ನವದೆಹಲಿ : ಸ್ಪೇನ್ ಟೆನಿಸ್ ಸ್ಟಾರ್ ಹಾಗೂ ವಿಶ್ವದಾಖಲೆಯ 20 ಗ್ರ್ಯಾಂಡ್ಸ್ಲಾಮ್ಗಳ ಒಡೆಯ ರಾಫೆಲ್ ನಡಾಲ್ಗೆ ಕೋವಿಡ್-19 ಪಾಸಿಟಿವ್ ದೃಢಪಟ್ಟಿದೆ. ಕಳೆದ ವಾರ ಅಬುಧಾಬಿಯಲ್ಲಿ ನಡೆದಿದ್ದ ಎಕ್ಸಿಬಿಷನ್ ಟೂರ್ನಮೆಂಟ್ನಲ್ಲಿ ಭಾಗವಹಿಸಿದ್ದ ನಡಾಲ್ ತವರಿಗೆ ಮರಳಿದ ನಂತರ ಕೋವಿಡ್ ಟೆಸ್ಟ್ಗೆ ಒಳಗಾಗಿದ್ದರು. ವರದಿಯಲ್ಲಿ ಪಾಸಿಟಿವ್ ದೃಢಪಟ್ಟಿದೆ ಎಂದು ತಮ್ಮ ಟ್ವಿಟರ್ನಲ್ಲಿ ಬರೆದುಕೊಂಡಿದ್ದಾರೆ.
"ಎಲ್ಲರಿಗೂ ನಮಸ್ಕಾರ, ನಾನು ಅಬುಧಾಬಿ ಟೂರ್ನಮೆಂಟ್ ಮುಗಿಸಿ ಮನೆಗೆ ಬಂದ ನಂತರ ನಡೆಸಿದ ಪಿಸಿಆರ್ ಪರೀಕ್ಷೆಯಲ್ಲಿ ಕೋವಿಡ್-19 ಪಾಸಿಟಿವ್ ಪಡೆದಿದ್ದೇನೆ" ಎಂದು ಟ್ವಿಟರ್ನಲ್ಲಿ ತಿಳಿಸಿದ್ದಾರೆ.
20 ಗ್ರ್ಯಾಂಡ್ ಸ್ಲಾಮ್ ವಿಜೇತ ಸ್ಪೇನ್ಗೆ ಮರಳುವ ಮುನ್ನ ಕುವೈತ್ ಮತ್ತು ಅಬುಧಾಬಿಯಲ್ಲಿ ನಡೆಸಿದ ಪರೀಕ್ಷೆಯಲ್ಲಿ ನೆಗೆಟಿವ್ ವರದಿ ಬಂದಿತ್ತು. ಆದರೆ, ಸ್ಪೇನ್ಗೆ ಮರಳಿದ ನಂತರ ಒಳಗಾದ ಪರೀಕ್ಷೆಯಲ್ಲಿ ಪಾಸಿಟಿವ್ ಬಂದಿದೆ. ಕಳೆದ ಎರಡು ದಿನಗಳಲ್ಲಿ ತನ್ನೊಂದಿಗೆ ಸಂಪರ್ಕದಲ್ಲಿದ್ದವರಿಗೆ ಪರೀಕ್ಷೆಗೆ ಒಳಗಾಗಿ ಎಂದು ನಡಾಲ್ ಮನವಿ ಮಾಡಿದ್ದಾರೆ.
ನಡಾಲ್ ಫ್ರೆಂಚ್ ಓಪನ್ ಸೆಮಿಫೈನಲ್ನಲ್ಲಿ ಸೋಲುಂಡ ಬಳಿಕ ಸ್ಪರ್ಧಾತ್ಮಕ ಪರೀಕ್ಷೆಯಲ್ಲಿ ಕಾಣಿಸಿಲ್ಲ. ಒಲಿಂಪಿಕ್ಸ್, ಯುಎಸ್ ಓಪನ್ನಿಂದಲೂ ಹೊರಗುಳಿದಿದ್ದರು. ಮುಂದಿನ ತಿಂಗಳು ನಡೆಯುವ ಆಸ್ಟ್ರೇಲಿಯಾ ಓಪನ್ನಲ್ಲೂ ಆಡುವುದು ಗ್ಯಾರೆಂಟಿಯಿಲ್ಲ ಎಂದು ಇತ್ತೀಜೆಗೆ ಹೇಳಿದ್ದರು.
ಇದನ್ನೂ ಓದಿ:ಟೆಸ್ಟ್ ಚಾಂಪಿಯನ್ಶಿಪ್ ಅಂಕಪಟ್ಟಿ: 4ನೇ ಸ್ಥಾನಕ್ಕೆ ಕುಸಿದ ಭಾರತ, ಶ್ರೀಲಂಕಾ - ಆಸ್ಟ್ರೇಲಿಯಾಗೆ ಅಗ್ರಸ್ಥಾನ
