ಪಾರ್ಮಾ : 23 ಗ್ರ್ಯಾಂಡ್ಸ್ಲಾಮ್ ಚಾಂಪಿಯನ್ ಸೆರೆನಾ ವಿಲಿಯಮ್ಸ್ ಎಮಿಲಿಯಾ-ರೊಮಾಗ್ನಾ ಓಪನ್ನಲ್ಲಿ 2ನೇ ಸುತ್ತಿನಲ್ಲಿ ಸೋಲು ಕಂಡು ನಿರಾಶೆಯನುಭವಿಸಿದ್ದಾರೆ.
ಇಟಲಿಯ ಪಾರ್ಮಾದಲ್ಲಿ ನಡೆಯುತ್ತಿರುವ ಟೂರ್ನಿಯಲ್ಲಿ ಮಾಜಿ ವಿಶ್ವದ 8ನೇ ಶ್ರೇಯಾಂಕದ ಸೆರೆನಾ ವಿಲಿಯಮ್ಸ್, 68ನೇ ಶ್ರೇಯಾಂಕದ ಜೆಕ್ ಗಣರಾಜ್ಯದ ಕ್ಯಾತರೀನಾ ಸಿನಿಯಕೋವಾ ಎದುರು 7-6, 6-2ರಲ್ಲಿ ಸೋಲನುಭವಿಸಿ ಟೂರ್ನಿಯಿಂದ ಹೊರ ಬಿದ್ದಿದ್ದಾರೆ.
39ರ ಹರೆಯದ ಸೆರೆನಾ ಕಳೆದ ವಾರ ನಡೆದಿದ್ದ ಇಟಾಲಿಯನ್ ಓಪನ್ನಲ್ಲಿ ಮೊದಲ ಸುತ್ತಿನಲ್ಲೇ ಸೋಲು ಕಂಡಿದ್ದರು. ಅದು ಅವರ 1000ನೇ ಪಂದ್ಯವಾಗಿತ್ತು. ಅಮೆರಿಕಾದ ಸ್ಟಾರ್ ಆಟಗಾರ್ತಿ ವಿಮೆನ್ಸ್ WTA ರ್‍ಯಾಂಕಿಂಗ್‌ನಲ್ಲಿ 8ನೇ ಸ್ಥಾನದಲ್ಲಿದ್ದಾರೆ.
ಅಮೆರಿಕಾದ ಯುವ ಅಟಗಾರ್ತಿ ಕೊಕೊ ಗೌಫ್ 7-6(7), 7-6(7)ರಲ್ಲಿ ಕೈಯಾ ಕೆನೆಪಿ ಅವರನ್ನು ಟೂರ್ನಿಯಲ್ಲಿ ದ್ವಿತೀಯ ಶ್ರೇಯಾಂಕ ಪಡೆದಿರುವ ಕ್ರೊವೇಷ್ಯಾದ ಪೆಟ್ರಾ ಮ್ಯಾಟ್ರಿಕ್ ರಷ್ಯಾದ ವರ್ವರ ಗ್ರಾಚೆವಾ ಅವರನ್ನು ಮಣಿಸಿ ಗೆಲುವಿನ ಅಭಿಯಾನ ಮಾಡಿದ್ದಾರೆ.
ಇದನ್ನು ಓದಿ:ಮೂರು ತಿಂಗಳ ನಂತರ ಮೊದಲ ಜಯ ಸಾಧಿಸಿದ ಸೆರೆನಾ ವಿಲಿಯಮ್ಸ್!
