ಕಟಕ್ : ಯುವ ಬ್ಯಾಡ್ಮಿಂಟನ್ ಆಟಗಾರ ಉನ್ನತಿ ಹೂಡ ಭಾನುವಾರ ನಡೆದ ಫೈನಲ್ನಲ್ಲಿ ಭಾರತದವರೇ ಆದ ಸ್ಮಿತ್ ತೋಷ್ನಿವಾಲ್ ಅವರನ್ನು ಮಣಿಸುವ ಮೂಲಕ ಒಡಿಶಾ ಓಪನ್ ಚಾಂಪಿಯನ್ ಆಗಿದ್ದಾರೆ. ಈ ಮೂಲಕ ಸೂಪರ್ 100 ಟೂರ್ನಮೆಂಟ್ ಗೆದ್ದ ಭಾರತದ ಅತ್ಯಂತ ಕಿರಿಯ ಶಟ್ಲರ್ ಎನಿಸಿಕೊಂಡಿದ್ದಾರೆ.
75,000 ಬಹುಮಾನದ ಹೊಂದಿದ್ದ ಒಡಿಶಾ ಓಪನ್ನ ಮೊದಲ ಆವೃತ್ತಿಯ ಮಹಿಳೆಯರ ಸಿಂಗಲ್ಸ್ ವಿಭಾಗದಲ್ಲಿ ಟೀನೇಜ್ ಆಟಗಾರ್ತಿ 21-18, 21-18ರಲ್ಲಿ ತೋಷ್ನಿವಾಲ್ರನ್ನು ಮಣಿಸಿದರು.
ಟೂರ್ನಿಯ 5 ವಿಭಾಗದಲ್ಲೂ ಪ್ರಾಬಲ್ಯ ಸಾಧಿಸಿ ಭಾರತೀಯರು ಒಟ್ಟು 3 ಫೈನಲ್ ಗೆದ್ದು ಚಾಂಪಿಯನ್ ಪಟ್ಟಕ್ಕೇರಿದರು. ಪುರುಷರ ಸಿಂಗಲ್ಸ್ನಲ್ಲಿ 21 ವರ್ಷದ ಶ್ರೇಯಾಂಕ ರಹಿತ ಕಿರಣ್ ಜಾರ್ಜ್ ಪ್ರಿಯಾನ್ಶು ರಾಜಾವತ್ ವಿರುದ್ದ 21-15, 14-21, 21-18ರಲ್ಲಿ ಗೆದ್ದು ಚಾಂಪಿಯನ್ ಆದರು.
ನಿಮ್ಮ ಸೂಕ್ತ ಸಂಗಾತಿ ಹುಡುಕುತ್ತಿರುವಿರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ ನೋಂದಣಿ ಉಚಿತ
ಭಾರತದ ಶ್ರೇಷ್ಠ ಶಟ್ಲರ್ಗಳಲ್ಲಿ ಒಬ್ಬರಾದ ಮತ್ತು ಭಾರತದ ಮುಖ್ಯ ಕೋಚ್ ಪುಲ್ಲೇಲ ಗೋಪಿಚಂದ್ ಅವರ ಮಗಳಾದ ಗಾಯತ್ರಿ ಗೋಪಿಚಂದ್ ಅವರು ತ್ರಿಶಾ ಜಾಲಿ ಅವರ ಜೊತೆಗೂಡಿ ಸನಿಯೋಗಿತಾ ಘೋರ್ಪಡೆ ಮತ್ತು ಶೃತಿ ಮಿಶ್ರಾ ಅವರನ್ನು 21-12, 21-10ರಲ್ಲಿ ಮಣಿಸಿ ಮಹಿಳೆಯರ ಡಬಲ್ಸ್ ಗೆದ್ದರು.
ಆದರೆ, ಮಿಕ್ಸಡ್ ಡಬಲ್ಸ್ನಲ್ಲಿ ಎಂಆರ್ ಅರ್ಜುನ್ ಮತ್ತು ಜಾಲಿ 16-21, 20-22ರಲ್ಲಿ ಶ್ರೀಲಂಕಾದ ಸಚಿನ್ ಡಿಯಾಸ್ ಮತ್ತು ತಿಲಿನಿ ವಿರುದ್ಧ ಸೋಲು ಕಂಡರು. ಪುರುಷರ ಡಬಲ್ಸ್ನಲ್ಲಿ ಮಲೇಷ್ಯಾದ ನೂರ್ ಮೊಹಮ್ಮದ್ ಅಜ್ರಿಯಾನ್ ಆಯುಬ್ ಮತ್ತು ಲಿಮ್ ಖಿಮ್ 18-21, 21-14, 21-16ರಲ್ಲಿ ಭಾರತದ ರವಿಕೃಷ್ಣ ಪಿಎಲ್ ಮತ್ತು ಶಂಕರ್ ಪ್ರಸಾದ್ ವಿರುದ್ಧ ಗೆಲುವು ಸಾಧಿಸಿದರು.
ಇದನ್ನೂ ಓದಿ:ಫೆಡರರ್, ಜೊಕೊವಿಕ್ ದಾಖಲೆ ಮುರಿದ ರಾಫೆಲ್: 21ನೇ ಗ್ರ್ಯಾಂಡ್ ಸ್ಲ್ಯಾಮ್ಗೆ ಮುತ್ತಿಕ್ಕಿದ ನಡಾಲ್
