ಸಿಲಿಕಾನ್​​ ಸಿಟಿಯಲ್ಲಿ ಮತ್ತೊಬ್ಬ ರೌಡಿಶೀಟರ್​​​ ಕಾಲಿಗೆ ಗುಂಡು

ಖಚಿತ ಮಾಹಿತಿ ಮೇರೆಗೆ ಕೊಲೆ ಪ್ರಕರಣದ ಆರೋಪಿಯನ್ನು ಬಂಧಿಸಲು ತೆರಳಿದ ವೇಳೆ ರೌಡಿಶೀಟರ್ ಪೊಲೀಸರ ಮೇಲೆ ಹಲ್ಲೆ ನಡೆಸಿದ್ದು, ಆತನ ಮೇಲೆ ಪೊಲೀಸರು ಮೂರು ಸುತ್ತು ಗುಂಡು ಹಾರಿಸಿದ್ದಾರೆ. ಪರಿಣಾಮ ಆತನ ಕಾಲಿಗೆ 2 ಗುಂಡು ಹೊಕ್ಕಿವೆ. ಸದ್ಯ ಆರೋಪಿಯನ್ನ ಸಪ್ತಗಿರಿ ಆಸ್ಪತ್ರೆಗೆ ದಾಖಲಿಸಿ ತನಿಖೆ ಮುಂದುವರೆಸಲಾಗಿದೆ.

ಬೆಂಗಳೂರು: ಸಿಲಿಕಾನ್ ಸಿಟಿಯಲ್ಲಿ ಮತ್ತೊಬ್ಬ ರೌಡಿಶೀಟರ್ ಕಾಲಿಗೆ ಗುಂಡು ಹೊಡೆಯುವ ಮೂಲಕ ಖಾಕಿ ಪಡೆ ಮತ್ತೆ ಸದ್ದು ಮಾಡಿದೆ.

ಹೌದು, ಸಂದೀಪ್ ಕುಮಾರ್ ಅಲಿಯಾಸ್ ಶೂಟರ್ ಸಂದೀಪ್ ಪೊಲೀಸರಿಂದ ಗುಂಡೇಟು ತಿಂದ ಆರೋಪಿ.

ಈತ ಕಳೆದ ಭಾನುವಾರ ಕಿರಣ್ ಕುಮಾರ್ ಎಂಬಾತನನ್ನ ಕಲ್ಲಿನಿಂದ ಜಜ್ಜಿ ಕೊಲೆ ಮಾಡಿದ್ದ ಎಂಬ ಆರೋಪದಡಿ ಈತನ ವಿರುದ್ಧ ಪೀಣ್ಯಾ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು. ಇಂದು ಖಚಿತ ಮಾಹಿತಿ ಮೇರೆಗೆ ಸಂದೀಪ್​​ನನ್ನ ಬಂಧಿಸಲು ಪೀಣ್ಯ ಇನ್ಸ್​​ಪೆಕ್ಟರ್ ಶ್ರೀನಿವಾಸ್ ತೆರಳಿದ್ರು.

ಈ ವೇಳೆ ಸಬ್​ಇನ್ಸ್​ಪೆಕ್ಟರ್ ಹಾಗೂ ಪೇದೆ ಮೇಲೆ ಹಲ್ಲೆ ಮಾಡಲು ಸಂದೀಪ್ ಮುಂದಾಗಿದ್ದಾನೆ. ಈ ವೇಳೆ ರಕ್ಷಣೆಗಾಗಿ ಇನ್ಸ್​ಪೆಕ್ಟರ್ ಮೂರು ಸುತ್ತು ಗುಂಡು ಹಾರಿಸಿದ್ದು, ಸಂದೀಪ್ ಕಾಲಿಗೆ 2 ಗುಂಡು ಹೊಡೆದಿದ್ದಾರೆ‌. ಸದ್ಯ ಆರೋಪಿಯನ್ನ ಸಪ್ತಗಿರಿ ಆಸ್ಪತ್ರೆಗೆ ದಾಖಲಿಸಿ ತನಿಖೆ ಮುಂದುವರೆಸಿದ್ದಾರೆ.

ಇನ್ನು ಆರೋಪಿ ಉತ್ತರ ವಿಭಾಗ ಪೊಲೀಸ್ ಠಾಣಾ ವ್ಯಾಪ್ತಿಯ ರೌಡಿಶೀಟರ್ ಆಗಿದ್ದು, ಈತನ ಮೇಲೆ ಹಲವಾರು ಪ್ರಕರಣ ದಾಖಲಾಗಿವೆ.