ಏಷ್ಯನ್​ ಗೇಮ್ಸ್: ಕಬಡ್ಡಿಯಲ್ಲಿ ಪಾಕ್ ಬಗ್ಗುಬಡಿದು ಫೈನಲ್​ಗೇರಿದ ಭಾರತ; ನಾಳೆ ಬಂಗಾರದ ಬೇಟೆ

ಕಬಡ್ಡಿಯಲ್ಲಿ ಸತತ 7 ವರ್ಷಗಳಿಂದ ಸ್ವರ್ಣದ ಪದಕ ಗೆದ್ದುಕೊಂಡು ಬಂದಿರುವ ಭಾರತ ಕಳೆದ (2018) ಏಷ್ಯನ್​ ಗೇಮ್ಸ್​ನಲ್ಲಿ ಕಂಚಿಗೆ ತೃಪ್ತಿ ಪಟ್ಟಿತ್ತು. ಈ ಬಾರಿ ಅಂತಿಮ ಹಂತ ಪ್ರವೇಶಿಸಿದ್ದು 8ನೇ ಸ್ವರ್ಣಕ್ಕೆ ಗುರಿ ಇಟ್ಟಿದೆ.

ಹ್ಯಾಂಗ್​ಝೌ (ಚೀನಾ): ಕಬಡ್ಡಿಯನ್ನು ಭಾರತ ಮಣ್ಣಿನ ಕ್ರೀಡೆ ಎಂದೇ ಕರೆಯಲಾಗುತ್ತದೆ. ಏಷ್ಯನ್​ ಗೇಮ್ಸ್​ನಲ್ಲಿ ದೇಶದ ಕಬಡ್ಡಿ ತಂಡ ಈ ಹಿಂದೆ ಸತತ ಪದಕಗಳನ್ನು ಗೆದ್ದು ಚಾಂಪಿಯನ್​ ಆಗಿ ಮೆರೆದಿದೆ. ಆದರೆ 2018ರ ಆವೃತ್ತಿಯಲ್ಲಿ ಕಂಚಿನ ಪ್ರಶಸ್ತಿಗೆ ತೃಪ್ತಿ ಪಡಬೇಕಾಯಿತು. ಈ ಸಲ ಪುರುಷರ ತಂಡ ಸೆಮಿಫೈನಲ್​ನಲ್ಲಿ ಸಾಂಪ್ರದಾಯಿಕ ಎದುರಾಳಿಗಳನ್ನು ಮಣಿಸಿ ಫೈನಲ್​ಗೆ ಲಗ್ಗೆ ಇಟ್ಟಿದೆ. ಈ ಮೂಲಕ ಕನಿಷ್ಟ ಬೆಳ್ಳಿ ಪದಕ ಪಕ್ಕಾ ಆಗಿದೆ.

• INTO THE FINALS! 🤩
  
  Our Indian Men's Kabaddi Team with power-packed raids and solid defense, are heading into the FINAL showdown at the #AsianGames2022🔥
  
  Go for GOLD, champs🤩🌟 🇮🇳 is rooting for you all!!#Cheer4India#JeetegaBharat#BharatAtAG22#Hallabol pic.twitter.com/6kGKc41Dy7

  — SAI Media (@Media_SAI) October 6, 2023 " class="align-text-top noRightClick twitterSection" data="

  INTO THE FINALS! 🤩
  
  Our Indian Men's Kabaddi Team with power-packed raids and solid defense, are heading into the FINAL showdown at the #AsianGames2022🔥
  
  Go for GOLD, champs🤩🌟 🇮🇳 is rooting for you all!!#Cheer4India#JeetegaBharat#BharatAtAG22#Hallabol pic.twitter.com/6kGKc41Dy7

  — SAI Media (@Media_SAI) October 6, 2023

  ">

  INTO THE FINALS! 🤩
  
  Our Indian Men's Kabaddi Team with power-packed raids and solid defense, are heading into the FINAL showdown at the #AsianGames2022🔥
  
  Go for GOLD, champs🤩🌟 🇮🇳 is rooting for you all!!#Cheer4India#JeetegaBharat#BharatAtAG22#Hallabol pic.twitter.com/6kGKc41Dy7

  — SAI Media (@Media_SAI) October 6, 2023

1990 ರಿಂದ 2014ರ ವರೆಗೂ ಕಬಡ್ಡಿಯಲ್ಲಿ ಚಿನ್ನ ಕೈತಪ್ಪಿರಲಿಲ್ಲ. ಆದರೆ ಕಳೆದ ಆವೃತ್ತಿಯಲ್ಲಿ ತಂಡ ಎಡವಿತ್ತು. ಈ ಬಾರಿ ಅದ್ಭುತ ಪ್ರದರ್ಶನ ನೀಡಿ ಫೈನಲ್​ಗೇರಿದೆ. ಲೀಗ್​ ಹಂತದ ನಾಲ್ಕು ಪಂದ್ಯಗಳನ್ನು ದೊಡ್ಡ ಅಂತರದ ಫಲಿತಾಂಶದೊಂದಿಗೆ ಜಯಿಸಿದೆ. ಸೆಮಿಫೈನಲ್​ನಲ್ಲಿ ಪಾಕಿಸ್ತಾನದ ವಿರುದ್ಧ 61-14ರ ಅಂತರದ ಜಯ ದಾಖಲಿಸಿ ಫೈನಲ್​ಗೆ ಅಡಿಯಿಟ್ಟಿದೆ. ಹೀಗಾಗಿ ಮತ್ತೆ ಸ್ವರ್ಣ ಪದಕ ಗೆಲ್ಲುವ ಎಲ್ಲಾ ನಿರೀಕ್ಷೆಗಳಿವೆ.

ಪಾಕ್​ ವಿರುದ್ಧ ಭರ್ಜರಿ ಗೆಲುವು: ಇಂದು (ಶುಕ್ರವಾರ) ನಡೆದ ಸೆಮಿಫೈನಲ್‌ನಲ್ಲಿ ಭಾರತ ತಂಡ ಪಾಕ್ ವಿರುದ್ಧ 61-14 ಅಂಕಗಳಿಂದ ಗೆದ್ದು ಬೀಗಿತು. ಈ ಗೆಲುವಿನೊಂದಿಗೆ ಭಾರತ ಪುರುಷರು ಏಷ್ಯನ್ ಗೇಮ್ಸ್‌ ಕಬಡ್ಡಿಯಲ್ಲಿ ಎಂಟನೇ ಬಾರಿಗೆ ಫೈನಲ್ ಪ್ರವೇಶಿಸಿದಂತಾಗಿದೆ. 1990ರ ನಂತರ 7 ಚಿನ್ನ ಗೆದ್ದ ತಂಡ 8ನೇ ಸ್ವರ್ಣ ಪದಕಕ್ಕೆ ಹೊಂಚುಹಾಕಿದೆ.

ಸೆಮಿಸ್​ ಆರಂಭದಲ್ಲಿ ಪಾಕಿಸ್ತಾನ 0-4 ರಿಂದ ಮುನ್ನಡೆ ಪಡೆದುಕೊಂಡಿತು. ಎರಡು ಟ್ಯಾಕಲ್​ ಅಂಕ ಮತ್ತು ಎರಡು ರೈಡ್​ ಪಾಯಿಂಟ್​ಗಳು ಪಾಕ್​ ಪಾಲಾಗಿದ್ದವು. ಈ ನಷ್ಟದಿಂದ ಭಾರತ ವೇಗವಾಗಿ ಚೇತರಿಸಿಕೊಂಡಿತು. ಒಮ್ಮೆಗೆ 10 ಪಾಯಿಂಟ್​ಗೆ ಜಿಗಿತ ಕಂಡಿತ್ತು. ನವೀನ್ ಕುಮಾರ್ ಅವರ ಮಲ್ಟಿ-ಪಾಯಿಂಟ್ ರೈಡ್‌ ಭಾರತಕ್ಕೆ ಬಲ ನೀಡಿತು. ನವೀನ್​ ಎಂಟು ರೈಡ್​ ಪಾಯಿಂಟ್​ನಿಂದ ಪಾಕಿಸ್ತಾನ ಆಲ್‌ಔಟ್​ ಆಯಿತು. ಭಾರತ ರೈಡರ್​ಗಳು ಪಾಕ್​ನ ಟ್ಯಾಕಲ್​ಗೆ ಸಿಗಲೇ ಇಲ್ಲ. ಪವನ್ ಸೆಹ್ರಾವತ್ ಮತ್ತು ನವೀನ್ ಕುಮಾರ್ ಮಲ್ಟಿ-ಪಾಯಿಂಟ್ ರೈಡ್‌ ಪಾಕ್​ ಅನ್ನು ಮತ್ತೆ ಆಲ್​ಔಟ್​ಗೆ ತಳ್ಳಿತು. ಮೊದಲಾರ್ಧದ ಅಂತ್ಯದಲ್ಲಿ ಪಾಕಿಸ್ತಾನ 30-5ರ ಭಾರಿ ಹಿನ್ನಡೆ ಪಡೆದುಕೊಂಡಿತು.

ದ್ವಿತೀಯಾರ್ಧದಲ್ಲಿ ಪವನ್ ಸೆಹ್ರಾವತ್ ಮತ್ತು ನವೀನ್ ಕುಮಾರ್ ಬದಲಿಗೆ ಸಚಿನ್ ತನ್ವಾರ್ ಮತ್ತು ಆಕಾಶ್ ಶಿಂಧೆ ಪಾಕ್​ನ ಬಲ ಮುರಿದರು. ದ್ವಿತೀಯಾರ್ಧದ ಆರಂಭದಲ್ಲಿ ಪಾಕ್ ತನ್ನ ಆಟವನ್ನು ಒಂದು ಹಂತದಿಂದ ಸುಧಾರಿಸುವಲ್ಲಿ ಯಶಸ್ವಿಯಾಯಿತು. ಆದರೂ, ಭಾರತವು ತುಂಬಾ ಪ್ರಬಲವಾಗಿದೆ ಎಂದು ಸಾಬೀತುಪಡಿಸಿತು. ಎರಡು ಬಾರಿ ಬೆಳ್ಳಿ ವಿಜೇತ ಪಾಕಿಸ್ತಾನವನ್ನು ಎರಡು ಬಾರಿ ಆಲ್‌ಔಟ್ ಮಾಡಿ, ಪಂದ್ಯದ ಸಮಯದ ಮುಕ್ತಾಯಕ್ಕೆ 61-14ರ ಸುಲಭ ಜಯದಿಂದ ಭಾರತ ಫೈನಲ್​ ಪ್ರವೇಶಿಸಿತು.

ನಾಳೆ ಪುರುಷರ ಮತ್ತು ಮಹಿಳೆಯರ ತಂಡ ಫೈನಲ್​​ನಲ್ಲಿ ಮೈದಾನಕ್ಕಿಳಿಯಲಿದೆ. ಪುರುಷರ ತಂಡ ಭಾರತೀಯ ಕಾಲಮಾನ ಮಧ್ಯಾಹ್ನ 12:30ಕ್ಕೆ ಪಂದ್ಯವಾಡಿದರೆ, ವನಿತೆಯರ ತಂಡ ಬೆಳಗ್ಗೆ 7:00 (ಭಾ.ಕಾ) ಆಡಲಿದೆ.

ಇದನ್ನೂ ಓದಿ: ಏಷ್ಯನ್​ ಗೇಮ್ಸ್​: ಬಿಲ್ಲು ಸ್ಪರ್ಧೆಯಲ್ಲಿ ಬೆಳ್ಳಿ; ಬ್ಯಾಡ್ಮಿಂಟನ್​, ಕುಸ್ತಿ, ಕಿಕ್​ ವಾಲಿಬಾಲ್​ನಲ್ಲಿ ಕಂಚು