ನವದೆಹಲಿ: ಮೈದಾನಕ್ಕೆ ಸಮಯ ಮೀರಿ ಆಗಮಿಸಿದ ಶ್ರೀಲಂಕಾದ ಅನುಭವಿ ಆಲ್ರೌಂಡರ್ ಏಂಜೆಲೊ ಮ್ಯಾಥ್ಯೂಸ್ ಅವರನ್ನು ಅಂಪೈರ್ ಔಟ್ ಎಂದು ಪ್ರಕಟಿಸಿದ್ದಾರೆ. ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಅಧಿಕೃತವಾಗಿ ಸಮಯ ಮೀರಿದೆ ಎಂದು ಘೋಷಿಸಿದ ಮೊದಲ ಆಟಗಾರ ಏಂಜೆಲೊ ಮ್ಯಾಥ್ಯೂಸ್ ಆಗಿದ್ದಾರೆ. ಪುರುಷ ಮತ್ತು ಮಹಿಳಾ ಕ್ರಿಕೆಟ್ ಇತಿಹಾಸದಲ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಮೊದಲ ಬಾರಿಗೆ ಮ್ಯಾಥ್ಯೂಸ್ ಈ ರೀತಿಯಲ್ಲಿ ವಿಕೆಟ್ ಕಳೆದುಕೊಂಡ ಆಟಗಾರ ಎಂಬ ಅಪಖ್ಯಾತಿಗೆ ಗುರಿಯಾಗಿದ್ದಾರೆ.
ನವದೆಹಲಿಯ ಅರುಣ್ ಜೇಟ್ಲಿ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ವಿಶ್ವಕಪ್ 2023 ರಲ್ಲಿ ಬಾಂಗ್ಲಾದೇಶದ ವಿರುದ್ಧದ ಪಂದ್ಯದಲ್ಲಿ ಅವರು ಈ ಅಪಖ್ಯಾತಿಗೆ ಒಳಗಾಗಿದ್ದಾರೆ. ಈ ಟೈಮ್ ಔಟ್ನಿಂದ ವಿಕೆಟ್ ಕಳೆದುಕೊಂಡ ಪ್ರಕರಣ ಕ್ರಿಕೆಟ್ನಲ್ಲಿ ಆರು ಬಾರಿ ಸಂಭವಿಸಿದೆ. ಆದರೆ, ಇದೆಲ್ಲವೂ ಪ್ರಥಮ ದರ್ಜೆ ಕ್ರಿಕೆಟ್ನಲ್ಲಿ ಆಗಿದೆ.
-
Angelo Mathews tried to tell Shakib Al Hasan that delay happened due to helmets, but Shakib refused to take his appeal back. pic.twitter.com/XK8v4gGbOE
— Mufaddal Vohra (@mufaddal_vohra) November 6, 2023 " class="align-text-top noRightClick twitterSection" data="
">Angelo Mathews tried to tell Shakib Al Hasan that delay happened due to helmets, but Shakib refused to take his appeal back. pic.twitter.com/XK8v4gGbOE
— Mufaddal Vohra (@mufaddal_vohra) November 6, 2023Angelo Mathews tried to tell Shakib Al Hasan that delay happened due to helmets, but Shakib refused to take his appeal back. pic.twitter.com/XK8v4gGbOE
— Mufaddal Vohra (@mufaddal_vohra) November 6, 2023
24.2ನೇ ಓವರ್ನಲ್ಲಿ ಈ ಘಟನೆ ನಡೆದಿದೆ. ಬಾಂಗ್ಲಾ ನಾಯಕ ಶಕೀಬ್ ಅಲ್ ಹಸನ್ ಬೌಲಿಂಗ್ ಮಾಡುತ್ತಿದ್ದಾಗ 41 ರನ್ ಗಳಿಸಿ ಆಡುತ್ತಿದ್ದ ಸದೀರ ಸಮರವಿಕ್ರಮ ವಿಕೆಟ್ ಕಳೆದುಕೊಂಡರು. ಅವರ ನಂತರ 5ನೇ ಬ್ಯಾಟರ್ ಆಗಿ ಮ್ಯಾಥ್ಯೂಸ್ ಮೈದಾನಕ್ಕೆ ಬರಬೇಕಾಗಿತ್ತು. ಮೈದಾನಕ್ಕೆ ಬರಬೇಕಾದರೆ ಅವರ ಹೆಲ್ಮೆಟ್ನ ಪಟ್ಟಿ ಸರಿಯಾಗಿ ಲಾಕ್ ಆಗುತ್ತಿರಲಿಲ್ಲ. ಇದನ್ನು ಗಮನಿಸಿ ಮ್ಯಾಥ್ಯೂಸ್ ಬೇರೆ ಹೆಲ್ಮೆಟ್ ತರಲು ಹೆಚ್ಚುವರಿ ಸಮಯ ಬೇಕೆಂದು ಕೇಳಿಕೊಂಡರು. ಶ್ರೀಲಂಕಾದ ಡಗೌಟ್ನಿಂದ ಅವರಿಗೆ ಬದಲಿ ಹೆಲ್ಮೆಟ್ ತಂದರು. ಆದರೆ, ಬಾಂಗ್ಲಾದೇಶದ ನಾಯಕ ಶಕೀಬ್ ಅಲ್ ಹಸನ್ ಮೇಲ್ಮನವಿ ಸಲ್ಲಿಸಲು ನಿರ್ಧರಿಸಿದರು. ಮೈದಾನದ ಅಂಪೈರ್ಗಳು ನಿಯಮಗಳ ಪ್ರಕಾರ ಅವರನ್ನು ಔಟ್ ಎಂದು ಘೋಷಿಸಿದರು.