ಬೆಂಗಳೂರು: ರೌಡಿಶೀಟರ್ವೋರ್ವ ಬರ್ಬರವಾಗಿ ಹತ್ಯೆಗೀಡಾಗಿರುವ ಘಟನೆ ತಿಲಕ್ ನಗರದ ಬಿಟಿಪಿ ಲೇಔಟ್ನಲ್ಲಿ ನಡೆದಿದೆ.
ರಾಜಶೇಖರ್ ಅಲಿಯಾಸ್ ರಾಜೇಶ್ ಕೊಲೆಯಾಗಿರುವ ರೌಡಿಶೀಟರ್. ನಿನ್ನೆ ರಾತ್ರಿ ರಾಜೇಶ್ನನ್ನು ವಿನೋದ್ ಎಂಬಾತ ಚಾಕುವಿನಿಂದ ಇರಿದು ಭೀಕರವಾಗಿ ಕೊಲೆ ಮಾಡಿದ್ದಾನೆ ಎಂಬ ಆರೋಪ ಕೇಳಿಬಂದಿದೆ.
ನಡೆದಿದ್ದೇನು: ತಿಲಕ್ ನಗರದ ಬಿಟಿಪಿ ಪ್ರದೇಶದಲ್ಲಿ ಊರ ಹಬ್ಬ ನಡೆಯುತ್ತಿತ್ತು. ಈ ವೇಳೆ ವಿನೋದ್ ಹಬ್ಬದ ಮುಂದಾಳತ್ವ ವಹಿಸಿಕೊಂಡಿದ್ದ. ಈ ವೇಳೆ ರಾಜಶೇಖರ್ ಹಾಗೂ ಆತನ ಸ್ನೇಹಿತರು ಏನ್ ಸಮಾಚಾರ ಎಂದು ವಿನೋದ್ನನ್ನ ಕೆಣಕಿದ್ದರು ಎನ್ನಲಾಗ್ತಿದೆ. ಇದರಿಂದ ಕೆರಳಿದ ವಿನೋದ್ ತನ್ನ ಸಹೋದರನಿಗೆ ಈ ವಿಚಾರ ತಿಳಿಸಿದ್ದ. ನಂತರ ಎರಡೂ ಗುಂಪುಗಳ ನಡುವೆ ಮಾತಿಗೆ ಮಾತು ಬೆಳೆದು ವಿನೋದ್ ಹಾಗೂ ರಾಜಶೇಖರ್ ಜಗಳವಾಡಿದ್ದರು. ಈ ವೇಳೆ ರಾಜಶೇಖರ್ಗೆ ವಿನೋದ್ ಚಾಕುವಿನಿಂದ ಇರಿದಿದ್ದನಂತೆ. ತಕ್ಷಣ ರಾಜಶೇಖರ್ನನ್ನ ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಿದರೂ, ಚಿಕಿತ್ಸೆ ಫಲಿಸದೆ ಆತ ಸಾವನ್ನಪ್ಪಿದ್ದಾನೆ. ಈ ಸಂಬಂಧ ತಿಲಕ್ ನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ತಲೆ‌ಮರೆಸಿಕೊಂಡಿರುವ ಆರೋಪಿಗೆ ಪೊಲೀಸರು ಬಲೆ ಬೀಸಿದ್ದಾರೆ.
