ಹಲವು ಆರೋಪಗಳು ನಡುವೆ ಕಿಟ್ ವಿತರಿಸಿದ ಶಾಸಕ - ತಹಶೀಲ್ದಾರ್

ಕಾರ್ಮಿಕ ಇಲಾಖೆಯ ನಿರೀಕ್ಷಕರಿಗೂ ಈ ಕುರಿತು ಮಾಹಿತಿಯಿಲ್ಲದಂತೆ ಪುರಸಭೆಯಲ್ಲಿ ಕಿಟ್ ವಿತರಣೆಯಾಗಿದೆ ಎಂದು ಮಹಿಳಾ ಹೋರಾಟಗಾರ್ತಿ ಆರೋಪಿಸಿದ್ದಾರೆ.

ಆನೇಕಲ್ : ಕೊರೊನಾ ಸಂಕಷ್ಟದಲ್ಲಿ ವಲಸೆ ಕಾರ್ಮಿಕರು ಪರದಾಡುತ್ತಿದ್ದರೆ, ಇತ್ತ ಪುರಸಭೆ - ನಗರಸಭೆ-ಗ್ರಾಮ ಪಂಚಾಯಿತಿಗಳಲ್ಲಿ ಚುನಾಯಿತ ಸದಸ್ಯರ ಕೃಪೆಗೆ ಪಾತ್ರರಾದವರಿಗೆ ಮಾತ್ರ ಕಾರ್ಮಿಕ ಇಲಾಖೆಯ ಕಿಟ್ ವಿತರಣೆಯಾಗ್ತಿದೆ. ಅಲ್ಲದೇ ಈ ಕುರಿತು ಕಾರ್ಮಿಕ ಇಲಾಖೆಯ ನಿರೀಕ್ಷಕರಿಗೂ ಈ ಕುರಿತು ಮಾಹಿತಿಯಿಲ್ಲದಂತೆ ಪುರಸಭೆಯಲ್ಲಿ ಕಿಟ್ ವಿತರಣೆಯಾಗಿದೆ ಎಂದು ಮಹಿಳಾ ಹೋರಾಟಗಾರ್ತಿ ಆರೋಪಿಸಿದ್ದಾರೆ.

ಕಿಟ್ ವಿತರಿಸಿದ್ದನ್ನು ಕಂಡು ಪುರಸಭೆ ಸದಸ್ಯರು - ಮುಖ್ಯಾಧಿಕಾರಿ ಹಾಗೂ ಶಾಸಕರ ಸಭೆಯಲ್ಲಿ ಈ ಕುರಿತು ಪ್ರಶ್ನೆ ಮಾಡಿದ ಮಹಿಳಾ ಹೋರಾಟಗಾರ್ತಿ ಮಮತಾರ ಪ್ರಶ್ನೆಗೆ ತಕ್ಕ ಉತ್ತರ ನೀಡದೇ ಹಾಗೇನಿಲ್ಲ ಎಂದು ಶಾಸಕರು ಎದ್ದು ಹೊರನಡೆದರು.

ಆನೇಕಲ್ ಪಟ್ಟಣದಲ್ಲಿ 350 ಕ್ಕೂ ಹೆಚ್ಚು ಫಲಾನುಭವಿಗಳಿದ್ದು, ಅವ್ರಿಗೆ ಪಟ್ಟಿಯಂತೆ ಇಂದು 27 ವಾರ್ಡ್​​​ಗಳ 100 ಜನಕ್ಕೆ ಕಿಟ್ ವಿತರಿಸಿದ್ದೇವೆ ಎಂದು ಪುರಸಭಾ ಮುಖ್ಯಾಧಿಕಾರಿ ಶ್ರೀನಿವಾಸ್ ತಿಳಿಸಿದ್ದಾರೆ. ತಹಶೀಲ್ದಾರ್ ಮಹದೇವಯ್ಯ, ಶಾಸಕ ಬಿ ಶಿವಣ್ಣ ಕಿಟ್ ವಿತರಿಸಿ ಹೊರಟರು.