IND v s ZIM 3rd ODI: ಗಿಲ್​ ಸ್ಫೋಟಕ 130ರನ್​.. ಜಿಂಬಾಬ್ವೆ ಗೆಲುವಿಗೆ 290 ರನ್​ ಟಾರ್ಗೆಟ್​

ಮೂರನೇ ಏಕದಿನ ಪಂದ್ಯದಲ್ಲಿ ಟೀಂ ಇಂಡಿಯಾ 289ರನ್​​ಗಳಿಕೆ ಮಾಡಿದ್ದು, ಆತಿಥೇಯ ಜಿಂಬಾಬ್ವೆ ಗೆಲುವಿಗೆ 290ರನ್​​ಗಳ ಬೃಹತ್ ಗುರಿ ನೀಡಿದೆ.

ಹರಾರೆ: ಇಲ್ಲಿನ ಹರಾರೆ ಸ್ಪೋರ್ಟ್ಸ್​ ಕ್ಲಬ್​ ಮೈದಾನದಲ್ಲಿ ನಡೆಯುತ್ತಿರುವ ಮೂರನೇ ಹಾಗೂ ಅಂತಿಮ ಏಕದಿನ ಪಂದ್ಯದಲ್ಲಿ ಟೀಂ ಇಂಡಿಯಾ ಬೃಹತ್ ರನ್​​​ಗಳಿಕೆ ಮಾಡಿದ್ದು, ಆತಿಥೇಯರ ಗೆಲುವಿಗೆ 290ರನ್​ ಟಾರ್ಗೆಟ್​ ಮುಂದಿಟ್ಟಿದೆ. ಇದರ ಜೊತೆಗೆ ಕೊನೆಯ ಪಂದ್ಯದಲ್ಲಿ ಚೊಚ್ಚಲ ಶತಕ ಸಿಡಿಸಿ ಮಿಂಚಿದ ಶುಬ್ಮನ್​ ಗಿಲ್​ ಜಿಂಬಾಬ್ವೆ ನೆಲದಲ್ಲಿ ಹೊಸದೊಂದು ದಾಖಲೆ ನಿರ್ಮಿಸಿದರು.

ಟಾಸ್​ ಗೆದ್ದು ಮೊದಲು ಬ್ಯಾಟಿಂಗ್ ನಡೆಸಿದ ಟೀಂ ಇಂಡಿಯಾ ಉತ್ತಮ ಆರಂಭ ಪಡೆದುಕೊಂಡಿತು. ಆರಂಭಿಕರಾಗಿ ಕಣಕ್ಕಿಳಿದ ಧವನ್​​-ರಾಹುಲ್ ಜೋಡಿ 63ರನ್​​ಗಳ ಜೊತೆಯಾಟವಾಡಿದರು. 30ರನ್​​​​ಗಳಿಕೆ ಮಾಡಿದ್ದ ವೇಳೆ ಕ್ಯಾಪ್ಟನ್ ಕೆ ಎಲ್​ ವಿಕೆಟ್ ಒಪ್ಪಿಸಿದರು. ಇದರ ಬೆನ್ನಲ್ಲೇ ಧವನ್​ ಕೂಡ(40) ಬ್ರಾಂಡ್ ಇವನ್ಸ್​​ಗೆ ಬಲಿಯಾದರು.

• Innings Break!
  
  A brilliant 130 from @ShubmanGill as #TeamIndia post a total of 289/8 on the board.
  
  Scorecard - https://t.co/ZwXNOvRwhA #ZIMvIND pic.twitter.com/sKPx9NzWwi

  — BCCI (@BCCI) August 22, 2022 " class="align-text-top noRightClick twitterSection" data="

  Innings Break!
  
  A brilliant 130 from @ShubmanGill as #TeamIndia post a total of 289/8 on the board.
  
  Scorecard - https://t.co/ZwXNOvRwhA #ZIMvIND pic.twitter.com/sKPx9NzWwi

  — BCCI (@BCCI) August 22, 2022

  ">

  Innings Break!
  
  A brilliant 130 from @ShubmanGill as #TeamIndia post a total of 289/8 on the board.
  
  Scorecard - https://t.co/ZwXNOvRwhA #ZIMvIND pic.twitter.com/sKPx9NzWwi

  — BCCI (@BCCI) August 22, 2022

ಗಿಲ್​​- ಕಿಶನ್​ ಜೊತೆಯಾಟ: ಆರಂಭಿಕ ಆಟಗಾರರ ಔಟಾದ ಬಳಿಕ ಒಂದಾದ ಗಿಲ್​​-ಕಿಶನ್ ಜೋಡಿ ತಂಡಕ್ಕೆ ಉತ್ತಮ ಬ್ಯಾಟಿಂಗ್​ ಪ್ರದರ್ಶನ ನೀಡಿದರು. ಎದುರಾಳಿ ಬೌಲರ್​​ಗಳ ಮೇಲೆ ಸವಾರಿ ನಡೆಸಿದ ಈ ಜೋಡಿ 150+ರನ್​​​ಗಳ ಜೊತೆಯಾಟವಾಡಿದರು. ಈ ವೇಳೆ 50ರನ್​​​​​ಗಳಿಕೆ ಮಾಡಿದ್ದ ಕಿಶನ್​​​ ರನೌಟ್​ ಬಲೆಗೆ ಬಿದ್ದರು.

ಜಿಂಬಾಬ್ವೆಯಲ್ಲಿ ವೈಯಕ್ತಿಕ ಗರಿಷ್ಠ ಸ್ಕೋರ್​​ ಮಾಡಿದ ಗಿಲ್​: ಜಿಂಬಾಬ್ವೆ ಬೌಲರ್​​ಗಳನ್ನ ಹಿಗ್ಗಾಮುಗ್ಗಾ ಥಳಿಸಿದ ಗಿಲ್​​ ದಾಖಲೆಯ 130ರನ್​​ಗಳಿಕೆ ಮಾಡಿದರು. ಜೊತೆಗೆ ಜಿಂಬಾಬ್ವೆ ನೆಲದಲ್ಲಿ 130ರನ್​ಗಳಿಸಿ ದಾಖಲೆ ಬರೆದರು. ಈ ಹಿಂದೆ 1998ರಲ್ಲಿ ಟೀಂ ಇಂಡಿಯಾ ಪರ ಸಚಿನ್ ತೆಂಡೂಲ್ಕರ್​ ಅಜೇಯ 127ರನ್​​​ಗಳಿಕೆ ಮಾಡಿದ್ದು, ಇಲ್ಲಿಯ ವೈಯಕ್ತಿಕ ಗರಿಷ್ಠ ಸ್ಕೋರ್ ಆಗಿದೆ. ಇಂದಿನ ಪಂದ್ಯದಲ್ಲಿ ಗಿಲ್​ ಕೇವಲ 82 ಎಸೆತಗಳಲ್ಲಿ ಶತಕ ಸಿಡಿಸಿದರು.

ದಿಢೀರ್ ವಿಕೆಟ್ ಪತನ: ಇಶಾನ್ ಕಿಶನ್​ ಔಟಾಗುತ್ತಿದ್ದಂತೆ ಟೀಂ ಇಂಡಿಯಾದ ಬ್ಯಾಟರ್​ಗಳು ಪೆವಿಲಿಯನ್​ ಪರೇಡ್​ ನಡೆಸಿದರು. ದೀಪಕ್ ಹೂಡಾ(1), ಸ್ಯಾಮ್ಸನ್​(15), ಅಕ್ಸರ್ ಪಟೇಲ್​(1), ಶಾರ್ದೂಲ್ ಠಾಕೂರ್​(9)ರನ್​​ಗಳಿಸಿ ಔಟಾದರು. ತಂಡ ಕೊನೆಯದಾಗಿ 50 ಓವರ್​​​ಗಳಲ್ಲಿ 8ವಿಕೆಟ್​ ನಷ್ಟಕ್ಕೆ 289ರನ್​​ಗಳಿಕೆ ಮಾಡಿತು. ಜಿಂಬಾಬ್ವೆ ಪರ ಬ್ರಾಂಡ್​ ಎವಿನ್ಸ್​ ಐದು ವಿಕೆಟ್ ಪಡೆದರೆ, ಜಾಂಗ್ವೆ ಹಾಗೂ ವಿಕ್ಟರಿ ತಲಾ 1 ವಿಕೆಟ್ ಪಡೆದುಕೊಂಡರು.

ಜಿಂಬಾಬ್ವೆ ವಿರುದ್ಧ ನಡೆದ ಎರಡು ಏಕದಿನ ಪಂದ್ಯಗಳಲ್ಲಿ ಟೀಂ ಇಂಡಿಯಾ ಈಗಾಗಲೇ ಎರಡು ಬಾರಿ ಗೆಲುವು ದಾಖಲು ಮಾಡಿದ್ದು, ಸರಣಿಯಲ್ಲಿ 2-0 ಅಂತರದ ಮುನ್ನಡೆ ಕಾಯ್ದುಕೊಂಡಿದೆ. ಇಂದಿನ ಪಂದ್ಯ ಅನೌಪಚಾರಿಕವಾಗಿದೆ.