ಬಾರ್ಸಿಲೋನಾ ಪರ 500ನೇ ಪಂದ್ಯ ಆಡಿದ ಲಿಯೋನೆಲ್ ಮೆಸ್ಸಿ

ಲಿಯೋನೆಲ್ ಮೆಸ್ಸಿ ಭಾನುವಾರ ಲಾ ಲಿಗಾದಲ್ಲಿ ಬಾರ್ಸಿಲೋನಾ ಪರ 500ನೇ ಪಂದ್ಯ ಆಡಿದರು. ಮೆಸ್ಸಿ ಪ್ರತಿನಿಧಿಸಿದ ಎಲ್ಲಾ ಕ್ಲಬ್​ಗಳನ್ನು ಸೇರಿಸಿದರೆ ಇದು ಅವರ 750ನೇ ಪಂದ್ಯವಾಗಿದೆ.

ಬಾರ್ಸಿಲೋನಾ (ಸ್ಪೇನ್​): ಅರ್ಜೆಂಟೀನಾದ ಸ್ಟ್ರೈಕರ್ ಲಿಯೋನೆಲ್ ಮೆಸ್ಸಿ ಭಾನುವಾರ ಲಾ ಲಿಗಾದಲ್ಲಿ ಬಾರ್ಸಿಲೋನಾ ಪರ 500ನೇ ಪಂದ್ಯ ಆಡಿದರು.

ಮೆಸ್ಸಿ ಪ್ರತಿನಿಧಿಸಿದ ಎಲ್ಲ ಕ್ಲಬ್​ಗಳನ್ನು ಸೇರಿಸಿದರೆ ಇದು ಅವರ 750ನೇ ಪಂದ್ಯವಾಗಿತ್ತು. ಹ್ಯೂಸ್ಕಾ ವಿರುದ್ಧದ ಬಾರ್ಸಿಲೋನಾದ ಲಾ ಲಿಗಾ ಹಣಾಹಣಿಯಲ್ಲಿ ಮೆಸ್ಸಿ ಈ ಸಾಧನೆ ಮಾಡಿದ್ದಾರೆ.

ಮೆಸ್ಸಿ ಬಾರ್ಸಿಲೋನಾ ಪರ 500 ಪಂದ್ಯಗಳನ್ನು ತಲುಪಿದ ಎರಡನೇ ಆಟಗಾರನಾಗಿದ್ದು, ಸ್ಪೇನ್‌ನ ಹೊರಗೆ ಜನಿಸಿದ ಮೊದಲ ಆಟಗಾರನಾಗಿದ್ದಾರೆ.

ಬಾರ್ಸಿಲೋನಾ ಪ್ರಸ್ತುತ 16 ಪಂದ್ಯಗಳಿಂದ 28 ಅಂಕಗಳೊಂದಿಗೆ ಲಾ ಲಿಗಾ ಸ್ಟ್ಯಾಂಡಿಂಗ್‌ನಲ್ಲಿ ಐದನೇ ಸ್ಥಾನದಲ್ಲಿದೆ.