ಸಿಲ್ವರ್ಸ್ಟೋನ್ (ಇಂಗ್ಲೆಂಡ್): ಬ್ರಿಟಿಷ್ ಗ್ರ್ಯಾಂಡ್ ಪ್ರಿಕ್ಸ್ ರೇಸ್ನಲ್ಲಿ ಉಂಟಾದ ಅಪಘಾತದ ಬಳಿಕ ರೇಸರ್ ಲೆವಿಸ್ ಹ್ಯಾಮಿಲ್ಟನ್ ಕುರಿತು ಸಾಮಾಜಿಕ ಜಾಲತಾಣದಲ್ಲಿ ಕೇಳಿಬಂದ ಜನಾಂಗೀಯ ಟೀಕೆಗಳ ವಿರುದ್ಧ ಫಾರ್ಮುಲಾ-1 ಸಮುದಾಯ ಧ್ವನಿ ಎತ್ತಿದೆ. ಮರ್ಸಿಡಿಸ್-ಎಎಂಜಿ ಪೆಟ್ರೋನಾಸ್ ಹಾಗೂ ಫಾರ್ಮುಲಾ-1 ತಂಡ ಜಂಟಿ ಮಾಧ್ಯಮಗೋಷ್ಟಿ ನಡೆಸಿದ್ದು, ಜನಾಂಗೀಯ ಅವಹೇಳನವು ಸ್ವೀಕಾರಾರ್ಹವಲ್ಲ ಎಂದಿದ್ದಾರೆ.
ರೇಸರ್ ಲೆವಿಸ್ ಹ್ಯಾಮಿಲ್ಟನ್ ಬ್ರಿಟಿಷ್ ಗ್ರ್ಯಾಂಡ್ ಪ್ರಿಕ್ಸ್ ರೇಸ್ ಜಯಿಸಿದ ನಂತರ ಸಾಮಾಜಿಕ ಜಾಲತಾಣದಲ್ಲಿ ಜನಾಂಗೀಯ ನಿಂದನೆಗೆ ಒಳಗಾಗಿದ್ದರು. ಆದರೆ ಇದನ್ನು ಫಾರ್ಮುಲಾ -1, ಎಫ್‌ಐಎ ಮತ್ತು ಮರ್ಸಿಡಿಸ್-ಎಎಂಜಿ ಪೆಟ್ರೋನಾಸ್ ಎಫ್-1 ತಂಡಗಳು ಬಲವಾಗಿ ಖಂಡಿಸುತ್ತದೆ ಎಂದು ಹೇಳಿಕೆ ಬಿಡುಗಡೆ ಮಾಡಲಾಗಿದೆ.
ಲೆವಿಸ್ ಹ್ಯಾಮಿಲ್ಟನ್ ಜೊತೆ ಇತರೆ ಸ್ಪರ್ಧಿಗಳು ಸಹ ರೇಸ್ನಲ್ಲಿ ಭಾಗಿಯಾಗಿದ್ದರು, ಅವರೆಲ್ಲರೂ ಹ್ಯಾಮಿಲ್ಟನ್‌ರನ್ನು ಬೆಂಬಲಿಸಿದ್ದಾರೆ. ಈ ಕುರಿತು ಅಪಘಾತಕ್ಕೊಳಗಾದ ಮ್ಯಾಕ್ಸ್ ವರ್ಸ್ಟಪ್ಪೆನ್ ನಿಯೋಜಿತ ಸಂಸ್ಥೆ ರೆಡ್ ಬುಲ್ ಸಹ ಪ್ರಕಟಣೆ ಹೊರಡಿಸಿದ್ದು, ನಾವು ಟ್ರ್ಯಾಕ್ನಲ್ಲಿ ಪ್ರತಿಸ್ಪರ್ಧಿಯಾಗಿರಬಹುದು. ಆದರೆ ಜನಾಂಗೀಯ ಟೀಕೆಗಳ ವಿರುದ್ಧವಾಗಿರುತ್ತೇವೆ. ನಮ್ಮ ತಂಡ ಅಥವಾ ಪ್ರತಿಸ್ಪರ್ಧಿಗಳ ಬಗ್ಗೆ ಯಾವುದೇ ರೀತಿಯ ವರ್ಣಭೇದ ನೀತಿಗೆ ನಾವು ವಿರೋಧ ವ್ಯಕ್ತಪಡಿಸುತ್ತೇವೆ ಎಂದು ಹ್ಯಾಮಿಲ್ಟನ್ ವಿರುದ್ಧದ ಟೀಕೆಗಳಿಗೆ ಉತ್ತರಿಸಿದ್ದಾರೆ.
