ಲಿಸ್ಬನ್: ಯುಎಇ ವಿರುದ್ಧದ ಅಭ್ಯಾಸ ಪಂದ್ಯದಲ್ಲಿ ಅರ್ಜೆಂಟೀನಾ ತಂಡದ ಸ್ಟಾರ್ ಆಟಗಾರ ಲಿಯೋನೆಲ್ ಮೆಸ್ಸಿ ಭರ್ಜರಿ ಪ್ರದರ್ಶನ ನೀಡಿ ತಾವು ವಿಶ್ವಕಪ್ಗೆ ರೆಡಿ ಎಂದು ಸಾಬೀತು ಮಾಡಿದ್ದಾರೆ. ಇತ್ತ ಪೋರ್ಚುಗಲ್ ಸ್ಟಾರ್ ಪ್ಲೇಯರ್ ಕ್ರಿಸ್ಟಿಯನ್ ರೊನಾಲ್ಡೊ ನೈಜೀರಿಯಾ ಎದುರಿನ ಅಭ್ಯಾಸ ಪಂದ್ಯದಿಂದ ತಪ್ಪಿಸಿಕೊಂಡಿದ್ದಾರೆ.
ಹೊಟ್ಟೆನೋವಿನಿಂದ ಬಳಲುತ್ತಿರುವ ರೊನಾಲ್ಡೊ ತಂಡದ ತರಬೇತಿ ಅವಧಿಯಲ್ಲೂ ಗೈರಾಗಿದ್ದರು. ಇಂದು ನಡೆಯುವ ನೈಜೀರಿಯಾ ವಿರುದ್ಧದ ಅಭ್ಯಾಸ ಪಂದ್ಯದಿಂದಲೂ ವಿಶ್ವದ ಸ್ಟಾರ್ ಆಟಗಾರ ಹೊರಗುಳಿಯಲಿದ್ದಾರೆ ಎಂದು ತಂಡ ತಿಳಿಸಿದೆ.
ವಿಶ್ವಕಪ್ ನಡೆಯುವ ಕತಾರ್‌ಗೆ ತೆರಳುವ ಮೊದಲು ಪೋರ್ಚುಗಲ್ ತಂಡ ಗುರುವಾರ ಲಿಸ್ಬನ್‌ನಲ್ಲಿ ನೈಜೀರಿಯಾ ವಿರುದ್ಧ ಅಭ್ಯಾಸ ಪಂದ್ಯ ಆಡಲಿದೆ. ಹೊಟ್ಟೆನೋವಿನಿಂದ ಬಳಲುತ್ತಿರುವ ರೊನಾಲ್ಡೊ ಪಂದ್ಯದಲ್ಲಿ ಕಣಕ್ಕಿಳಿಯುವುದಿಲ್ಲ ಎಂದು ಕೋಚ್ ಫರ್ನಾಂಡೊ ಸ್ಯಾಂಟೋಸ್ ತಿಳಿಸಿದರು.
ಇನ್ನು ಕತಾರ್ನಲ್ಲಿ ವಿಶ್ವದ ಅತಿ ಶ್ರೀಮಂತ ಗೇಮ್ ಆದ ಫುಟ್ಬಾಲ್ ವಿಶ್ವಕಪ್ ನವೆಂಬರ್ 20 ರಿಂದ ಆರಂಭವಾಗಲಿದೆ. ನವೆಂಬರ್ 24 ರಂದು ಪೋರ್ಚುಗಲ್ ತಂಡ ಘಾನಾ ವಿರುದ್ಧ ಅಭಿಯಾನ ಆರಂಭಿಸಲಿದೆ.
ಓದಿ: ಟಿ20ಗೆ ಬ್ಯಾಟ್ ಬಾಲ್ ಮಾಡುವ ಸ್ಪೆಷಲಿಸ್ಟ್ಗಳು ತಂಡಕ್ಕೆ ಅಗತ್ಯ: ವಿವಿಎಸ್ ಲಕ್ಷ್ಮಣ್
