Junior Hockey world Cup: ಸೆಮೀಸ್​​ನಲ್ಲಿ ಜರ್ಮನಿ ವಿರುದ್ಧ ಸೋತು ಹೊರಬಿದ್ದ ಭಾರತ, ಕಂಚಿಗಾಗಿ ಹೋರಾಟ

ಜೂನಿಯರ್​ ಹಾಕಿ ವಿಶ್ವಕಪ್​ ಸೆಮಿಫೈನಲ್​​ನಲ್ಲಿ ಜರ್ಮನಿ ವಿರುದ್ಧ ಸೋಲು ಕಂಡಿರುವ ಭಾರತದ ಕಿರಿಯರ ತಂಡ ನಿರಾಸೆಗೊಳಗಾಗಿದೆ. ಕಳಿಂಗ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ 2-4 ಗೋಲುಗಳ ಅಂತರದಿಂದ ಸೋಲು ಕಂಡಿದೆ.

ಭುವನೇಶ್ವರ(ಒಡಿಶಾ): ಆರು ಬಾರಿಯ ಚಾಂಪಿಯನ್​ ಜರ್ಮನಿ ವಿರುದ್ಧ ಸೆಮಿಫೈನಲ್​​ನಲ್ಲಿ 2-4 ಅಂತರದಿಂದ ಸೋಲು ಕಾಣುವ ಮೂಲಕ ಭಾರತ ಕಿರಿಯರ ಹಾಕಿ ತಂಡ ವಿಶ್ವಕಪ್​​ ಟೂರ್ನಿಯಿಂದ ಹೊರಬಿದ್ದಿದೆ. ಈ ಮೂಲಕ ಹಾಲಿ ಚಾಂಪಿಯನ್ ಭಾರತ ನಿರಾಸೆಗೊಳಗಾಗಿದೆ. ಇದೀಗ ಫ್ರಾನ್ಸ್​​ ವಿರುದ್ಧ ಕಂಚಿಗಾಗಿ ಹೋರಾಟ ನಡೆಸಲಿದೆ.

ಭುವನೇಶ್ವರದ ಕಾಳಿಂಗ ಮೈದಾನದಲ್ಲಿ ನಡೆದ ಸೆಮಿಫೈನಲ್​​ ಪಂದ್ಯದಲ್ಲಿ ಹಾಲಿ ಚಾಂಪಿಯನ್​​​ ಭಾರತ ತಂಡ ಜರ್ಮನಿ ವಿರುದ್ಧ ಸೋಲು ಕಂಡು, ಪ್ರಶಸ್ತಿ ಸುತ್ತಿನಿಂದ ಹೊರ ಬಂದಿದೆ. ಆರಂಭದಿಂದಲೂ ಭಾರತದ ಮೇಲೆ ಸವಾರಿ ಮಾಡಿದ ಬಲಿಷ್ಠ ಜರ್ಮನಿ 8ನೇ ಬಾರಿ ಫೈನಲ್​ಗೆ ಪ್ರವೇಶ ಪಡೆದುಕೊಂಡಿದೆ.

• Not the result we wanted but we gave it our all 💪
  
  Here's how our Semi-Final match against Germany went 📸#IndiaKaGame #JWC2021 #RisingStars pic.twitter.com/U2DLNuGHve

  — Hockey India (@TheHockeyIndia) December 3, 2021 " class="align-text-top noRightClick twitterSection" data="

  Not the result we wanted but we gave it our all 💪
  
  Here's how our Semi-Final match against Germany went 📸#IndiaKaGame #JWC2021 #RisingStars pic.twitter.com/U2DLNuGHve

  — Hockey India (@TheHockeyIndia) December 3, 2021

  ">

  Not the result we wanted but we gave it our all 💪
  
  Here's how our Semi-Final match against Germany went 📸#IndiaKaGame #JWC2021 #RisingStars pic.twitter.com/U2DLNuGHve

  — Hockey India (@TheHockeyIndia) December 3, 2021

ಮೊದಲಾರ್ಧದಲ್ಲಿ 2 ಪಾಯಿಂಟ್​ ಪಡೆದುಕೊಂಡು ಮುನ್ನಡೆ ಕಾಯ್ದುಕೊಂಡಿದ್ದ ಜರ್ಮನಿ ತಂಡ ಕೊನೆಯಾರ್ಧದಲ್ಲಿ ಮತ್ತೆರೆಡು ಗೋಲು ಗಳಿಕೆ ಮಾಡಿತ್ತು. ಆದರೆ ಭಾರತ ಎರಡು ಗೋಲು ಗಳಿಕೆ ಮಾಡಲು ಮಾತ್ರ ಶಕ್ತವಾಯಿತು.

ಲೀಗ್​​ ಹಂತದಲ್ಲಿ ತಾನು ಆಡಿದ ಮೊದಲ ಪಂದ್ಯದಲ್ಲಿ ಫ್ರಾನ್ಸ್​ ವಿರುದ್ಧ ಸೋಲು ಕಂಡಿದ್ದ ವಿವೇಕ್​ ಸಾಗರ್ ನೇತೃತ್ವದ ಭಾರತ ತದನಂತರ ಕೆನಡಾ, ಪೋಲೆಂಡ್​​ ವಿರುದ್ಧ ಜಯ ಸಾಧಿಸಿ, ಅಂತಿಮ 8ರ ಘಟ್ಟಕ್ಕೆ ಪ್ರವೇಶ ಪಡೆದುಕೊಂಡಿತ್ತು. ಬಳಿಕ ಕ್ವಾರ್ಟರ್​​​ ಫೈನಲ್​​ನಲ್ಲಿ ಬೆಲ್ಜಿಯಂ ವಿರುದ್ಧ ಜಯ ಸಾಧಿಸಿ, ಸೆಮೀಸ್​ಗೆ ಲಗ್ಗೆ ಹಾಕಿತ್ತು. ಆದರೆ ಈ ಪಂದ್ಯದಲ್ಲಿ ಸೋತು ನಿರಾಸೆಗೊಳಗಾಗಿದೆ.

ಫೈನಲ್​​ನಲ್ಲಿ ಜರ್ಮನಿ-ಅರ್ಜೆಂಟೀನಾ ಫೈಟ್​​

ಮತ್ತೊಂದು ಸೆಮಿಫೈನಲ್​ ಪಂದ್ಯದಲ್ಲಿ ಫ್ರಾನ್ಸ್​​ ವಿರುದ್ಧ ಪೆನಾಲ್ಟಿ ಕಾರ್ನರ್​​​ನಲ್ಲಿ 3-1 ಅಂತರದಿಂದ ಗೆಲುವು ಸಾಧಿಸಿರುವ ಅರ್ಜೆಂಟೀನಾ ತಂಡ ಫೈನಲ್​ಗೆ ಪ್ರವೇಶಿಸಿದೆ. ಪ್ರಶಸ್ತಿಗಾಗಿ ಜರ್ಮನಿ-ಅರ್ಜೆಂಟೀನಾ ಸೆಣಸಾಟ ನಡೆಸಲಿವೆ.