ಬೆಂಗಳೂರು : ಕೊಕೈನ್ ಜಾಲ ಹರಡಿದ್ದ ಪ್ರಮುಖ ಕಿಂಗ್ ಪಿನ್ ಚಿಡಿಬೇರ್ ಅಂಬ್ರೋಸ್ನನ್ನು ಬಂಧನ ಮಾಡುವಲ್ಲಿ ಸಿಸಿಬಿ ಪೊಲೀಸರು ಯಶಸ್ವಿಯಾಗಿದ್ದಾರೆ. ಈತ ನೈಜೀರಿಯನ್ ಪ್ರಜೆಗಳ ಮೂಲಕ ನಗರದಲ್ಲಿ ಕೊಕೈನ್ ಜಾಲ ಹರಡಿದ್ದ.
ಈ ಹಿಂದೆ ಸಿಸಿಬಿ ಬಂಧಿಸಿದ್ದ ಎಲ್ಲಾ ನೈಜೀರಿಯನ್ ಪೆಡ್ಲರ್ಸ್ಗೆ ಈತನ ಲಿಂಕ್ ಇತ್ತು. ಅಷ್ಟು ಮಾತ್ರವಲ್ಲದೆ ನೈಜೀರಿಯಾ ಮೂಲದ ಪೆಡ್ಲರ್ಗಳಿಗೆ ಕೊಕೈನ್ ಸರಬರಾಜು ಮಾಡಿ ಅಧಿಕ ಹಣಗಳಿಸುತ್ತಿದ್ದ. ಈಗಾಗಲೇ ಬಂಧಿಸಲಾಗಿರುವವರನ್ನು ವಿಚಾರಣೆ ನಡೆಸುವಾಗ ಅಂಬ್ರೋಸ್ ಹೆಸರು ಕೇಳಿ ಬಂದಿತ್ತು.
ಹೀಗಾಗಿ ಈತನ ಬಂಧನ ಮಾಡಲು ಸಿಸಿಬಿ ವಿಶೇಷ ತಂಡ ರಚನೆ ಮಾಡಿ, ಸದ್ಯ ಬಂಧಿಸಿದೆ. ಡ್ರಗ್ಸ್ ಜಾಲದಲ್ಲಿ ಈತ ಭಾಗಿಯಾಗಿರುವ ವಿಚಾರ ಪೊಲೀಸರಿಗೆ ತಿಳಿಯಬಾರದೆಂದು ಚೀಫ್ ಎಂದು ಅಡ್ಡ ಹೆಸರು ಇಟ್ಟುಕೊಂಡಿದ್ದ. ಸದ್ಯ ಅಂಬ್ರೋಸ್ ಅಂತಿಮವಾಗಿ ಸಿಸಿಬಿ ಬಲೆಗೆ ಬಿದ್ದಿದ್ದಾನೆ.
ಇದನ್ನು ಓದಿ:ಪತ್ನಿ ಕೊಂದು, ಗೋಡೆ ಕುಸಿದಿರುವ ಕತೆ ಕಟ್ಟಿದ ಪತಿ ಬಂಧನ
ಈ ವಿಷಯವಾಗಿ ಸಿಸಿಬಿ ಜಂಟಿ ಆಯುಕ್ತ ಸಂದೀಪ್ ಪಾಟೀಲ್ ಮಾತನಾಡಿ, ನಗರದಲ್ಲಿ ಡ್ರಗ್ಸ್ ಜಾಲವನ್ನ ಸೃಷ್ಟಿಸಿದ್ದ ನೈಜೀರಿಯಾ ಪ್ರಜೆಯೋರ್ವನನ್ನ ಬಂಧಿಸುವಲ್ಲಿ ಯಶಸ್ವಿಯಾಗಿದ್ದೇವೆ. ಈ ಹಿಂದೆ 12 ಜನರ ಬಂಧನ ಮಾಡಲಾಗಿತ್ತು. ಅವರ ಜೊತೆ ಸಂಪರ್ಕ ಹೊಂದಿದ ಲಿಂಕ್ ಮೊದಲು ಸಿಕ್ಕಿತ್ತು. ಈತ ತನ್ನದೇ ಜಾಲ ಸೃಷ್ಟಿ ಮಾಡಿಕೊಂಡು ಡ್ರಗ್ಸ್ ಮಾರಾಟ ಹಾಗೂ ಖರೀದಿ ಮಡುತ್ತಿದ್ದ ಎಂದಿದ್ದಾರೆ.
