ದೋಹಾ: ಭಾರತದ ಮಿಶ್ರ ರಿಲೇ ತಂಡ ದೋಹಾದಲ್ಲಿ ನಡೆಯುತ್ತಿರುವ ವಿಶ್ವ ಅಥ್ಲೆಟಿಕ್ಸ್ ಚಾಂಪಿಯನ್ಶಿಪ್ನ 4X400 ಮೀಟರ್ ರಿಲೇ ಓಟದಲ್ಲಿ ಫೈನಲ್ ಪ್ರವೇಶಿಸುವ ಮೂಲಕ 2020ರ ಟೋಕಿಯೋ ಒಲಿಂಪಿಕ್ಸ್ಗೆ ಅರ್ಹತೆ ಪಡೆಯುವ ಮೂಲಕ ಇತಿಹಾಸ ನಿರ್ಮಿಸಿದೆ.
ಭಾರತ ತಂಡದಲ್ಲಿ ಮೊಹಮ್ಮದ್ ಅನಾಸ್, ವಿ.ಕೆ. ವಿಸ್ಮಯ, ಜಿಸ್ನಾ ಮ್ಯಾಥ್ಯೂ, ನಿರ್ಮಲ್ ತೋಮ್ರಿದ್ದ ರಿಲೇ ತಂಡ 4X400ಮೀಟರ್ ಓಟವನ್ನು 3 ನಿಮಿಷ 16.14 ಸೆಕಂಡ್ಸ್ನಲ್ಲಿ ಗುರಿ ಮುಟ್ಟುವ ಮೂಲಕ ತೃತೀಯ ಸ್ಥಾನ ಗಳಿಸಿ ಫೈನಲ್ ಪ್ರವೇಶಿಸಿತು. ಪೊಲೆಂಡ್ ಹಾಗೂ ಬೆಲ್ಜಿಯಂ ಮೊದಲೆರಡು ಸ್ಥಾನ ಗಳಿಸಿದವು.
ಈ ವಿಭಾಗದಲ್ಲಿ ಫೈನಲ್ ಪ್ರವೇಶಿಸುವ ಮೊದಲ ಎಂಟು ತಂಡಗಳು ಟೋಕಿಯೋ ಒಲಂಪಿಕ್ಸ್ಗೆ ಅರ್ಹತೆ ಹೊಂದಲಿದ್ದು, ಭಾರತ ತಂಡವೂ ಕೂಡ ಮೂರನೇ ತಂಡವಾಗಿ ಒಲಂಪಿಕ್ಸ್ ಕ್ರೀಡಾಕೂಟಕ್ಕೆ ಅರ್ಹತೆ ಗಿಟ್ಟಿಸಿಕೊಂಡಿತು.
400 ಮೀಟರ್ ಹರ್ಡಲ್ಸ್ನಲ್ಲಿ ಭಾರತದ ಎಂ.ಪಿ. ಜಬೀರ್ ಸೆಮಿಫೈನಲ್ ಪ್ರವೇಶಿಸಿದ್ದಾರೆ. ಜಬೀರ್ 49.62 ಸೆಕೆಂಡ್ಗಳಲ್ಲಿ ಗುರಿ ತಲುಪಿದ್ದರು.
ಇನ್ನು, ಭಾರತದ ಸ್ಟಾರ್ ಓಟಗಾರ್ತಿ ದ್ಯುತಿ ಚಾಂದ್ 7ನೇಯವರಾಗಿ ಗುರಿ ತಲುಪುವ ಮೂಲಕ ಸೆಮಿಫೈನಲ್ ಪ್ರವೇಶಿಸುವಲ್ಲಿ ವಿಫಲರಾದರು. ದ್ಯುತಿ 47 ಸ್ಪರ್ಧಿಗಳ ಪೈಕಿ 37ನೇ ಸ್ಥಾನಕ್ಕೆ ತೃಪ್ತಿಪಟ್ಟುಕೊಂಡರು.
