ನವದೆಹಲಿ: ವಿಶ್ವದ ಮಾಜಿ ನಂಬರ್ ಒನ್ ಟೆನ್ನಿಸ್ ಆಟಗಾರ್ತಿ ರಷ್ಯಾದ ಮರಿಯಾ ಶರಪೋವಾ ಬುಧವಾರ ತಮ್ಮ ಟೆನ್ನಿಸ್ ವೃತ್ತಿ ಬದುಕಿಗೆ ವಿದಾಯ ಘೋಷಿಸಿದ್ದಾರೆ.
5 ಬಾರಿಯ ಗ್ರ್ಯಾಂಡ್ಸ್ಸ್ಲಾಮ್ ವಿನ್ನರ್ ಶರಪೋವಾ ಭುಜದ ಗಾಯಕ್ಕೆ ತುತ್ತಾಗಿ 373 ನೇ ಸ್ಥಾನಕ್ಕೆ ಕುಸಿದಿದ್ದರು. ಗಾಯದಿಂದ ಚೇತರಿಸಿಕೊಂಡು ಮತ್ತೆ ಆಸ್ಟ್ರೇಲಿಯನ್ ಓಪನ್ನಲ್ಲಿ ಅದೃಷ್ಠ ಪರೀಕ್ಷೆಗೆ ಇಳಿದಿದ್ದರೂ ಮೊದಲ ಸುತ್ತಿನಲ್ಲೇ ಹೊರಬಿದ್ದಿದ್ದರು.
ಅಂತಾರಾಷ್ಟ್ರೀಯ ಮ್ಯಾಗ್ಜೀನ್ಗೆ ನೀಡಿದ ಸಂದರ್ಶನದಲ್ಲಿ" ನಾನು ಟೆನಿಸ್ಗೆ ಗುಡ್ಬೈ ಹೇಳುತ್ತಿದ್ದೇನೆ" ಎಂದಿರುವ ಶರಫೋವಾ "ನಾನು ಟೆನ್ನಿಸ್ಗೆ ನನ್ನ ಜೀವನವನ್ನೇಅರ್ಪಿಸಿದ್ದೆ, ಟೆನ್ನಿಸ್ ನನಗೆ ಜೀವನ ನೀಡಿತ್ತು, ಎಂದು ಭಾವುಕರಾಗಿ ನುಡಿದಿದ್ದಾರೆ.
ನಾನು ನಿತ್ಯ ಇದನ್ನು (ಟೆನ್ನಿಸ್) ಮಿಸ್ ಮಾಡಿಕೊಳ್ಳಲಿದ್ದೇನೆ, ನನ್ನ ತರಬೇತಿ, ನನ್ನ ದೈನಂದಿನ ಚಟುವಟಿಕೆ, ಬೆಳಗ್ಗೆ ಹೇಳುವುದು, ಮೊದಲು ಬಲ ‘ಶೂ’ ದ ಲೇಸ್ ಕಟ್ಟುವುದರ ಬದಲು ಎಡ ಕಾಲಿನ ಶೂ ಲೇಸ್ ಕಟ್ಟುತ್ತಿದ್ದದ್ದು, ಮೊದಲ ಚೆಂಡನ್ನು ಎದುರಿಸುವ ಮೊದಲು ಟೆನಿಸ್ ಕೋರ್ಟ್ನ ಗೇಟ್ ಮುಚ್ಚುತ್ತಿದ್ದದ್ದು, ಈಗೇ ನನಗೆ ಪ್ರಿಯವಾಗಿದ್ದ ಹಲವಾರು ಘಟನೆಗಳು ಇನ್ನು ಮುಂದೆ ನನ್ನ ಪಾಲಿಗೆ ಇರುವುದಿಲ್ಲ ಎಂದು ಕಣ್ಣೀರಿಟ್ಟಿದ್ದಾರೆ.
ಕೇವಲ 14 ವರ್ಷಕ್ಕೆ ಸ್ಪರ್ಧಾತ್ಮಕ ಟೆನ್ನಿಸ್ಗೆ ಪದಾರ್ಪಣೆ ಮಾಡಿದ್ದ ಮರಿಯಾ ಶರಪೋವಾ 2001ರಲ್ಲಿ ಅವರ ಜನ್ಮದಿನದಂದೇ ಮೊದಲ ಅಂತಾರಾಷ್ಟ್ರೀಯ ಪಂದ್ಯವನ್ನಾಡಿದ್ದರು. ತಮ್ಮ 16ನೇ ವಯಸ್ಸಿಗೆ 2003ರಲ್ಲಿ ಮೊದಲ ಅಂತಾರಾಷ್ಟ್ರೀಯ ಟೂರ್ನಮೆಂಟ್ ಗೆದ್ದು ಸಾಧನೆ ಮಾಡಿದ್ದರು.
ಗ್ಯಾಂಡ್ಸ್ಲಾನ್ನಲ್ಲಿ ಸಾಧನೆ:
ತಮ್ಮ 17ನೇ ವಯಸ್ಸಿನಲ್ಲಿ ವಿಂಬಲ್ಡನ್(2004) ಚಾಂಪಿಯನ್ ಆಗುವ ಗ್ರ್ಯಾಂಡ್ಸ್ಲಾಮ್ ಗೆದ್ದ 3ನೇ ಕಿರಿಯ ಆಟಗಾರ್ತಿ ಎಂಬ ಕೀರ್ತಿಗೆ ಪಾತ್ರರಾಗಿದ್ದರು. 2005ರಲ್ಲಿ ರ್ಯಾಂಕಿಂಗ್ನಲ್ಲಿ ಮೊದಲ ಸ್ಥಾನಕ್ಕೇರಿದ್ದರು. 2006ರಲ್ಲಿ ಅಮೆರಿಕನ್ ಓಪನ್, 2008ರಲ್ಲಿ ಆಸ್ಟ್ರೇಲಿಯಾ ಓಪನ್, 2012ರಲ್ಲಿ ಫ್ರೆಂಚ್ ಓಪನ್, 2014ರಲ್ಲಿ ಆದ ಫ್ರೆಂಚ್ ಓಪನ್ ಗೆದ್ದಿದ್ದರು.
