ಗ್ರಾಪಂ ಚುನಾವಣೆ: ಪರೇಡ್​​ ನಡೆಸಿ ರೌಡಿಗಳಿಗೆ ವಾರ್ನ್​ ಮಾಡಿದ ದೊಡ್ಡಬಳ್ಳಾಪುರ ಡಿವೈಎಸ್​ಪಿ

ಗ್ರಾಮ ಪಂಚಾಯಿತಿ ಚುನಾವಣೆ ವೇಳೆ ಯಾವುದೇ ರೀತಿಯ ಅಪರಾಧ ಕೃತ್ಯಗಳಲ್ಲಿ ಭಾಗಿಯಾಗಬಾರದು. ಸ್ವಂತ ಮೊಬೈಲ್, ಸ್ವಂತ ವಾಹನಗಳನ್ನು ಬಳಸುವಂತೆ ರೌಡಿ ಶೀಟರ್​​ಗಳಿಗೆ ದೊಡ್ಡಬಳ್ಳಾಪುರ ಡಿವೈಎಸ್​ಪಿ ರಂಗಪ್ಪ ಎಚ್ಚರಿಕೆ ನೀಡಿದರು.

ದೊಡ್ಡಬಳ್ಳಾಪುರ: ಗ್ರಾಮ ಪಂಚಾಯಿತಿ ಚುನಾವಣೆಯಲ್ಲಿ ಯಾವುದೇ ರೀತಿಯ ಅಹಿತಕರ ಘಟನೆ ನಡೆಯದಂತೆ ಮುಂಜಾಗ್ರತಾ ಕ್ರಮವಾಗಿ ದೊಡ್ಡಬಳ್ಳಾಪುರ ಪೊಲೀಸರು ರೌಡಿಗಳ ಪರೇಡ್ ನಡೆಸಿದರು.

ಡಿವೈಎಸ್​ಪಿ ರಂಗಪ್ಪ ನೇತೃತ್ವದಲ್ಲಿ ರೌಡಿಶೀಟರ್​ಗಳಿಗೆ ಪರೇಡ್​ ನಡೆಸಲಾಯಿತು. ದೊಡ್ಡಬಳ್ಳಾಪುರ ಪೊಲೀಸ್ ಸರ್ಕಲ್ ವ್ಯಾಪ್ತಿಯ ನಗರ, ಗ್ರಾಮಾಂತರ, ರಾಜಾನುಕುಂಟೆ, ದೊಡ್ಡಬೆಳವಂಗಲ, ಹೊಸಹಳ್ಳಿ ಪೊಲೀಸ್ ಠಾಣೆಯ ರೌಡಿಶೀಟರ್​ಗಳನ್ನು ಕರೆಸಿ ವಾರ್ನ್​ ಮಾಡಿದರು. ಚುನಾವಣೆ ವೇಳೆ ಯಾವುದೇ ರೀತಿಯ ಅಪರಾಧ ಕೃತ್ಯಗಳಲ್ಲಿ ಭಾಗಿಯಾಗಬಾರದು. ಸ್ವಂತ ಮೊಬೈಲ್, ಸ್ವಂತ ವಾಹನಗಳನ್ನು ಬಳಸುವಂತೆ ಎಚ್ಚರಿಕೆ ನೀಡಿದರು.

ಬೇರೆಯವರ ಮೊಬೈಲ್ ಕಸಿದು ಬೆದರಿಕೆ, ಧಮ್ಕಿ ಹಾಕುವುದು ಕಂಡುಬಂದಲ್ಲಿ ಕ್ರಮ ತೆಗೆದುಕೊಳ್ಳಲಾಗುವುದು. 5 ವರ್ಷಗಳಿಂದ ಯಾವುದೇ ರೀತಿಯ ಅಪರಾಧ ಕೃತ್ಯಗಳಲ್ಲಿ ಭಾಗಿಯಾಗದವರನ್ನು ರೌಡಿಶೀಟರ್ ಪಟ್ಟಿಯಿಂದ ಕೈ ಬೀಡಲಾಗುವುದೆಂದು ಇದೇ ಸಮಯದಲ್ಲಿ ತಿಳಿಸಿದರು.