ಟೋಕಿಯೋ: ಭಾರತದ ಟೇಕ್ವಾಂಡೋ ಪ್ಲೇಯರ್ ಅರುಣಾ ತನ್ವಾರ್ ಟೋಕಿಯೋ ಪ್ಯಾರಾಲಿಂಪಿಕ್ಸ್ನಲ್ಲಿ ಗುರುವಾರ ನಡೆದ ಮಹಿಳೆಯ K44-49 ಕೆಜಿ ವಿಭಾಗದಲ್ಲಿ ನಾಲ್ಕನೇ ಶ್ರೇಯಾಂಕದ ಪೆರುವಿನ ಎಸ್ಪಿನೋಜಾ ಕ್ಯಾರನ್ಜಾ ವಿರುದ್ಧ ಸೋಲು ಕಂಡರು. ಆದರೆ ರೇಪ್ಚೇಜ್ ಸುತ್ತಿನಲ್ಲಿ ಅವಕಾಶಕ್ಕಾಗಿ ಎದುರು ನೋಡುತ್ತಿದ್ದಾರೆ.
ಇದಕ್ಕೂ ಮೊದಲು ಸರ್ಬಿಯಾದ ಡ್ಯಾನಿಜೇಲಾ ಜಾವನೋವಿಕ್ ವಿರುದ್ಧ ಗೆಲುವು ಸಾಧಿಸಿ ಕ್ವಾರ್ಟರ್ಫೈನಲ್ಸ್ ಪ್ರವೇಶಿಸಿದ್ದಾರೆ. ಅರುಣಾ ಫ್ರೀ ಕ್ವಾರ್ಟರ್ ಫೈನಲ್ಸ್ನಲ್ಲಿ ಸರ್ಬಿಯನ್ ಆಥ್ಲೀಟ್ ವಿರುದ್ಧ 29-9 ಅಂಕಗಳ ಅಂತರದಿಂದ ಗೆಲುವು ಸಾಧಿಸಿ ಅಂತಿಮ 8ರ ಘಟ್ಟಕ್ಕೆ ಪ್ರವೇಶಿಸಿದರು.
ಮೊದಲ ಸುತ್ತಿನಲ್ಲಿ ಉತ್ತಮ ಪ್ರದರ್ಶನ ತೋರಿ 8-4ರಲ್ಲಿ ಮುನ್ನಡೆ ಸಾಧಿಸಿದ ಅವರು, ಅದೇ ಗೆಲುವಿನ ಉತ್ಸಾಹವನ್ನು ಮುಂದುವರಿಸಿ 2ನೇ ಸುತ್ತನ್ನು ಸುಲಭವಾಗಿ ಗೆದ್ದರು. ಎರಡು ಸುತ್ತಿನಲ್ಲೂ ಪ್ರಾಬಲ್ಯ ಮೆರೆದಿದ್ದ ಅರುಣಾ ಮೂರನೇ ಸುತ್ತಿನಲ್ಲಿ 15-2ರಲ್ಲಿ ಗೆದ್ದು ಪಂದ್ಯವನ್ನು ತಮ್ಮದಾಗಿಸಿಕೊಂಡರು.
ಅರುಣಾ ಹರಿಯಾಣದ ಭಿವಾನಿ ಜಿಲ್ಲೆಯ ದಿನೋದ್ ಹಳ್ಳಿಯ ಪ್ಯಾರಾ ಟೇಕ್ವಾಂಡೊ ಪಟು ವೈಲ್ಡ್ ಕಾರ್ಡ್ ಪ್ರವೇಶದ ಮೂಲಕ ಟೋಕಿಯೋ ಪ್ಯಾರಾಲಿಂಪಿಕ್ಸ್ಗೆ ಪ್ರವೇಶ ಪಡೆದಿದ್ದರು. ವಿಶೇಷವೆಂದರೆ ಅವರು ಈ ಗ್ಲೋಬಲ್ ಇವೆಂಟ್ನಲ್ಲಿ ಸ್ಪರ್ಧಿಸುತ್ತಿರುವ ಭಾರತದ ಮೊದಲ ಸ್ಪರ್ಧಿ ಎಂಬ ಶ್ರೇಯಕ್ಕೆ ಅವರು ಪಾತ್ರರಾಗಿದ್ದಾರೆ ಎಂದು ರಾಷ್ಟ್ರೀಯ ಒಕ್ಕೂಟ ಸ್ಪಷ್ಟಪಡಿಸಿದೆ.
ಇದನ್ನು ಓದಿ:ಕ್ಯಾನೋ ಸ್ಪ್ರಿಂಟ್ನಲ್ಲಿ ಸೆಮಿಫೈನಲ್ ಪ್ರವೇಶಿಸಿದ ಭಾರತದ ಪ್ರಾಚಿ ಯಾದವ್
