ಜ್ಯೂರಿಚ್(ಸ್ವಿಟ್ಜರ್ಲೆಂಡ್): ಸ್ವಿಟ್ಜರ್ಲೆಂಡ್ನ ಟೆನ್ನಿಸ್ ದಂತಕತೆ ರೋಜರ್ ಫೆಡರರ್ ಫೋರ್ಬ್ಸ್ ಬಿಡುಗಡೆ ಮಾಡಿರುವ ಶ್ರೀಮಂತ ಆಥ್ಲೀಟ್ಗಳ ಪಟ್ಟಿಯಲ್ಲಿ ಮೊದಲ ಸ್ಥಾನ ಪಡೆದುಕೊಂಡಿದ್ದಾರೆ.
ಅತಿ ಹೆಚ್ಚು ಗ್ರ್ಯಾಂಡ್ ಸ್ಲಾಮ್ ಪ್ರಶಸ್ತಿ ಗೆದ್ದಿರುವ ರೋಜರ್ ಫೆಡರರ್ ಫೋರ್ಬ್ಸ್ ಪಟ್ಟಿಯಲ್ಲಿ ಫುಟ್ಬಾಲ್ ಸೂಪರ್ ಸ್ಟಾರ್ಗಳಾದ ಕ್ರಿಶ್ಚಿಯಾನೋ ರೊನಾಲ್ಡೊ ಹಾಗೂ ಲಿಯೋನಲ್ ಮೆಸ್ಸಿಯನ್ನು ಹಿಂದಿಕ್ಕಿದ್ದಾರೆ. ಇವರು ಕಳೆದ 12 ತಿಂಗಳಲ್ಲಿ 106.3 (802 ಕೋಟಿ ರೂ.) ಮಿಲಿಯನ್ ಅಮೆರಿಕನ್ ಡಾಲರ್ ಸಂಪಾದಿಸಿದ್ದಾರೆ. ಈ ಮೂಲಕ ಫೋರ್ಬ್ಸ್ ಇತಿಹಾಸದಲ್ಲಿ ಟೆನ್ನಿಸ್ ಆಟಗಾರನೊಬ್ಬ ಮೊದಲ ಸ್ಥಾನ ಪಡೆದಿದ್ದಾರೆ.
ಫೋರ್ಬ್ಸ್ ಜೂನ್ 1, 2019ರಿಂದ ಜೂನ್ 1, 2020ರವರೆಗಿನ ವೇತನ, ಜಾಹೀರಾತಿನಿಂದ ಬರುವ ಆದಾಯ, ಒಪ್ಪಂದಗಳ ಬೋನಸ್, ಪ್ರಶಸ್ತಿಗಳು ಹಾಗೂ ಟೂರ್ನಮೆಂಟ್ಗಳಲ್ಲಿ ಭಾಗವಹಿಸುವುದರಿಂದ ಬರುವ ಆದಾಯವನ್ನೆಲ್ಲಾ ಲೆಕ್ಕಾಚಾರ ಮಾಡಿ ಶ್ರೇಯಾಂಕ ಬಿಡುಗಡೆ ಮಾಡಿದೆ.
ಫೆಡರರ್ ಮೊದಲ ಸ್ಥಾನಕ್ಕೆ ಬರಲು ಕೊರೊನಾ ಲಾಕ್ಡೌನ್ನಿಂದ ಫುಟ್ಬಾಲ್ ಆಟಗಾರರ ವೇತನದಲ್ಲಿ ಭಾರಿ ಕಡಿತ ಮಾಡಿರುವುದಾಗಿದೆ ಎನ್ನಲಾಗಿದೆ. ಫೋರ್ಬ್ಸ್ ಪಟ್ಟಿಯಲ್ಲಿ ಅತಿ ಹೆಚ್ಚು ಆದಾಯ ಗಳಿಸಿರುವ ರೋಜರ್ ಫೆಡರರ್ ನಂತರದ ಸ್ಥಾನಗಳಲ್ಲಿ ಫುಟ್ಬಾಲ್ ಸ್ಟಾರ್ಗಳಾದ ಫೋರ್ಚುಗಲ್ನ ಕ್ರಿಶ್ಚಿಯಾನೊ ರೊನಾಲ್ಡೊ 105 ಮಿಲಿಯನ್ ಯುಎಸ್ಡಿ, (793 ಕೋಟಿ ರೂ.) 3ನೇ ಸ್ಥಾನದಲ್ಲಿ, ಅರ್ಜೆಂಟೈನಾದ ಲಿಯೋನಲ್ ಮೆಸ್ಸಿ 104 ಮಿಲಿಯನ್ ಯುಎಸ್ಡಿ (785 ಕೋಟಿ ರೂ.) ಹಾಗೂ ಬ್ರೆಜಿಲ್ನ ನೇಮರ್ 95.5 ಮಿಲಿಯನ್ ಯುಎಸ್ಡಿ (721 ಕೋಟಿ ರೂ.) 4ನೇ ಸ್ಥಾನದಲ್ಲಿದ್ದಾರೆ.
ಮಹಿಳಾ ಅಥ್ಲೀಟ್ಗಳ ಲಿಸ್ಟ್ನಲ್ಲಿ ಜಪಾನ್ ನವೋಮಿ ಒಸಾಕಾ 37.4 ಮಿಲಿಯನ್ ಅಮೆರಿಕನ್ ಡಾಲರ್ ಸಂಪಾದಿಸಿ ಮೊದಲ ಸ್ಥಾನ ಪಡೆದಿದ್ದಾರೆ.
