ಮತ್ತೆ ರಾಹುಲ್​ಗೆ ಉಪನಾಯಕನ ಪಟ್ಟ: ಟೀಕೆಗಳಿಗೆ ಬ್ಯಾಟ್​ನಿಂದಲೇ ಉತ್ತರಿಸಿದ ಕನ್ನಡಿಗ

ಫೆಬ್ರವರಿಯಲ್ಲಿ ಕಳಪೆ ಪ್ರದರ್ಶನ ನೀಡಿದ ಕೆ ಎಲ್​ ರಾಹುಲ್​ ಉಪನಾಯಕನ ಸ್ಥಾನವನ್ನು ಕಳೆದುಕೊಂಡಿದ್ದರು. ವಿಶ್ವಕಪ್​ನಲ್ಲಿ ರಾಹುಲ್​ ಮತ್ತೆ ಆ ಸ್ಥಾನವನ್ನು ಸಂಪಾದಿಸಿದ್ದಾರೆ.

ಹೈದರಾಬಾದ್​: ನಡೆಯುತ್ತಿರುವ ವಿಶ್ವಕಪ್​ನಲ್ಲಿ ಬಾಂಗ್ಲಾದೇಶ ವಿರುದ್ಧದ ಪಂದ್ಯದಲ್ಲಿ ಹಾರ್ದಿಕ್​ ಪಾಂಡ್ಯ ಗಾಯಕ್ಕೆ ತುತ್ತಾಗಿ ತಂಡದಿಂದ ಹೊರಗುಳಿದಿದ್ದರು. ಸದ್ಯ ಅವರ ಚೇತರಿಕೆ ಸಾಧ್ಯವಿಲ್ಲ ಎಂದಾದ ಮೇಲೆ ಬದಲಿಯಾಗಿ ಕನ್ನಡಿಗ ಪ್ರಸಿದ್ಧ್​ ಕೃಷ್ಣ ಅವರನ್ನು ಆಯ್ಕೆ ಮಾಡಿಕೊಳ್ಳಲಾಗಿದೆ. ವಿಶ್ವಕಪ್​ ತಂಡದಲ್ಲಿ ಹಾರ್ದಿಕ್​ ಆಲ್​​ರೌಂಡರ್​ ಜಾಗದ ಜೊತೆಗೆ ಉಪನಾಯನಾಗಿಯೂ ಕಾರ್ಯನಿರ್ವಹಿಸುತ್ತಿದ್ದರು. ಈಗ ಉಪನಾಯಕ ಪಟ್ಟವನ್ನು ಕೆ ಎಲ್​ ರಾಹುಲ್​ಗೆ ಕಟ್ಟುವ ಚಿಂತನೆ ನಡೆದಿದೆ.

• KL Rahul appointed as Vice Captain of team India in this World Cup.
  
  Recovering from injury to proving his worth and now becoming VC in the World Cup, a comeback to remember by KL...!!! pic.twitter.com/D1cA8IqxXe

  — Mufaddal Vohra (@mufaddal_vohra) November 4, 2023 " class="align-text-top noRightClick twitterSection" data="

  KL Rahul appointed as Vice Captain of team India in this World Cup.
  
  Recovering from injury to proving his worth and now becoming VC in the World Cup, a comeback to remember by KL...!!! pic.twitter.com/D1cA8IqxXe

  — Mufaddal Vohra (@mufaddal_vohra) November 4, 2023

  ">

  KL Rahul appointed as Vice Captain of team India in this World Cup.
  
  Recovering from injury to proving his worth and now becoming VC in the World Cup, a comeback to remember by KL...!!! pic.twitter.com/D1cA8IqxXe

  — Mufaddal Vohra (@mufaddal_vohra) November 4, 2023

ಈ ವರ್ಷ ಆರಂಭದಲ್ಲಿ ಕೆ ಎಲ್ ರಾಹುಲ್​ ತಮ್ಮ ಕಳಪೆ ಪ್ರದರ್ಶನದಿಂದ ಟೀಕೆ ಗುರಿಯಾಗಿದ್ದರು. ಅವರ ಆಟದ ಬಗ್ಗೆ ಮಾಜಿ ಆಟಗಾರರು ಹಳಿದಿದ್ದರು. ಫೆಬ್ರವರಿಯಲ್ಲಿ ಆಸ್ಟ್ರೇಲಿಯಾ ತಂಡ ಬಾರ್ಡರ್​ ಗವಾಸ್ಕರ್​ ಟ್ರೋಫಿಗೆ ಭಾರತಕ್ಕೆ ಬಂದಿತ್ತು. ಮೊದಲ ಎರಡು ಪಂದ್ಯದಲ್ಲಿ ಉಪನಾಯಕನ ಸ್ಥಾನವನ್ನು ರಾಹುಲ್​​ಗೆ ನೀಡಲಾಗಿತ್ತು. ಅದರಲ್ಲಿ ರಾಹುಲ್​ ಪ್ರದರ್ಶನಕ್ಕೆ ಬಂದ ಟೀಕೆಗಳನ್ನು ಕಂಡ ನಂತರ ಅವರನ್ನು ಉಪನಾಯಕ ಎಂದು ಆಯ್ಕೆ ಸಮಿತಿ ಗುರುತಿಸದೇ 3 ಮತ್ತು 4ನೇ ಪಂದ್ಯಕ್ಕೆ ತಂಡವನ್ನು ಪ್ರಕಟಿಸಿತ್ತು. ಅಲ್ಲದೇ ರಾಹುಲ್​ 3 ಮತ್ತು 4ನೇ ಟೆಸ್ಟ್​ನಲ್ಲಿ ಆಡುವ ಅವಕಾಶವನ್ನು ಕಳೆದುಕೊಂಡಿದ್ದರು. ಉತ್ತಮ ಪ್ರದರ್ಶನ ನೀಡುವ ಮೂಲಕ ಫೆಬ್ರವರಿಯಲ್ಲಿ ಕಳೆದುಕೊಂಡಿದ್ದ ಸ್ಥಾನವನ್ನು ಮತ್ತೆ ಸಂಪಾದಿಸಿಕೊಂಡಿದ್ದಾರೆ.

ಐಪಿಎಲ್​ ವೇಳೆ ಗಾಯಕ್ಕೆ ತುತ್ತಾದ ಕೆ ಎಲ್​ ರಾಹುಲ್​ ವಿದೇಶದಲ್ಲಿ ಚಿಕಿತ್ಸೆಗೆ ಒಳಗಾಗಿ ನಂತರ ಬೆಂಗಳೂರಿನಲ್ಲಿರುವ ರಾಷ್ಟ್ರೀಯ ಕ್ರಿಕೆಟ್​ ಅಕಾಡೆಮಿ (ಎನ್​ಸಿಎ)ಯಲ್ಲಿ ಅವರು ಚೇತರಿಸಿಕೊಂಡಿದ್ದರು. ವಿಶ್ವಕಪ್​ಗೂ ಮುನ್ನ ಏಷ್ಯಾಕಪ್​ ಮತ್ತು ಆಸ್ಟ್ರೇಲಿಯಾ ವಿರುದ್ಧದ ಸರಣಿಯಲ್ಲಿ ಆಡಿದ ಅವರು ಉತ್ತಮ ಕಮ್​ಬ್ಯಾಕ್​ ಮಾಡಿದರು. ವಿಶ್ವಕಪ್​​ನಲ್ಲಿ ತಂಡದ ಮಧ್ಯಮ ಕ್ರಮಾಂಕದ ಬ್ಯಾಟಿಂಗ್​ ಜೊತೆಗೆ ಕೀಪಿಂಗ್​ ಸಹ ನಿರ್ವಹಿಸುತ್ತಿದ್ದಾರೆ.

ವಿಶ್ವಕಪ್​ನಲ್ಲಿ ರಾಹುಲ್​ಗೆ ಮೆಚ್ಚುಗೆ: ಕಾಲಿನ ಗಾಯದಿಂದ ಚೇತರಿಸಿಕೊಂಡ ನಂತರ ರಾಹುಲ್​ ಕೀಪಿಂಗ್​ ಮಾಡುವ ಹಂತಕ್ಕೆ ಚೇತರಿಸಿಕೊಂಡಿದ್ದಾರೆ. ಮೊದಲ ಇನ್ನಿಂಗ್ಸ್​ನಲ್ಲಿ ಕೀಪಿಂಗ್​ ಮಾಡಿದ ನಂತರ ಮಧ್ಯಮ ಕ್ರಮಾಂಕದಲ್ಲಿ ಬ್ಯಾಟಿಂಗ್​ ಮಾಡಿ ರನ್​ ಗಳಿಸುವುದರಲ್ಲಿ ಯಾಶಸ್ವಿ ಆಗುತ್ತಿದ್ದಾರೆ. ಇದರಿಂದ ವರ್ಷದ ಆರಂಭದಲ್ಲಿ ಟೀಕೆ ಮಾಡುತ್ತಿದ್ದ ಜನರೇ ಇಂದು ಹೊಗಳಿಕೆಯ ಮಾತುಗಳನ್ನು ಆಡುತ್ತಿದ್ದಾರೆ.

ನಡೆಯುತ್ತಿರುವ ವಿಶ್ವಕಪ್​ನಲ್ಲಿ 6 ಇನ್ನಿಂಗ್ಸ್​ಗಳನ್ನು ಆಡಿರುವ ರಾಹುಲ್​ 237 ರನ್​ ಕಲೆಹಾಕಿದ್ದಾರೆ. ಆಸ್ಟ್ರೇಲಿಯಾ ವಿರುದ್ಧದ ಮೊದಲ ಪಂದ್ಯದಲ್ಲಿ ರಾಹುಲ್​ 97 ರನ್​ ಆಸರೆ ಇನ್ನಿಂಗ್ಸ್ ಆಡಿದರು. ಪಾಕಿಸ್ತಾನದ ವಿರುದ್ಧ ಅಜೇಯ 19 ರನ್​ ಗಳಿಸಿ ಪಂದ್ಯವನ್ನು ಗೆಲ್ಲಿಸಿಕೊಟ್ಟರು. ಹೀಗೆ ಪ್ರಮುಖ ಹಂತದಲ್ಲಿ ರಾಹುಲ್​ ತಂಡಕ್ಕೆ ನೆರವಾಗಿದ್ದಾರೆ.

ಇದನ್ನೂ ಓದಿ: ಹಾರ್ದಿಕ್​ ಪಾಂಡ್ಯ ಬದಲಿಗೆ ಪ್ರಸಿದ್ಧ್​ ಕೃಷ್ಣ ಎಷ್ಟು ಸೂಕ್ತ?: ಆಯ್ಕೆ ಸಮಿತಿಗೆ ಮಾಜಿ ಆಟಗಾರರ ಪ್ರಶ್ನೆ