ಒಂದೆಡೆ ಐತಿಹಾಸಿಕ ಕ್ಷಣ, ಮತ್ತೊಂದೆಡೆ ತಂದೆಯ ಅಂತಿಮ ದರ್ಶನ: ಗಟ್ಟಿಗಿತ್ತಿ ಆಟಗಾರ್ತಿಯ ಕ್ರೀಡಾಪ್ರೇಮ!

19 ವರ್ಷದ ಲಾಲ್​​ರೆಮ್ ಸಿಯಾಮಿ ಭಾರತ ಮಹಿಳಾ ಹಾಕಿ ತಂಡ ಆಟಗಾರ್ತಿ. ಆಕೆಯ ಆಟದ ಬದ್ಧತೆ ನಿಮ್ಮ ಕಣ್ಣಂಚಲ್ಲಿ ನೀರು ಬರುವಂತೆ ಮಾಡಿದರೆ ಅಚ್ಚರಿಯೇನೂ ಇಲ್ಲ!

ಐಜ್ವಾಲ್​​​: ಸರಿಯಾಗಿ ನಾಲ್ಕು ದಿನಗಳ ಹಿಂದೆ ರಾಷ್ಟ್ರೀಯ ಕ್ರೀಡೆ ಹಾಕಿಯಲ್ಲಿ ಭಾರತದ ವನಿತೆಯರು ಜಪಾನ್ ತಂಡವನ್ನು 3-1 ಗೋಲುಗಳಿಂದ ಬಗ್ಗುಬಡಿದಿತ್ತು. ತಂಡದ ಎಲ್ಲ ಆಟಗಾರ್ತಿಯರು ಐತಿಹಾಸಿಕ ವಿಜಯದ ಖುಷಿಯಲ್ಲಿ ಆನಂದಭಾಷ್ಪ ಹರಿಸುತ್ತಿದ್ದರೆ ಓರ್ವ ಆಟಗಾರ್ತಿ ಕಣ್ಣಲ್ಲಿ ಸೂತಕದ ಛಾಯೆ ಕಾಣಿಸುತ್ತಿತ್ತು.

ಜಪಾನ್‌ನ ಹಿರೋಶಿಮಾದಲ್ಲಿ ನಡೆದ ಎಫ್​ಐಹೆಚ್ ಸಿರೀಸ್ ಹಾಕಿ ಟೂರ್ನಿಯಲ್ಲಿ​​ ಭಾರತದ ಮಹಿಳಾ ಹಾಕಿ ತಂಡ ಉಪಾಂತ್ಯ ಪ್ರವೇಶಿಸಿತ್ತು. ಫೈನಲ್​ನಲ್ಲಿ ಎದುರಾಗಿದ್ದು ಬಲಿಷ್ಠ ಜಪಾನ್ ತಂಡ. ಇದೇ ಪಂದ್ಯದ ಆರಂಭಕ್ಕೂ ಮುನ್ನ ಭಾರತ ತಂಡ ಆಟಗಾರ್ತಿ ಲಾಲ್​ರೆಮ್ ಸಿಯಾಮಿ (19) ತನ್ನ ತಂದೆಯನ್ನು ಕಳೆದುಕೊಂಡಿದ್ದರು. ಈ ನೋವಿನ ನಡುವೆಯೂ ಭಾರತಕ್ಕೆ ಮರಳದೇ ಪೈನಲ್​​ ಪಂದ್ಯದಲ್ಲಿ ತಂಡಕ್ಕಾಗಿ, ದೇಶಕ್ಕಾಗಿ ಆಡಿ ಬದ್ಧತೆ ಮೆರೆದಿದ್ದಾರೆ.

ಲಾಲ್​​ರೆಮ್ ಸಿಯಾಮಿ

ಪಂದ್ಯ ಗೆದ್ದು ಲಾಲ್​​ರೆಮ್​ಸಿಯಾಮಿ ಭಾರವಾದ ಹೃದಯದೊಂದಿಗೆ ತನ್ನೂರಿಗೆ ಮರಳಿದ್ದಾರೆ. ಮಂಗಳವಾರ ಮಿಜೋರಾಂ ರಾಜಧಾನಿ ಐಜ್ವಾಲ್​ನಿಂದ 80 ಕಿ.ಮೀ ದೂರದಲ್ಲಿರುವ ಕೊಲಾಶಿಬ್​​ ಜಿಲ್ಲೆಯಲ್ಲಿರುವ ತನ್ನ ಪುಟ್ಟ ಹಳ್ಳಿಗೆ ಲಾಲ್​ರೆಮ್​ ಸಿಯಾಮಿ ತಲುಪಿದ್ದಾಳೆ. ಆಕೆ ಮನೆಗೆ ತಲುಪುವ ವೇಳೆಗೆ ತಂದೆಯ ಅಂತಿಮ ಕಾರ್ಯಗಳು ಮುಗಿದಿದ್ದವು.

ನೋವಿನ ನಡುವೆಯೂ ಗಟ್ಟಿಯಾಗಿ ನಿಂತು ದೇಶವನ್ನು ಪ್ರತಿನಿಧಿಸಿದ್ದ ಲಾಲ್​ರೆಮ್​ ಸಿಯಾಮಿ ಮನೋಸ್ಥಿತಿಯನ್ನು ನೆಟಿಜನ್ಸ್​ ಕೊಂಡಾಡುತ್ತಿದ್ದಾರೆ. ಜಪಾನ್​ ವಿರುದ್ಧದ ಫೈನಲ್ ಪಂದ್ಯದ ಗೆಲುವನ್ನು ತಂಡದ ನಾಯಕಿ ರಾಣಿ ರಾಂಪಾಲ್, ಲಾಲ್​ರೆಮ್​ ಸಿಯಾಮಿ ತಂದೆಗೆ ಅರ್ಪಣೆ ಮಾಡಿದ್ದಾರೆ.

• Indian women hockey player Lalremsiami's father expired when India was to play a crucial semifinal at Hiroshima that would determine if India's Olympics dream would be alive. She told coach, 'I want to make my father proud. I want to stay, play and make sure India qualifies🇮🇳🙏 pic.twitter.com/V9tlE84z4K

  — Kiren Rijiju (@KirenRijiju) June 23, 2019 " class="align-text-top noRightClick twitterSection" data="

  Indian women hockey player Lalremsiami's father expired when India was to play a crucial semifinal at Hiroshima that would determine if India's Olympics dream would be alive. She told coach, 'I want to make my father proud. I want to stay, play and make sure India qualifies🇮🇳🙏 pic.twitter.com/V9tlE84z4K

  — Kiren Rijiju (@KirenRijiju) June 23, 2019

  ">

  Indian women hockey player Lalremsiami's father expired when India was to play a crucial semifinal at Hiroshima that would determine if India's Olympics dream would be alive. She told coach, 'I want to make my father proud. I want to stay, play and make sure India qualifies🇮🇳🙏 pic.twitter.com/V9tlE84z4K

  — Kiren Rijiju (@KirenRijiju) June 23, 2019

ತಂದೆಯ ಅಗಲಿಕೆ ಸುದ್ದಿ ತಿಳಿದಿದ್ದರೂ ತಂಡವನ್ನು ಪ್ರತಿನಿಧಿಸುತ್ತೇನೆ ಹಾಗೂ ತಂದೆಗೆ ಗೌರವ ತಂದುಕೊಡುತ್ತೇನೆ ಎಂದು ಕೋಚ್ ಬಳಿ ಹೇಳಿದ್ದರು ಎಂದು ಯುವ ವ್ಯವಹಾರ ಮತ್ತು ಕ್ರೀಡಾ ಸಚಿವಾಲಯದ ರಾಜ್ಯ ಸಚಿವ ಕಿರಣ್​ ರಿಜಿಜು ಟ್ವೀಟ್ ಮಾಡಿ ಲಾಲ್​ರೆಮ್ ಸಿಯಾಮಿರನ್ನು ಅಭಿನಂದಿಸಿದ್ದಾರೆ.