ಲೌಸನ್ನೆ(ಸ್ವಿಟ್ಜರ್ಲೆಂಡ್): ಆಸ್ಟ್ರೇಲಿಯಾದ ಸ್ವಿಮ್ಮರ್ ಶೈನಾ ಜೇಕ್ ಸೋಮವಾರ ಆಕಸ್ಮಿಕವಾಗಿ ಡೂಪಿಂಗ್ ಟೆಸ್ಟ್ನಲ್ಲಿ ತಪ್ಪಿತಸ್ಥರೆಂದು ಸಾಬೀತಾಗಿದ್ದು, ಅವರಿಗೆ ಎರಡು ವರ್ಷಗಳ ಕಾಲ ನಿಷೇಧ ಮಾಡಲಾಗಿದೆ. ಅವರ ನಿಷೇಧದ ಅವಧಿ ಟೋಕಿಯೊ ಒಲಿಂಪಿಕ್ಸ್ ಆರಂಭವಾಗಲಿರುವ ಕೆಲವೇ ದಿನಗಳಲ್ಲಿ ಅಂತ್ಯಗೊಳ್ಳಲಿದೆ.
ಜೂನ್ 2019ರಲ್ಲಿ ನಡೆದ ಸ್ಪರ್ಧೆಯ ವೇಳೆ ಡೂಪಿಂಗ್ ಪರೀಕ್ಷೆಯಲ್ಲಿ ಜೇಕ್ ಸಕಾರಾತ್ಮಕವಾಗಿ ಪರೀಕ್ಷಿಸಲ್ಪಟ್ಟಿದ್ದರು. ಈ ಕಾರಣಕ್ಕಾಗಿ ಫ್ರೀಸ್ಟೈಲ್ ಈಜುಪಟುವನ್ನು ಆಸ್ಟ್ರೇಲಿಯಾ ತಂಡದಿಂದ ಅಮಾನತುಗೊಳಿಸಲಾಗಿತ್ತು ಮತ್ತು ಜಪಾನ್‌ನ ತರಬೇತಿ ಶಿಬಿರದಿಂದ ಮನೆಗೆ ಕಳುಹಿಸಲಾಯಿತು.
ಕ್ರೀಡಾ ಮಧ್ಯಸ್ಥಿಕೆ ಕೋರ್ಟ್ನ ನ್ಯಾಯಾಧೀಶರು "ಜೇಕ್ ಉದ್ದೇಶ ಪೂರ್ವಕವಾಗಿ ಲಿಗಾಂಡ್ರೊಲ್ ಅನ್ನು ಸೇವಿಸಿಲ್ಲ ಮತ್ತು ಡೂಪಿಂಗ್ ವಿರೋಧಿ ನಿಯಮ ಉಲ್ಲಂಘನೆ ಉದ್ದೇಶಪೂರ್ವಕವಲ್ಲ ಎಂದು ಸಾಬೀತುಪಡಿಸಿದ್ದಾರೆ " ಎಂದು ಹೇಳಿದ್ದು, ಅವರ ಮೇಲೆ ಕೇವಲ 2 ವರ್ಷಗಳ ಶಿಕ್ಷೆಯನ್ನು ನೀಡಿದೆ.
ಆದರೆ, ಜೇಕ್ ತಮ್ಮ ವಿರುದ್ಧದ ನಿಷೇಧದ ತೀರ್ಪಿನ ವಿರುದ್ಧ ಸಿಎಎಸ್ನಲ್ಲಿ ಪ್ರಶ್ನಿಸಬಹುದು. ಅದೇ ರೀತಿ ವಿಶ್ವ ಡೋಪಿಂಗ್ ವಿರೋಧಿ ಸಂಸ್ಥೆ ಕೂಡ ಜೇಕ್ ಮೇಲೆ 2 ವರ್ಷದ ನಿಷೇಧದ ಬದಲು ದೀರ್ಘಕಾಲದ ನಿಷೇಧವನ್ನ ಹೇರಲು ಮನವಿ ಮಾಡಬಹುದು ಎಂದು ತಿಳಿದು ಬಂದಿದೆ.
2017ರ ವಿಶ್ವಚಾಂಪಿಯನ್ಶಿಪ್ನಲ್ಲಿ ರಿಯೇಯಲ್ಲಿ 4 ಪದಕ ಪಡೆದಿರುವ 22 ವರ್ಷದ ಈಜುಪಟು ಜುಲೈ 11,2021ರವರೆಗಿನ ಯಾವುದೇ ಸ್ಪರ್ಧೆಯಲ್ಲೂ ಭಾಗವಹಿಸುವಂತಿಲ್ಲ. ಆದರೆ, ಟೋಕಿಯೊ ಒಲಿಂಪಿಕ್ಸ್ಗೆ ಎರಡು ವಾರವಿರುವಾಗ ಅವರ ನಿಷೇಧ ಕೊನೆಗೊಳ್ಳಲಿದೆ.
