ಅಲ್ ಖೋರ್ (ಕತಾರ್): ಫಿಫಾ ವಿಶ್ವಕಪ್ ಟೂರ್ನಿಯ ಅಂತಿಮ ಸುತ್ತು ಪ್ರವೇಶಿಸಲು ಫ್ರಾನ್ಸ್ ತಂಡ ಇನ್ನೊಂದು ಅಡಿ ಇಡಬೇಕಿದೆ. ನಿನ್ನೆ ಆಂಗ್ಲರೆದುರಿನ ಪಂದ್ಯದಲ್ಲಿ 2-1 ಗೋಲುಗಳಿಂದ ಗೆದ್ದ ಹಾಲಿ ಚಾಂಪಿಯನ್ನರು ಸೆಮಿಫೈನಲ್ ತಲುಪಿದರು. ಇಲ್ಲಿನ ಅಲ್ ಬೇಟ್ ಸ್ಟೇಡಿಯಂನಲ್ಲಿ ನಡೆದ ರೋಮಾಂಚಕ ಕಾದಾಟದ 78ನೇ ನಿಮಿಷದಲ್ಲಿ ಒಲಿವಿಯರ್ ಗಿರೌಡ್ ಗಳಿಸಿದ ಗೋಲು ಫ್ರಾನ್ಸ್ ತಂಡವನ್ನು ವಿಶ್ವಕಪ್ ಸನಿಹಕ್ಕೆ ಕೊಂಡೊಯ್ದರೆ, 1966ರ ನಂತರ ಕಪ್ ಗೆಲ್ಲುವ ಕನಸು ಕಾಣುತ್ತಿದ್ದ ಇಂಗ್ಲೆಂಡ್ಗೆ ನಿರಾಶೆಯಾಯಿತು.
ಪಂದ್ಯಾರಂಭದ 17 ನಿಮಿಷಗಳ ನಂತರ ಆಂಟೊಯಿನ್ ಗ್ರೀಜ್‌ಮನ್ ಅವರು ಫ್ರಾನ್ಸ್ ಪರ ಮೊದಲ ಗೋಲು ದಾಖಲಿಸಿದರು. 54 ನಿಮಿಷದವರೆಗೆ ಗೋಲ್ ಗಳಿಸಲು ಬಬಿಟೀಷ್ ಪಡೆ ಸಾಕಷ್ಟು ಸೆಣಸಿತು. 54ನೇ ನಿಮಿಷದಲ್ಲಿ ಹ್ಯಾರಿ ಕೇನ್ ಚೆಂಡನ್ನು ಗೋಲ್ ಕೀಪರ್ ಲೊರಿಸ್ ಅವರನ್ನು ವಂಚಿಸಿ ಗೋಲ್ ಪೋಸ್ಟ್‌ ಸೇರುವಂತೆ ಮಾಡಿದರು. ಇದರಿಂದ ಇತ್ತಂಡಗಳು ಸಮಬಲ ಸಾಧಿಸಿದವು. ಇದು ಇಂಗ್ಲೆಂಡ್‌ಗೆಪೆನಾಲ್ಟಿ ಕಿಕ್ನಲ್ಲಿ ದೊರೆತ ಗೋಲ್ ಆಗಿದೆ.
78 ನೇ ನಿಮಿಷದಲ್ಲಿ ಒಲಿವಿಯರ್ ಗಿರೌಡ್ ಗೋಲು ಗಳಿಸಿ ಫ್ರಾನ್ಸ್ಗೆ ಮುನ್ನಡೆ ತಂದರು. 82ನೇ ನಿಮಿಷದಲ್ಲಿ ಇಂಗ್ಲೆಂಡ್ಗೆ ಪೆನಾಲ್ಟಿ ಅವಕಾಶ ಮತ್ತೊಮ್ಮೆ ಒಲಿದುಬಂತು. ಈ ಪೆನಾಲ್ಟಿಯಲ್ಲಿ ತಂಡಕ್ಕೆ ಗೋಲ್ ಪಡೆಯಲು ಸಾಧ್ಯವಾಗಲಿಲ್ಲ.
ಫ್ರಾನ್ಸ್ ಈ ಗೆಲುವಿನೊಂದಿಗೆ ಪೋರ್ಚುಗಲ್ ಮಣಿಸಿ ಸೆಮೀಸ್ಗೆ ಬಂದಿರುವ ಮೊರಕ್ಕೊವನ್ನು ಎದುರಿಸ ಬೇಕಿದೆ. ಫ್ರಾನ್ಸ್ ತಂಡಕ್ಕಿದು 7ನೇ ವಿಶ್ವಕಪ್ ಸೆಮಿಫೈನಲ್ ಆಗಿದೆ. 1962ರಲ್ಲಿ ಬ್ರೆಜಿಲ್ ನಂತರ ಸತತ ಆವೃತ್ತಿಗಳಲ್ಲಿ ಫೈನಲ್ ಹಂತ ತಲುಪಿದ ತಂಡ ಎಂಬ ಖ್ಯಾತಿಗೂ ಗುರಿಯಾಯಿತು. ಇದೇ ವೇಳೆ, ವಿಶ್ವಕಪ್‌ನ ಕ್ವಾರ್ಟರ್-ಫೈನಲ್ ಹಂತದಿಂದ ಇಂಗ್ಲೆಂಡ್ ಏಳನೇ ಬಾರಿ ಹೊರಗುಳಿಯಿತು.
ಇದನ್ನೂ ಓದಿ: ಪೋರ್ಚುಗಲ್ ಮಣಿಸಿ ಸೆಮೀಸ್ ತಲುಪಿದ ಮೊರಾಕ್ಕೊ; ವಿಶ್ವಕಪ್ ಗೆಲ್ಲದೇ ರೊನಾಲ್ಡೊ ನಿವೃತ್ತಿ?
