ವಿಶ್ವದ ನಂಬರ್ 1 ಟೆನಿಸ್ ಆಟಗಾರ್ತಿ ಆ್ಯಶ್ಲೇ ಬಾರ್ಟಿ ಶನಿವಾರ ಅಮೆರಿಕಾದ ಡ್ಯಾನಿಯಲ್ ಕಾಲಿನ್ಸ್ ಅವರನ್ನು ಮಣಿಸುವ ಮೂಲಕ ಆಸ್ಟ್ರೇಲಿಯನ್ ಓಪನ್ ಪ್ರಶಸ್ತಿ ಮುಡಿಗೇರಿಸಿಕೊಂಡಿದ್ದಾರೆ. ಈ ಮೂಲಕ ಬರೋಬ್ಬರಿ 44 ವರ್ಷಗಳ ನಂತರ ಪ್ರತಿಷ್ಠಿತ ಗ್ರ್ಯಾಂಡ್ ಸ್ಲಾಮ್ ಗೆದ್ದ ಆಸ್ಟ್ರೇಲಿಯನ್ ಎಂಬ ಖ್ಯಾತಿಗೂ ಪಾತ್ರರಾಗಿದ್ದಾರೆ.
ಶನಿವಾರ ನಡೆದ ಫೈನಲ್ ಪಂದ್ಯದಲ್ಲಿ ಬಾರ್ಟಿ 6-3, 7-6(2)ರ ನೇರ ಸೆಟ್ಗಳಲ್ಲಿ ಅಮೆರಿಕಾದ 27ನೇ ಶ್ರೇಯಾಂಕದ ಆಟಗಾರ್ತಿ ವಿರುದ್ಧ ಸುಲಭವಾಗಿ ಗೆದ್ದು 4 ದಶಕಗಳ ಬಳಿಕ ತಮ್ಮ ರಾಷ್ಟ್ರಕ್ಕೆ ಪ್ರಶಸ್ತಿ ತಂದುಕೊಟ್ಟರು.
ನಿಮ್ಮ ಸೂಕ್ತ ಸಂಗಾತಿ ಹುಡುಕುತ್ತಿರುವಿರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ ನೋಂದಣಿ ಉಚಿತ
1980ರಲ್ಲಿ ವೆಂಡಿ ಟರ್ನ್ಬುಲ್ ಆಸ್ಟ್ರೇಲಿಯಾ ಪರ ಕೊನೆಯ ಬಾರಿಗೆ ಫೈನಲ್ ತಲುಪಿದರೆ,1978ರಲ್ಲಿ ಕ್ರಿಸ್ ಒನೀಲ್ ಕೊನೆಯ ಬಾರಿ ಮಹಿಳಾ ಸಿಂಗಲ್ಸ್ ಪ್ರಶಸ್ತಿಯನ್ನು ಎತ್ತಿ ಹಿಡಿದಿದ್ದರು.
25 ವರ್ಷದ ಆಟಗಾರ್ತಿ 2019ರಲ್ಲಿ ಫ್ರೆಂಚ್ ಓಪನ್, 2021ರಲ್ಲಿ ವಿಂಬಲ್ಡನ್ ಓಪನ್ ಜಯಿಸಿದ್ದರು. ಇದೀಗ ತಮ್ಮ ಖಾತೆಗೆ 3ನೇ ಗ್ರ್ಯಾಂಡ್ಸ್ಲಾಮ್ ಪ್ರಶಸ್ತಿಯನ್ನು ಕೂಡ ಸೇರಿಸಿಕೊಂಡಿದ್ದಾರೆ.
ಇಡೀ ಟೂರ್ನಿಯಲ್ಲಿ ಪ್ರಾಬಲ್ಯ ಪ್ರದರ್ಶನ ತೋರಿರುವ ಬಾರ್ಟಿ 7 ಪಂದ್ಯಗಳಲ್ಲಿ ಒಂದೇ ಒಂದು ಸೆಟ್ನಲ್ಲಿ ಸೋಲು ಕಂಡಿಲ್ಲ. ಒಟ್ಟು 106 ಗೇಮ್‌ಗಳಲ್ಲಿ ಕೇವಲ 26 ಗೇಮ್ಗಳನ್ನ ಮಾತ್ರ ಎದುರಾಳಿಗೆ ಬಿಟ್ಟು ಕೊಟ್ಟಿದ್ದಾರೆ.
ಇದನ್ನೂ ಓದಿ:ಏಷ್ಯಾ ಕಪ್: ಮುಗ್ಗರಿಸಿದ ಚೀನಾ.. ಕಂಚಿನ ಪದಕಕ್ಕೆ ಕೊರಳೊಡ್ಡಿದ ಭಾರತದ ವನಿತೆಯರು
