ನ್ಯೂಯಾರ್ಕ್: ಜನಾಂಗೀಯ ಅನ್ಯಾಯದ ವಿರುದ್ಧದ ಹೋರಾಟಕ್ಕೆ ಬೆಂಬಲ ನೀಡುವ ಉದ್ದೇಶದಿಂದ ಜಪಾನ್ ಹಾಗೂ ಮಾಜಿ ನಂಬರ್ ಒನ್ ಆಟಗಾರ್ತಿ ನವೋಮಿ ಒಸಾಕ ವೆಸ್ಟರ್ನ್ ಮತ್ತು ಸದರ್ನ್ ಓಪನ್ ಸೆಮಿಫೈನಲ್ ಪಂದ್ಯದಿಂದ ಹೊರಬಂದಿದ್ದಾರೆ.
ಅಮೆರಿಕದಲ್ಲಿ ಪೊಲೀಸ್ ಜಾಕೋಬ್ ಬ್ಲೇಕ್ ಎನ್ನುವ ಕಪ್ಪು ವರ್ಣಿಯನನ್ನು ಗುಂಡಿಕ್ಕಿ ಕೊಂದಿರುವುದು ಬೆಳಕಿಗೆ ಬಂದಿದೆ. ಈ ಬಗ್ಗೆ ಟ್ವಟ್ಟರ್ನಲ್ಲಿ ಅಸಮಾಧಾನ ವ್ಯಕ್ತಪಡಿಸಿರುವ ಜಪಾನ್ ಟೆನ್ನಿಸ್ ತಾರೆ ಕಪ್ಪುಜನರ ಮೇಲಿನ ನರಮೇಧ ನನ್ನನ್ನು ವಿಚಲಿತಳನ್ನಾಗಿ ಮಾಡುತ್ತಿದೆ ಎಂದು ಟ್ವಿಟ್ಟರ್ನಲ್ಲಿ ಬರೆದುಕೊಂಡಿದ್ದಾರೆ.
ನಿಮ್ಮಲ್ಲಿ ಅನೇಕರಿಗೆ ತಿಳಿದಿರುವಂತೆ ನಾನು ನಾಳೆ ಸೆಮಿಫೈನಲ್ ಪಂದ್ಯವನ್ನು ಆಡಲು ನಿರ್ಧರಿಸಿದ್ದೆ. ಆದರೂ ನಾನು ಕ್ರೀಡಾಪಟುವಾಗುವ ಮೊದಲು ನಾನೊಬ್ಬ ಕಪ್ಪು ಮಹಿಳೆ. ನಾನೊಬ್ಬ ಕಪ್ಪು ಮಹಿಳೆಯಾಗಿ ಟೆನ್ನಿಸ್ ಆಡುವುದನ್ನು ನೋಡುವ ಮೊದಲು, ಕಪ್ಪು ವರ್ಣದವರ ಮೇಲಿನ ದೌರ್ಜನ್ಯದ ವಿರುದ್ಧ ಗಮನ ಹರಿಸಬೇಕಾಗಿದೆ.
- — NaomiOsaka大坂なおみ (@naomiosaka) August 27, 2020 " class="align-text-top noRightClick twitterSection" data="
— NaomiOsaka大坂なおみ (@naomiosaka) August 27, 2020
">— NaomiOsaka大坂なおみ (@naomiosaka) August 27, 2020
ಪೊಲೀಸರಿಂದ ಕಪ್ಪುಜನರ ನರಮೇಧವನ್ನು ನೋಡುತ್ತಿದ್ದರೆ ನನ್ನ ಮನಸಿ ಘಾಸಿಯನ್ನುಂಟು ಮಾಡುತ್ತಿದೆ. ಪ್ರತಿದಿನವೂ ಇದರ ವಿರುದ್ಧ ಹೊಸ ಹ್ಯಾಶ್ ಟ್ಯಾಗ್ ಹಾಕುವುದರಿಂದ ನಾನು ದಣಿದಿದ್ದೇನೆ. ಇದರ ಬಗ್ಗೆ ಪದೇ ದಪೇ ಮಾತನಾಡುವುದರಿಂದ ನನಗೆ ಆಯಾಸವಾಗುತ್ತದೆ. ಇದು ಯಾವಾಗ ನಿಲ್ಲುತ್ತದೆ? ಎಂದು ಬರೆದುಕೊಂಡು ಅಕ್ರೋಶ ವ್ಯಕ್ತಪಡಿಸಿದ್ದಾರೆ.
ಆಗಸ್ಟ್ 26ರ ಬುಧವಾರ ನಡೆದಿದ್ದ ಕ್ವಾರ್ಟರ್ ಫೈನಲ್‌ನಲ್ಲಿ ಎಸ್ಟೋನಿಯಾ ಆಟಗಾರ್ತಿ ಆನೆಟ್ ಕಾಂಟಾವಿಟ್ ವಿರುದ್ಧ ಒಸಾಕಾ 4-6, 6-2, 7-5ರ ಗೆಲುವು ದಾಖಲಿಸಿದ್ದರು. ಸೆಮಿಫೈನಲ್ನಲ್ಲಿ ಎಲಿಸ್ ಮೆಟೆರ್ನ್ ವಿರುದ್ಧ ಆಡಬೇಕಿತ್ತು. ಎನ್ಬಿಎ ಆಟಗಾರರು ತಮ್ಮ ಅಟವನ್ನು ನಿಲ್ಲಿಸಿ ಪ್ರತಿಭಟನೆ ನಡೆಸಲು ನಿರ್ಧರಿಸಿದ್ದರು. ಆ ಪ್ರತಿಭಟನೆಗೆ ಬೆಂಬಲ ಸೂಚಿಸುವ ಸಲುವಾಗಿ ಒಸಾಕ ಈ ನಿರ್ಧಾರ ತೆಗೆದುಕೊಂಡಿದ್ದಾರೆ.
