಗೆ ಬಿಜೆಪಿ ಅಭ್ಯರ್ಥಿಯಾಗಿ ಕಣಕ್ಕಿಳಿದಿರುವ ಆರ್.ಶಂಕರ್ ಅವರ ಒಟ್ಟು ಆಸ್ತಿಯ ಮೌಲ್ಯವು 301.38 ಕೋಟಿ ರೂ.ಗೂ ಹೆಚ್ಚಿದೆ.
ಆರ್. ಶಂಕರ್ ಹೆಸರಲ್ಲಿ 195 ಕೋಟಿ ರೂ. ಮೌಲ್ಯದ ಆಸ್ತಿ ಮತ್ತು ಪತ್ನಿ ಧನಲಕ್ಷ್ಮಿ ಅವರ ಹೆಸರಲ್ಲಿ 106 ಕೋಟಿ ರೂ. ಮೌಲ್ಯದ ಆಸ್ತಿ ಇದೆ ಎಂದು ಚುನಾವಣಾಧಿಕಾರಿಗೆ ಸಲ್ಲಿಸಿರುವ ಆಸ್ತಿ ವಿವರದಲ್ಲಿ ಅವರು ಮಾಹಿತಿ ನೀಡಿದ್ದಾರೆ.
ಶಂಕರ್ ಅವರ ಬಳಿ 35.10 ಲಕ್ಷ ರೂ. ನಗದು ಹೊಂದಿದ್ದು, ಪತ್ನಿ ಧನಲಕ್ಷ್ಮಿ ಬಳಿ 27.77 ಲಕ್ಷ ರೂ. ನಗದು ಇದೆ. ಶಂಕರ್ ಹೆಸರಲ್ಲಿ 28.90 ಕೋಟಿ ರೂ. ಮೌಲ್ಯದ ಚರಾಸ್ತಿ ಮತ್ತು 166.30 ಕೋಟಿ ರೂ. ಮೌಲ್ಯದ ಸ್ಥಿರಾಸ್ತಿ ಹೊಂದಿದ್ದಾರೆ. ಅದೇ ರೀತಿ ಪತ್ನಿಯ ಹೆಸರಲ್ಲಿ 13.90 ಕೋಟಿ ರೂ. ಮೌಲ್ಯದ ಚರಾಸ್ತಿ ಮತ್ತು 92.25 ಕೋಟಿ ರೂ. ಮೌಲ್ಯದ ಸ್ಥಿರಾಸ್ತಿ ಇದೆ.
ಓದಿ:ಜೆಡಿಎಸ್ ಅಭ್ಯರ್ಥಿ ಗೋವಿಂದರಾಜು ಆಸ್ತಿ ಘೋಷಣೆ
ಶಂಕರ್ ಹೆಸರಲ್ಲಿ 44.63 ಕೋಟಿ ರೂ. ಸಾಲ ಹಾಗೂ ಪತ್ನಿ ಹೆಸರಲ್ಲಿ 21.93 ಕೋಟಿ ರೂ. ಲೋನ್ ಇದೆ. ಶಂಕರ್ ಹೆಸರಲ್ಲಿ 1.27 ಕೋಟಿ ರೂ. ಮೌಲ್ಯದ ಮೂರು ಇನೋವಾ ಕಾರ್, ಸ್ಕಾರ್ಪಿಯೋ ಮತ್ತು ಬಿಎಂಡಬ್ಲೂ ಕಾರ್ ಇದೆ. ಪತ್ನಿ ಹೆಸರಲ್ಲಿ 81.91 ಲಕ್ಷ ರೂ. ಮೌಲ್ಯದ ಇನೋವಾ, ಮಹೀಂದ್ರಾ ಕಾರ್, ಫೋರ್ಡ್ ಮತ್ತು ಬಿಎಂಡಬ್ಯೂ ಕಾರ್ ಇದೆ ಎಂದು ಆಸ್ತಿ ವಿವರದಲ್ಲಿ ಉಲ್ಲೇಖಿಸಲಾಗಿದೆ.
ವಿವಿಧ ಬ್ಯಾಂಕ್‌ನ ಖಾತೆಯಲ್ಲಿ 3.57 ಲಕ್ಷ ರೂ. ಮತ್ತು ಪತ್ನಿಯ ಹೆಸರಲ್ಲಿನ ವಿವಿಧ ಬ್ಯಾಂಕ್‌ನಲ್ಲಿ 94, 619 ರೂ. ಜಮಾ ಇದೆ. 73.72 ಲಕ್ಷ ರೂ. ಮೌಲ್ಯದ 2 ಕೆಜಿ ಚಿನ್ನ, 11,775 ಸಾವಿರ ರೂ. ಮೌಲ್ಯದ ಬೆಳ್ಳಿ ಇದೆ. ಪತ್ನಿಯ ಬಳಿ 61.72 ಲಕ್ಷ ರೂ. ಮೌಲ್ಯದ 2 ಕೆಜಿ ಚಿನ್ನ, 4.32 ಲಕ್ಷ ರು. ಮೌಲ್ಯದ 8 ಕೆಜಿ ಬೆಳ್ಳಿ ಮತ್ತು 10 ಲಕ್ಷ ರೂ. ಮೌಲ್ಯದ ಡೈಮಂಡ್ ನೆಕ್ಲೇಸ್ ಇದೆ ಎಂದು ಆಸ್ತಿ ವಿವರದಲ್ಲಿ ಆರ್ ಶಂಕರ್ ಮಾಹಿತಿ ನೀಡಿದ್ದಾರೆ.
