ನವದೆಹಲಿ: ಹಾಲಿ ಏಷ್ಯನ್ ಗೇಮ್ಸ್ ಚಿನ್ನದ ವಿಜೇತೆ ರಾಹಿ ಸರ್ನೋಬತ್ ಸೋಮವಾರ ಡಾ. ಕರ್ಣಿ ಸಿಂಗ್ ಶೂಟಿಂಗ್ ಶ್ರೇಣಿಯಲ್ಲಿ ನಡೆದ ನ್ಯಾಷನಲ್ ಸೆಲೆಕ್ಷನ್ ಟ್ರಯಲ್ಸ್ನ 25 ಮೀಟರ್ ಪಿಸ್ತೂಲ್ ಸ್ಪರ್ಧೆಯಲ್ಲಿ ಚಿನ್ನದ ಪದಕ ತಮ್ಮದಾಗಿಸಿಕೊಂಡಿದ್ದಾರೆ.
ಸರ್ನೋಬತ್ ಚಿನ್ನದ ಪದಕದ ಸುತ್ತಿನಲ್ಲಿ 26 ಅಂಕ ಪಡೆದರೆ, 22 ಅಂಕ ಪಡೆದ ಹರಿಯಾಣದ ವಿಭೂತಿ ಭಾಟಿಯಾ ಬೆಳ್ಳಿ ಮತ್ತು ಪಂಜಾಬ್ನ ರೂಬಿ ತೋಮರ್ ಕಂಚಿನ ಪದಕ ಪಡೆದರು.
ಜೂನಿಯರ್ ವುಮೆನ್ಸ್ ಫೈನಲ್ನಲ್ಲಿ ಸ್ಥಳೀಯ ಶೂಟರ್ ನಾಮ್ಯ ಕಪೂರ್ ಒಲಿಂಪಿಯನ್ ಮನು ಬಾಕರ್ ಅವರನ್ನು ಹಿಂದಿಕ್ಕಿ ಚಿನ್ನಕ್ಕೆ ಗುರಿಯಿಟ್ಟರು. ಕಪೂರ್ 23 ಅಂಕ ಪಡೆದರೆ, ಮನು 20 ಅಂಕ ಪಡೆದು ಬೆಳ್ಳಿ ಪದಕಕ್ಕೆ ತೃಪ್ತಿಪಟ್ಟರು. ಕಂಚಿನ ಪದಕ ಪಂಜಾಬ್ನ ಸಿಮ್ರಾನ್ಪ್ರೀತ್ ಕೌರ್ ಬ್ರಾರ್ ಪಾಲಾಯಿತು.
ಇದನ್ನೂ ಓದಿ:ಖೇಲೋ ಇಂಡಿಯಾ ಕ್ರೀಡಾಕೂಟ: ಫ್ರೀಸ್ಟೈಲ್‌ ಈಜು ಸ್ಪರ್ಧೆಯಲ್ಲಿ ಶ್ರೀಹರಿ ನಟರಾಜನ್‌ಗೆ ಚಿನ್ನ
