ಪ್ಯಾರಿಸ್: ಅರ್ಜೆಂಟೈನಾದ ಡಿಯೊಗೆ ಸ್ವಾಜ್‌ಮನ್‌ ವಿರುದ್ಧ 6-3, 6-3, 7-6 (7/0) ಅಂತರದಿಂದ ಜಯ ಗಳಿಸಿ ರಾಫೆಲ್ ನಡಾಲ್ 13ನೇ ಬಾರಿ ಫ್ರೆಂಚ್ ಓಪನ್ ಫೈನಲ್ ತಲುಪಿದ್ದಾರೆ.
34 ವರ್ಷದ ನಡಾಲ್ಗೆ ಇದು 2005ರ ಚೊಚ್ಚಲ ಪಂದ್ಯದಿಂದ ಪ್ರಾರಂಭವಾಗಿ ರೋಲ್ಯಾಂಡ್ ಗ್ಯಾರೊಸ್ನ 99ನೇ ಜಯವಾಗಿದೆ ಮತ್ತು ರೋಜರ್ ಫೆಡರರ್ ಅವರ 20 ಗ್ರ್ಯಾಂಡ್ಸ್ಲಾಮ್ ಪ್ರಶಸ್ತಿಗಳ ಸಾರ್ವಕಾಲಿಕ ದಾಖಲೆಯನ್ನು ಸಮಗೊಳಿಸುವುದರಿಂದ ಕೇವಲ ಒಂದು ಜಯದ ಅಂತರವಿದೆ. ಪ್ರಮುಖ ಟೂರ್ನಿಯಲ್ಲಿ ತಮ್ಮ 28ನೇ ಫೈನಲ್ ಪ್ರವೇಶಿಸಿದ್ದಾರೆ ಮತ್ತು ಈ ವರ್ಷ ಪಂದ್ಯಾವಳಿಯಲ್ಲಿ ಒಂದು ಸೆಟ್ನಲ್ಲೂ ಸೋಲು ಕಂಡಿಲ್ಲ.
ತಮ್ಮ ವೃತ್ತಿ ಜೀವನದ ಐದನೇ ರೋಲ್ಯಾಂಡ್ ಗ್ಯಾರೊಸ್ ಫೈನಲ್ ತಲುಪಿದ ವಿಶ್ವ ನಂಬರ್ ಒನ್ ಟೆನ್ನಿಸ್ ಆಟಗಾರ ನೊವಾಕ್ ಜೋಕೊವಿಕ್ ಅವರು ತಮ್ಮ "ಶ್ರೇಷ್ಠ ಪ್ರತಿಸ್ಪರ್ಧಿ" ರಾಫೆಲ್ ನಡಾಲ್ ಅವರನ್ನು ಭೇಟಿಯಾಗಲು ಎದುರು ನೋಡುತ್ತಿದ್ದೇನೆ ಎಂದು ಹೇಳಿದ್ದಾರೆ.
ವಿಶ್ವ ಶ್ರೇಷ್ಠ ಆಟಗಾರರಾದ ರಾಫೆಲ್ ನಡಾಲ್ ಮತ್ತು ನೊವಾಕ್ ಜೋಕೊವಿಕ್ ಫ್ರೆಂಚ್ ಓಪನ್ನಲ್ಲಿ ಫೈನಲ್ ಪ್ರವೇಶಿದ್ದು, ಭಾನುವಾರ ನಡೆಯಲಿರುವ ಫೈನಲ್ ಪಂದ್ಯ ರೋಚಕತೆಯಿಂದ ಕೂಡಿರಲಿದೆ.
