IND vs ZIM 2nd ODI: 2ನೇ ಏಕದಿನ ಪಂದ್ಯ ಗೆದ್ದು ಸರಣಿ ಕೈವಶ ಮಾಡಿಕೊಂಡ ರಾಹುಲ್​ ಪಡೆ

ಎರಡನೇ ಏಕದಿನ ಪಂದ್ಯದಲ್ಲೂ ಪಾರಮ್ಯ ಮೆರೆದ ಟೀಂ ಇಂಡಿಯಾ ಜಿಂಬಾಬ್ವೆ ವಿರುದ್ಧ ಸುಲಭ ಗೆಲುವು ದಾಖಲು ಮಾಡಿದೆ.

ಹರಾರೆ: ಆತಿಥೇಯ ಜಿಂಬಾಬ್ವೆ ಎದುರಿನ ಎರಡನೇ ಏಕದಿನ ಪಂದ್ಯದಲ್ಲೂ ಟೀಂ ಇಂಡಿಯಾ ಪ್ರಾಬಲ್ಯ ಮೆರೆದಿದೆ. ಮೊದಲನೇ ಪಂದ್ಯದ ರೀತಿಯಲ್ಲೇ ಆತಿಥೇಯರ ವಿರುದ್ಧ ಸುಲಭ ಜಯ ಸಾಧಿಸಿರುವ ರಾಹುಲ್​ ಬಳಗ ಒಂದು ಪಂದ್ಯ ಬಾಕಿ ಇರುವಾಗಲೇ ಸರಣಿ ಕೈವಶ (2-0) ಮಾಡಿಕೊಂಡಿದೆ. ಟಾಸ್​​ ಸೋತು ಮೊದಲು ಬ್ಯಾಟಿಂಗ್ ನಡೆಸಿದ ಜಿಂಬಾಬ್ವೆ ತಂಡ ಕೇವಲ 161ರನ್​​​ಗಳಿಗೆ ಆಲೌಟ್ ಆಯಿತು. ಇದರ ಗುರಿ ಬೆನ್ನತ್ತಿದ ಟೀಂ ಇಂಡಿಯಾ ಕೇವಲ 5 ವಿಕೆಟ್ ಕಳೆದುಕೊಂಡು 167ರನ್​ಗಳಿಕೆ ಮಾಡಿ ಗೆಲುವಿನ ನಗೆ ಬೀರಿದೆ.

ಜಿಂಬಾಬ್ವೆ ಇನ್ನಿಂಗ್ಸ್​​: ಹರಾರೆಯ ಸ್ಪೋರ್ಟ್ಸ್​​ ಕ್ಲಬ್​ ಮೈದಾನದಲ್ಲಿ ಎರಡನೇ ಏಕದಿನ ಪಂದ್ಯದಲ್ಲಿ ಟೀಂ ಇಂಡಿಯಾ ಮಾರಕ ಬೌಲಿಂಗ್​ ಎದುರಿಸುವಲ್ಲಿ ವಿಫಲವಾದ ಜಿಂಬಾಬ್ವೆ 38.1 ಓವರ್​​​​ಗಳಲ್ಲಿ ತನ್ನೆಲ್ಲ ವಿಕೆಟ್ ಕಳೆದುಕೊಂಡು 161ರನ್​​ಗಳಿಸಿದೆ. ತಂಡದ ಪರ ಸೇನ್​ ವಿಲಿಯನ್ಸ್​​​(42) ಹಾಗೂ ಬುರ್ಲೆ(39) ವೈಯಕ್ತಿಕ ಗರಿಷ್ಠ ಸ್ಕೋರ್​ರ ಆಗಿದ್ದಾರೆ. ಆರಂಭಿಕರಾದ ಕೈಟಿನೊ(7), ಇನೊಸಿಟ್​(16) ಮತ್ತೊಮ್ಮೆ ವೈಫಲ್ಯ ಅನುಭವಿಸಿದರು. ಮಧ್ಯಮ ಕ್ರಮಾಂಕದಲ್ಲೂ ಮಾದವೀರ್​(2), ಚಕುಬಾ(2) ನಿರಾಸೆ ಅನುಭವಿಸಿದರು.

• 2ND ODI. India Won by 5 Wicket(s) https://t.co/RDdvgajdmi #ZIMvIND

  — BCCI (@BCCI) August 20, 2022 " class="align-text-top noRightClick twitterSection" data="

  2ND ODI. India Won by 5 Wicket(s) https://t.co/RDdvgajdmi #ZIMvIND

  — BCCI (@BCCI) August 20, 2022

  ">

  2ND ODI. India Won by 5 Wicket(s) https://t.co/RDdvgajdmi #ZIMvIND

  — BCCI (@BCCI) August 20, 2022

ಅನುಭವಿ ಸಿಕಂದರ್ ರಾಜಾ(16) ತಂಡಕ್ಕೆ ಹೇಳಿಕೊಳ್ಳುವಂತಹ ಕಾಣಿಕೆ ನೀಡಲಿಲ್ಲ. 6ನೇ ವಿಕೆಟ್​​ಗೆ ಒಂದಾದ ವಿಲಿಯಮ್ಸ್​​(42) ಹಾಗೂ ಬುರ್ಲೆ(39) ತಂಡವನ್ನು 150ರ ಗಡಿ ದಾಟಿಸುವಲ್ಲಿ ಯಶಸ್ವಿಯಾದರು. ಇವರ ವಿಕೆಟ್​ ಪತನಗೊಳ್ಳುತ್ತಿದ್ದಂತೆ ಜಾಂಗ್ವೆ(6), ಬ್ರಾಂಡ್​(9), ತನಕ್​​(4) ವಿಕೆಟ್​ ಒಪ್ಪಿಸಿದರು. ಟೀಂ ಇಂಡಿಯಾ ಪರ ಅದ್ಭುತ ಬೌಲಿಂಗ್ ಪ್ರದರ್ಶನ ನೀಡಿದ ಶಾರ್ದೂಲ್ ಠಾಕೂರ್​ 3 ವಿಕೆಟ್ ಪಡೆದರೆ, ಸಿರಾಜ್, ಪ್ರಸಿದ್ಧ ಕೃಷ್ಣ, ಅಕ್ಸರ್ ಪಟೇಲ್, ಕುಲ್ದೀಪ್ ಯಾದವ್ ಹಾಗೂ ದೀಪಕ್ ಹೂಡಾ ತಲಾ 1 ವಿಕೆಟ್ ಪಡೆದುಕೊಂಡರು.

ಭಾರತದ ಇನ್ನಿಂಗ್ಸ್​​: 162ರನ್​​ಗಳ ಗುರಿ ಬೆನ್ನತ್ತಿದ ಟೀಂ ಇಂಡಿಯಾ ಆರಂಭದಲ್ಲೇ ನಾಯಕ ಕೆಎಲ್​ ರಾಹುಲ್​(1) ವಿಕೆಟ್ ಕಳೆದುಕೊಂಡಿತು. ಇದಾದ ಬಳಿಕ ಒಂದಾದ ಧವನ್​​-ಶುಬ್ಮನ್ ಗಿಲ್ ಜೋಡಿ ತಂಡಕ್ಕೆ ಚೇತರಿಕೆ ನೀಡಿದರು. ಮೊದಲ ಪಂದ್ಯದಲ್ಲಿ ಅಜೇಯ 81ರನ್​​ಗಳಿಸಿದ್ದ ಆರಂಭಿಕ ಬ್ಯಾಟರ್ ಧವನ್​ ಈ ಪಂದ್ಯದಲ್ಲಿ 33ರನ್​​ಗಳಿಸಿದರೆ, ಗಿಲ್​​ 33ರನ್​​​ಗಳಿಗೆ ಔಟಾದರು. ಇದಾದ ಬಳಿಕ ಬಂದ ಇಶನ್​ ಕಿಶನ್​(6) ವೈಫಲ್ಯ ಅನುಭವಿಸಿದರು.

ಮಧ್ಯಮ ಕ್ರಮಾಂಕದಲ್ಲಿ ಬ್ಯಾಟ್ ಬೀಸಿದ ದೀಪಕ್ ಹೂಡಾ(25)ರನ್​​ಗಳಿಸಿ ಔಟಾದರೆ, ಸಂಜು ಸ್ಯಾಮ್ಸನ್​ ಅಜೇಯ 43ರನ್​ ಹಾಗೂ ಅಕ್ಸರ್ ಪಟೇಲ್​ ಅಜೇಯ 6ರನ್​​ಗಳಿಕೆ ಮಾಡಿದರು. ತಂಡದ ಕೊನೆಯದಾಗಿ 25.4 ಓವರ್​​​ಗಳಲ್ಲಿ 167ರನ್​​ಗಳಿಸಿ, ಗೆಲುವು ದಾಖಲು ಮಾಡಿದೆ. ಜಿಂಬಾಬ್ವೆ ಪರ ಜಾಂಗ್ವೆ 2 ವಿಕೆಟ್ ಪಡೆದುಕೊಂಡಿದ್ದು, ವಿಕ್ಟರಿ, ತನಕ್​​ ಸಿಂಕದರ್ ತಲಾ 1 ವಿಕೆಟ್ ಪಡೆದುಕೊಂಡರು. ವಿಶೇಷವೆಂದರೆ ಜಿಂಬಾಬ್ವೆ ತಂಡದ ಪರ 8 ಆಟಗಾರರು ಬೌಲಿಂಗ್ ಮಾಡಿದರು.

ಮೊದಲ ಏಕದಿನ ಪಂದ್ಯದಲ್ಲಿ ಟೀಂ ಇಂಡಿಯಾ 10 ವಿಕೆಟ್​ಗಳ ಗೆಲುವು ದಾಖಲು ಮಾಡಿದ್ದು, ಈ ಪಂದ್ಯದಲ್ಲಿ ಚಹರ್, ಕೃಷ್ಣ ಹಾಗೂ ಅಕ್ಸರ್ ತಲಾ 3 ವಿಕೆಟ್ ಪಡೆದುಕೊಂಡಿದ್ದರು. ಬ್ಯಾಟಿಂಗ್​ನಲ್ಲಿ ಮಿಂಚಿದ್ದ ಧವನ್​(81), ಶುಬಮನ್ ಗಿಲ್​(82)ರನ್​​ಗಳಿಕೆ ಮಾಡಿದ್ದರು.