ಸುಪ್ರೀಂ ತೀರ್ಪಿನ ಬಗ್ಗೆ ಆತಂಕ: ರೆಸಾರ್ಟ್​ನಿಂದ ಹೊರ ಬಾರದ ಜೆಡಿಎಸ್​​ ಶಾಸಕರು

ದೇವನಹಳ್ಳಿ ಗಾಲ್ಫ್ ಶೈರ್ ರೆಸಾರ್ಟ್​ಗೆ ಜೆಡಿಎಸ್ ಶಾಸಕರು ಬಂದು ಒಂದು ವಾರ ಕಳೆದಿದೆ. ಪ್ರತಿ ದಿನ ಒಂದಲ್ಲ ಒಂದು ವಿಷಯಕ್ಕೆ ಸುದ್ದಿಯಾಗುತ್ತಿದ್ದ ಜೆಡಿಎಸ್ ಶಾಸಕರು ಇಂದು ಕೂಡ ಒಂದು ಕಾರಣಕ್ಕೆ ಸುದ್ದಿಯಾಗಿದ್ದಾರೆ.

ಬೆಂಗಳೂರು: ಕಳೆದ ಒಂದು ವಾರದಿಂದ ರೆಸಾರ್ಟ್ ಸುತ್ತಮುತ್ತ ತಿರುಗಾಡುತ್ತಿದ್ದ ಜೆಡಿಎಸ್ ಶಾಸಕರು ಇಂದು ರೆಸಾರ್ಟ್ ಬಿಟ್ಟು ಹೊರ ಬಂದಿಲ್ಲ. ಅಲ್ಲದೇ ಎಲ್ಲಾ ಶಾಸಕರು ಟಿವಿ ಮುಂದೆ ಕುಳಿತಿದ್ದು, ಸರ್ಕಾರದ ಭವಿಷ್ಯ ಏನಾಗುತ್ತದೆ ಅನ್ನೋ ಟೆನ್ಷನ್​​ನಲ್ಲಿದ್ದಾರೆ.

ದೇವನಹಳ್ಳಿ ಗಾಲ್ಫ್ ಶೈರ್ ರೆಸಾರ್ಟ್​ಗೆ ಜೆಡಿಎಸ್ ಶಾಸಕರು ಬಂದು ಒಂದು ವಾರ ಕಳೆದಿದೆ. ಪ್ರತಿ ದಿನ ಒಂದಲ್ಲ ಒಂದು ವಿಷಯಕ್ಕೆ ಸುದ್ದಿಯಾಗುತ್ತಿದ್ದ ಜೆಡಿಎಸ್ ಶಾಸಕರು ಇಂದು ಕೂಡ ಒಂದು ಕಾರಣಕ್ಕೆ ಸುದ್ದಿಯಾಗಿದ್ದಾರೆ.

ರಾಜಕೀಯ ಜಂಜಾಟ, ಕೊಡಗುರ್ಕಿಯಲ್ಲಿ ಬಾಡೂಟ, ದೇವಸ್ಥಾನಕ್ಕೆ ಹೋಗಿ ಬರುವ ಹವ್ಯಾಸ, ತಮ್ಮ ತಮ್ಮ ಕ್ಷೇತ್ರದ ಕೆಲಸಗಳನ್ನು ರೆಸಾರ್ಟ್​ನಲ್ಲೇ ಮಾಡುವ ಮೂಲಕ ಸುದ್ದಿಯಾಗುತ್ತಿದ್ದ ಜೆಡಿಎಸ್ ಶಾಸಕರು ಇಂದು ರೆಸಾರ್ಟ್​ನಿಂದ ಹೊರ ಬರದೆ ಸುದ್ದಿಯಾಗಿದ್ದಾರೆ. ಯಾವುದೇ ಕ್ಷೇತ್ರದ ಕೆಲಸವಾಗಲಿ, ಹೊರಗಡೆ ಸುತ್ತಾಡುವ ಕಾರ್ಯವಾಗಲಿ ಅಥವಾ ಬೆಂಬಲಿಗರು ಮತ್ತು ಕಾರ್ಯಕರ್ತರನ್ನು ನೋಡಿ ಮಾತನಾಡಿಸುವಂತಹ ಯಾವುದೇ ಕೆಲಸ ಮಾಡುತ್ತಿಲ್ಲ. ಬದಲಾಗಿ ಇಂದು ಸುಪ್ರೀಂ ಕೋರ್ಟ್​ನಲ್ಲಿ ನಡೆದ ಸರ್ಕಾರದ ಭವಿಷ್ಯದ ಕುರಿತ ತೀರ್ಪಿಗಾಗಿ ಕಾಯುತ್ತಾ ಫುಲ್ ಟೆನ್ಷನ್​ನಲ್ಲಿದ್ದರು ಎನ್ನಲಾಗಿದೆ.