ಹುಡುಗಾಟಕ್ಕೆ ವೀಡಿಯೋ ಮಾಡಿದೆ, ಪೊಲೀಸರ ಮೇಲೆ ಗೌರವ ಇದೆ: ನಟಿ ಸಂಜನ ಸ್ಫಷ್ಟನೆ

ಸೆಲ್ಫಿ ವಿಡಿಯೋ ಮಾಡಿ ವಾಹನ ಚಲಾಯಿಸುತ್ತಾ ಟ್ರಾಫಿಕ್​​ ಪೊಲೀಸರ ಕೆಂಗಣ್ಣಿಗೆ ಗುರಿಯಾಗಿದ್ದ ನಟಿ ಸಂಜನಾ, ಈಗ ಆ ವಿಡಿಯೋ ಕುರಿತು ಪ್ರತಿಕ್ರಿಸಿ, ಹುಡುಗಾಟಕ್ಕೆ ಮಾಡಿದ್ದೆ ಕಾನೂನೆಂದರೆ ನನಗೂ ಗೌರವವಿದೆ ಎಂದು ಹೇಳಿಕೊಂಡಿದ್ದಾರೆ.

ಸೆಲ್ಫಿ ವಿಡಿಯೋ ವಿವಾದದ ಬಗ್ಗೆ ನಟಿ ಸಂಜನಾ ಗರ್ಲಾನಿ ಪ್ರತಿಕ್ರಿಯೆ ನೀಡಿ ಟ್ರಾಫಿಕ್ ರೂಲ್ಸ್ ಮತ್ತು ಕಾನೂನಿನ‌ ಬಗ್ಗೆ ನನಗೂ ಗೌರವ ಇದೆ. ಏನೋ ಹುಡುಗಾಟದಲ್ಲಿ ಆ ರೀತಿ ವೀಡಿಯೋ ಮಾಡಿದ್ದೆ ಅದು ಕೂಡ ಕೇವಲ‌ 40 ಸೆಕೆಂಡ್ಗಳ ಸಣ್ಣ ವಿಡಿಯೋ. ಪೊಲೀಸರು ನಮ್ಮನ್ನೆಲ್ಲಾ ಕಾಪಾಡುವವರು ಅವರ ಬಗ್ಗೆ ಕೂಡ ಗೌರವ ಇದೆ ಎಂದು ಸ್ಪಷ್ಟನೆ ನೀಡಿದ್ದಾರೆ.

ಟ್ರಾಫಿಕ್ ನಿಯಮ ಬ್ರೇಕ್ ಮಾಡಿದ ಕಾರಣ ಮೊದಲ ಬಾರಿಗೆ ಡ್ರೈವಿಂಗ್ ನಲ್ಲಿ ಮೊಬೈಲ್ ಬಳಸಿ ಸಿಕ್ಕಿ ಬಿದ್ದರೆ 1000 ಸಾವಿರ ರೂ. ದಂಡ. 2 ನೇ ಬಾರಿ ಮೊಬೈಲ್ ಬಳಸಿ ಸಿಕ್ಕಿ ಬಿದ್ದರೆ 2000 ಸಾವಿರ ರೂ., ಮೂರನೇ ಬಾರಿ ಸಿಕ್ಕಿ ಬಿದ್ದರೆ ಡಿಎಲ್ ಅಮಾನತಿಗೆ ಟ್ರಾಫಿಕ್ ಪೊಲೀಸರು ಶಿಫಾರಸು ಮಾಡುತ್ತಾರೆ. ಹೀಗಾಗಿ ಸಂಜನಾ ವಿರುದ್ದ ಪೊಲಿಸರು ಸ್ವಯಂ ಪ್ರೇರಿತ ದೂರು ದಾಖಲು ಮಾಡಲು ನಿರ್ಧಾರ ಮಾಡಿದ್ದರು.