ಬೆಂಗಳೂರು : ರಾಜ್ಯದ 25 ಪೊಲೀಸ್ ಇನ್ಸ್ ಪೆಕ್ಟರ್ಗಳನ್ನು ಡಿವೈಎಸ್ಪಿಯಾಗಿ, 25 ಪಿಎಸ್ಐಗಳನ್ನು ಪೊಲೀಸ್ ಇನ್ಸ್ ಪೆಕ್ಟರ್ ಆಗಿ, ಸ್ವತಂತ್ರ ಪ್ರಭಾರದಲ್ಲಿರಿಸಿದ ಅಧಿಕಾರಿಗಳಿಗೆ ಸ್ಥಳ ನಿಯುಕ್ತಿ ಮಾಡಿ ರಾಜ್ಯ ಸರ್ಕಾರ ಆದೇಶಿಸಿದೆ.
ಪೊಲೀಸರು ಶೀಘ್ರವೇ ಅಧಿಕಾರ ವಹಿಸಿಕೊಳ್ಳುವಂತೆ ಆರಕ್ಷಕ ಮಹಾನಿರೀಕ್ಷಕರ ಪರವಾಗಿ ಡಾ. ಎಂ ಎ ಸಲೀಂ ತಿಳಿಸಿದ್ದಾರೆ. ಜಾಲಪ್ಪ ನ್ಯಾಮೇಗೌಡರ್, ಗಿರೀಶ್, ಯೋಗೇಂದ್ರ ಕುಮಾರ್, ಆನಂತ್, ತನ್ವರ್ ಅಹಮ್ಮದ್, ಚಂದ್ರಶೇಖರ್, ಭರತ್ ಸೇರಿ 25 ಪೊಲೀಸ್ ಡಿವೈಎಸ್ಪಿಯಾಗಿ ಪ್ರಮೋಶನ್ ಪಡೆದಿದ್ದಾರೆ.
ಪಿಎಸ್ಐ ಆಗಿದ್ದ ರಾಘವೇಂದ್ರ, ಪ್ರದೀಪ್, ಗಂಗಾಧರ್, ಜಗದೀಶ್, ಪುರುಷೋತ್ತಮ, ಹನುಮಂತಪ್ಪ, ಮಂಜುನಾಥ, ವಿಕಾಸ್, ಚಂದ್ರಶೇಖರ್, ಪ್ರಕಾಶ್ ಸೇರಿದಂತೆ 25 ಮಂದಿ ಪೊಲೀಸ್ ಇನ್ಸ್ ಪೆಕ್ಟರ್ ಆಗಿ ಬಡ್ತಿ ಪಡೆದಿದ್ದಾರೆ. ಇವರೆಲ್ಲರಿಗೂ ಸ್ಥಳ ನಿಯುಕ್ತಿಗೊಳಿಸಿ ಶನಿವಾರ ಸರ್ಕಾರ ಆದೇಶಿಸಿದೆ.
