ಕೊಲಂಬೊ (ಶ್ರೀಲಂಕಾ): ಮುಂಬರುವ ಏಕದಿನ ವಿಶ್ವಕಪ್ಗೆ ಶ್ರೀಲಂಕಾ ತನ್ನ 15 ಆಟಗಾರರ ತಂಡವನ್ನು ಮಂಗಳವಾರ ಪ್ರಕಟಿಸಿದ್ದು, ಸ್ಟಾರ್ ಆಲ್ರೌಂಡರ್ ವನಿಂದು ಹಸರಂಗಾ ತಂಡದಿಂದ ಹೊರಗುಳಿದಿದ್ದಾರೆ. ಐಸಿಸಿಯ ಕಟ್-ಆಫ್ ದಿನಾಂಕಕ್ಕೆ (ಸೆಪ್ಟೆಂಬರ್ 28) ಕೇವಲ ಎರಡು ದಿನಗಳ ಮೊದಲು ಶ್ರೀಲಂಕಾ ತನ್ನ ತಂಡವನ್ನು ಪ್ರಕಟಿಸಿದೆ. ದಸುನ್ ಶನಕ ಅವರ ನಾಯಕತ್ವದ ಪಾತ್ರವನ್ನು ಮುಂದುವರೆಸಲಿದ್ದಾರೆ ಮತ್ತು ಕುಸಾಲ್ ಮೆಂಡಿಸ್ ಅವರು ಉಪನಾಯಕರಾಗಿ ಕಾರ್ಯನಿರ್ವಹಿಸಲಿದ್ದಾರೆ.
ಹಸರಂಗ ಒಬ್ಬರನ್ನು ಹೊರತುಪಡಿಸಿ ತಂಡವು ಅವರ ಬಹುಪಾಲು ಪ್ರಮುಖ ಆಟಗಾರರನ್ನು ಹೊಂದಿದೆ. ಲೆಗ್ ಸ್ಪಿನ್ನರ್ ಕಳೆದ ತಿಂಗಳು ಲಂಕಾ ಪ್ರೀಮಿಯರ್ ಲೀಗ್‌ನ ಪ್ಲೇಆಫ್‌ನಲ್ಲಿ ತೊಡೆ ಭಾಗದ ಸೋವಿಗೆ ತುತ್ತಾಗಿದ್ದರು. ಕೆಳ ಕ್ರಮಾಂಕದಲ್ಲಿ ಆಲ್ರೌಂಡರ್ ಆಗಿರುವ ಅವರು ತಂಡದಲ್ಲಿ ಇಲ್ಲದಿರುವುದು ವಿಶ್ವಕಪ್ನಲ್ಲಿ ಬಹಳ ದೊಡ್ಡ ನಷ್ಟವೆಂದೇ ಪರಿಗಣಿಸಬಹುದಾಗಿದೆ. ಲಂಕಾ ಪ್ರೀಮಿಯರ್ ಲೀಗ್‌ನಲ್ಲಿ ವನಿಂದು ಹಸರಂಗ 279 ರನ್ ಗಳಿಸಿದ್ದಲ್ಲದೇ, 19 ವಿಕೆಟ್ ಪಡೆದಿದ್ದರು. ಗಾಯದ ಕಾರಣ ಹಸರಂಗ ಏಷ್ಯಾಕಪ್ನಿಂದಲೂ ಹೊರಗುಳಿದಿದ್ದರು.
ಶ್ರೀಲಂಕಾ ಕ್ರಿಕೆಟ್ ಮಂಡಳಿ ಹಸರಂಗ ವಿಶ್ವಕಪ್ನಲ್ಲಿ ಪಾಲ್ಗೊಳ್ಳುವ ಸಾಧ್ಯತೆಯ ಬಗ್ಗೆ ಈ ಮೊದಲು ಹೇಳಿತ್ತು. ಆದರೆ ಶಸ್ತ್ರಚಿಕಿತ್ಸೆಯ ಸಂದರ್ಭದಲ್ಲಿ ಸ್ಟಾರ್ ಸ್ಪಿನ್ನರ್ ಕನಿಷ್ಠ ಮೂರು ತಿಂಗಳ ಕಾಲ ಕ್ರಿಕೆಟ್‌ನಿಂದ ದೂರ ಇರುವಂತೆ ವೈದ್ಯಕೀಯ ಸಲಹೆ ನೀಡಿದೆ. ಈ ವರ್ಷದ ಆರಂಭದಲ್ಲಿ ಜೂನ್ ಮತ್ತು ಜುಲೈನಲ್ಲಿ ನಡೆದ ವಿಶ್ವಕಪ್ ಅರ್ಹತಾ ಪಂದ್ಯಗಳಲ್ಲಿ ಹಸರಂಗ ಪ್ರಮುಖ ಪಾತ್ರ ವಹಿಸಿದ್ದರು. ಅವರು ಕೇವಲ ಏಳು ಪಂದ್ಯಗಳಲ್ಲಿ 22 ವಿಕೆಟ್‌ಗಳನ್ನು ಪಡೆಯುವ ಮೂಲಕ ಪಂದ್ಯಾವಳಿಯ ಟಾಪ್ ವಿಕೆಟ್-ಟೇಕರ್‌ ಅಗಿದ್ದರು.
ಪಾತುಮ್ ನಿಸ್ಸಾಂಕ, ದಿಮುತ್ ಕರುಣಾರತ್ನೆ ಮತ್ತು ಕುಸಾಲ್ ಮೆಂಡಿಸ್ ಮಾರಕ ಅಗ್ರ ಕ್ರಮಾಂಕದಲ್ಲಿ ಆಡಿದರೆ, ಮಧ್ಯಮ ಕ್ರಮಾಂಕದಲ್ಲಿ ಸದೀರ ಸಮರವಿಕ್ರಮ, ಕುಸಾಲ್ ಪೆರೇರಾ, ಚರಿತ್ ಅಸಲಂಕಾ ಮತ್ತು ಧನಂಜಯ ಡಿ ಸಿಲ್ವಾ ಕಾಣಿಸಿಕೊಳ್ಳಲಿದ್ದಾರೆ. ನಾಯಕ ಶನಕ, ಧನಂಜಯ, ದುನಿತ್ ವೆಲ್ಲಲಗೆ ಮತ್ತು ಅಸಲಂಕಾ ತಂಡದ ಆಲ್ರೌಡರ್ಗಳಾಗಿದ್ದಾರೆ. ವೇಗಿಗಳ ವಿಭಾಗದಲ್ಲಿ ಕಸುನ್ ರಜಿತ, ದಿಲ್ಶನ್ ಮಧುಶಂಕ, ಲಹಿರು ಕುಮಾರ ಮತ್ತು ಉದಯೋನ್ಮುಖ ತಾರೆ ಮತೀಶ ಪತಿರಾನ ಕಾಣಿಸಿಕೊಳ್ಳಲಿದ್ದಾರೆ. ಹಸರಂಗ ಅನುಪಸ್ಥಿತಿಯಲ್ಲಿ, ಸ್ಪಿನ್ ದಾಳಿಯನ್ನು ಮಹೇಶ್ ತೀಕ್ಷ್ಣ ಮುನ್ನಡೆಸಲಿದ್ದು, ವೆಲ್ಲಾಲಗೆ ಮತ್ತು ಧನಂಜಯ ಅವರಿಗೆ ಬೆಂಬಲಿಸಲಿದ್ದಾರೆ.
-
JUST IN: Sri Lanka will be without the services of their star spinner as they reveal #CWC23 squad 👇 https://t.co/cbzZAzAEij
— ICC (@ICC) September 26, 2023 " class="align-text-top noRightClick twitterSection" data="
">JUST IN: Sri Lanka will be without the services of their star spinner as they reveal #CWC23 squad 👇 https://t.co/cbzZAzAEij
— ICC (@ICC) September 26, 2023JUST IN: Sri Lanka will be without the services of their star spinner as they reveal #CWC23 squad 👇 https://t.co/cbzZAzAEij
— ICC (@ICC) September 26, 2023
ವಿಶ್ವಕಪ್‌ಗೂ ಮುನ್ನ ಶ್ರೀಲಂಕಾ ಎರಡು ಅಭ್ಯಾಸ ಪಂದ್ಯಗಳನ್ನು ಆಡಲಿದೆ. ಅವರ ಮೊದಲ ಪಂದ್ಯ ಸೆಪ್ಟೆಂಬರ್ 29 ರಂದು ಬಾಂಗ್ಲಾದೇಶ ಮತ್ತು ನಂತರ ಅಕ್ಟೋಬರ್ 2 ರಂದು ಅಫ್ಘಾನಿಸ್ತಾನ್ ವಿರುದ್ಧ ನಡೆಯಲಿದೆ. ಅವರು ಅಕ್ಟೋಬರ್ 7 ರಂದು ದೆಹಲಿಯ ಅರುಣ್ ಜೇಟ್ಲಿ ಕ್ರೀಡಾಂಗಣದಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ ತಮ್ಮ ವಿಶ್ವಕಪ್ನ ಮೊದಲ ಪಂದ್ಯವನ್ನು ಆಡಲಿದ್ದಾರೆ.
ಶ್ರೀಲಂಕಾ ತಂಡ: ದಸುನ್ ಶನಕ (ನಾಯಕ), ಕುಸಲ್ ಮೆಂಡಿಸ್ (ವಿಕೆಟ್ ಕೀಪರ್), ಕುಸಲ್ ಪೆರೇರಾ, ಪಾತುಮ್ ನಿಸ್ಸಾಂಕ, ದಿಮುತ್ ಕರುಣಾರತ್ನ, ಸದೀರ ಸಮರವಿಕ್ರಮ, ಚರಿತ್ ಅಸಲಂಕಾ, ಧನಂಜಯ ಡಿ ಸಿಲ್ವಾ, ದುಶನ್ ಹೇಮಂತ, ಮಹೀಶ್ ತೀಕ್ಷಣ, ದುನಿತ್ ವೆಲ್ಲಲಾಗೆ, ಕಸುನ್ ಪಥಿರ್ ಲಹಿರು ಕುಮಾರ, ದಿಲ್ಶನ್ ಮಧುಶಂಕ
ಇದನ್ನೂ ಓದಿ: Asian Games 2023 : ಟೆನ್ನಿಸ್, ಚದುರಂಗದಲ್ಲಿ ಭಾರತಕ್ಕೆ ಮುನ್ನಡೆ.. ಜೂಡೋ ಸ್ಪರ್ಧೆಯಲ್ಲಿ ನಿರಾಸೆ
